IRHT

> Transcription

Parties liminaires >

Introduction

+ Sancti Spiritus adsit nobis gratia +

[fol. 2]En nom del pere et del fil et del saint esperit. Quant li an de l’incarnation nostre signour Jhesucrit estoient .mil. douscent sexante et nuef antour la nativitei saint Jehant Baptistre, Jehanz, sires de Neelles, escuiers, qui fu filz mon signour Andrier, signour de Neelles, chevalier, fist faire cest present registre et hi fist escrivre mot à mot ses letres aucum eles estoient seellées, et ne fist pas force an escrivre premiers les plus ancienes per ordre de tens ansic com eles sunt faites li une aprés l’autre. Ainceis furent escrites antremelleement ansic cum cil Jehanz les prennoit la ou eles estoient celi que li venoit a la main, celi aportoit à dous clercs, donc li uns lisoit et li autres escrivoit.

Table

La premiere de cels letres est del partaige qui fu faiz per accort antre mon signour Milon de Saint Florantin et Aelais, sa femme, d’une part, et Harmengeart, dame de Sombernon, et Andrier, Matier, et Huguenin de Neelles, freres, d’autre part. Et cele letre se comance Ego Hugo dux Burgundie et la troveroiz desouz lo nombre de I.

Accéder à l'acte 1

La secunde de celz letres est del partaige qui fu faiz antre mon signour Matier de Neelles et Jehant son nevoul ; et se comance cele secunde letre : « Nos Hugues dux de Borgoigne » et la troveroiz desouz lou nombre de II.

Accéder à l'acte 2

La tierce de cels letres est del partaige est del partaigea fait antre Jehant de Neeles et Catherine sa suer et se comence : « ge Hugues, dux de Borgoigne » et est au nombre de trois.

Accéder à l'acte 3

La quarte letre est de la vendue que Guillaumes de Neelles fist mon signor Andrier de ce qu’il avoit a Neelles, a Colommiers et a Chapialgrimaul et se comence : Nos frater Johannes abbas Quinciaci et la troveroiz au nombre de quatre.

Accéder à l'acte 4

La cinquieme est de cele vendue maismes et se comence : Ego Guido abbas Castellionis au nombre de cinc.

Accéder à l'acte 5

[fol. 3] La sesiesme est del mariaige Gertruy femme Jehant de Naeles et se comence « Nos Hugues dux de Borgne » et la troveroiz au nombre de six.

Accéder à l'acte 6

La septiesme est de celui mariaige maismes et se comance : In nomine domini amen et siet au nombre de sept.

Accéder à l'acte 7

La octiesme letre est maismement de celiu mariaige et se comence : « Nos Amees humilis abbés de Saint Estiene de Digeon » et est au nombre de huyt.

Accéder à l'acte 8

La nuesme letre est des covenences faites antre Jehant et Contaeesse sa suer et se comence : Nos magister Guillermus et est au nombre de nuef.

Accéder à l'acte 9

La disme est des covenences antre Jehant et Agnes et Aglentine ses sorours et se comence : Nos G., Dei gratia Lingonensis episcopus, et est au nombre de dix.

Accéder à l'acte 10

La unziesme letre est de la vendue que Guillaumes de Neelles fist mon signour Andrier de ce que il avoit an la chastellerie de Nohiers et a Chapiagrimaul, et se comance Nos Guido humilis abbas et est au nombre de unze.

Accéder à l'acte 11

La doziesme de l’aschenge de Colonmiers lou set que li dux de Borgoigne fist a mon signour Andrier et Mathier son frere .. et se comance : Ego Hugo dux Burgundie, et est au nombre de douze.

Accéder à l'acte 12

La treziesme de l’accort fait antre Jehant de Neelles et les hommes de Colonmiers et comance « Nos Hugues, dux de Borgoigne » et est au nombre de treze.

Accéder à l'acte 13

La quatorziesme de l’aschenge fait antre Jehant de Neeles et Guillaume de Recey et comance : « Nos Hugues, dux de Borgoigne » au nombre de quatorze.

Accéder à l'acte 14

La quinziesme del fié de Cormoillon et comance : « Nos Hugues, dux de Borgoigne », au nombre de quinze.

Accéder à l'acte 15

[fol. 4] La seziesme des covenances antre Jehant et Reynete et comance : « Nos, Hugues dux de Borgoigne », au nombre de seze.

Accéder à l'acte 16

La deseseptime del fié mon signour Hervier de Turcey et comance : « Nos, Hugues dux de Borg[oigne] », au nombre de dix et sept.

Accéder à l'acte 17

La desihaitisme del droit de celui fié maisme rendu per lou baillif de Auxois et comance : « Nos Hugues de Arcy bailliz de Auxois », au nombre de dix et huit.

Accéder à l'acte 18

La disenuesme des covenences antre lou signour de Neelles et l’abbei de Quincey et comance Ego Hugo dux Burgundie, au nombre de disenuef.

Accéder à l'acte 19

La vintisme de la quittance et del don del fiet des cinc parz del molin que Seguins de Chestellonet fist a Jehant de Neeles et comance : « Nos Hugues, dux de Borgoigne » au nombre de vint.

Accéder à l'acte 20

La vinteunisme de l’aschange fait antre Jehant de Neelles et Ysabial Bridaine et comance : « Nos Guillaumes de Cheacey » au nombre de vint et un.

Accéder à l'acte 21

[fol. 4v] La vintedousisme de la vendue de deniez mtiés de bles que Ysabiax Bridayne fist a Jehant de Neeles et comance : « Nos, frere Jacques humiles abbés » au nombre de vint et deus.

Accéder à l'acte 22

La vintetroisiesme de celui aschenge maismes dont la vinteunisme parole ; de celui aschenge que Ysabiax Bridaine fist a Jehant de Neeles et comance : « Nos frere Jaques, humiles abbés », au nombre de vint et trois.

Accéder à l'acte 23

La cintequatrisme de l’acensement del sixte del siege del molin fait per les Templihers et comance « Noz frere Amaurriz de la Roche » au nombre de vint et quatre.

Accéder à l'acte 24

La vintecinquisme del jugement fait de l’eritaige mon signour Mathier de Astez et comance : Hugo dux Burgundie au nombre de vint et cinc.

Accéder à l'acte 25

La vintesesiesme de a vendue des tierces de Neelles que Guillemins de Ruigney, fist a Jehant et comance : « Nos, Guillaumes de Cheacey », au nombre de vint et six.

Accéder à l'acte 26

[fol. 5] La vinteseptisme de cele vendue maismes de ces tierces que Guillemins de Buigney fist et comance « A touz cels qui ces presentes letres verront » au nombre de vint et sept.

Accéder à l'acte 27

La vintehuitisme de l’accort fait antre Jehant de Neeles et les freres de Saint Antoine et comance : Nos frater Guillermus au nombre de vint et huit.

Accéder à l'acte 28

La vintnuesme de la vendue del champ as signors que Milons de Colommiers fist a Jehant et comance Nos frater Jacobus au nombre de vintenuef.

Accéder à l'acte 29

La trantisme de l’aschenge que Miles Raboans fist a Jehans de Neeles, et comance Nos frater Jacobus au nombre de trante.

Accéder à l'acte 30

La tranteunisme de la vendue que Aceline de Baelou fist mon signor Andrier de Neeles et comance Nos Guido abbas au nombre de trante et un.

Accéder à l'acte 31

La trantedousiesme de la vendue que Jehanz Farine et Lambers Farine firent a mon signor Andrier de Neelles et comance : Ego Hutricus au nombre de trentedous.

Accéder à l'acte 32

[fol. 5v] La trantetoisiesme de la vendue que Anmeline feme Pierre Chasne fist mon signor Andrier de Neeles et comane Nos Guido humilis abbas au nombre de trantetrois.

Accéder à l'acte 33

La trantequatrisme des amendes jugiés contre les hommes de Colonmiers et comance : « Nos, Guillaumes de Cheacey », au nombre de trantequatre.

Accéder à l'acte 34

La trantecinquisme de celui maismes jugement de celes amendes maismes et comance : « Nos frere Jaques » au nombre de trante cinc.

Accéder à l'acte 35

La trantesesisme de l’acroissement que Aubertins Choullez doit faire de son fié que il tient de Jehant de Neeles et comance : « Nos Guillaumes de Cheacey », au nombre de trante six.

Accéder à l'acte 36

La tranteseptisme del fié de Vermenton et comance : Nos. P., comes Autissiodorensis, au nombre de trante sept.

Accéder à l'acte 37

[fol. 6] La trantehutisme des covenances antre Jehant de Neeles et Bertier lou fil Mayot de Charantois et comance : « Nos Heriers, humiles priours » au nombre de trante huit.

Accéder à l'acte 38

La trantenuesme del fié de Charantois et comance : Ego Andreas, dominus Espissie au nombre de trante nuef.

Accéder à l'acte 39

La quarantisme de la vendue de la maison desoz l’orme a Colummier lou sec et de la grange darriers la maison et de pieces de terre, les quiex choses Naudins filz feu Lambert vendist a Jehant, signor de Naelles, et comance : « Nos Jaques, humbles abbés » au nombre de .xl.

Accéder à l'acte 40

La quarantisme et une de la vendue de ces choses maismes ansic com Jehanz filz Milon Raboant les avoit vendues a Naudin et comence : « Nos Jaques .. » au nombre de .xli.

Accéder à l'acte 41

[fol. 6v] La quarantisme et doues de la vendue del champ de la corvée que Domenge fist a Naudin et comance « Nos Jaques » au nombre de .xlii.

Accéder à l'acte 42

La quarantisme et trois de la vendue del champ des Poireres que Domenge fist a Jehant de Neelles et comence « Nos Jaques » au nombre de .xliii.

Accéder à l'acte 43

La quarante quatrisme de la vendue de la moitié del champ des Crais que Richard filz Rose vendit a Jehant signor de Neelles et comence : « Nos Jaques » au nombre de quarante et quatre.

Accéder à l'acte 44

La quarante cinquisme est des covenences que sunt antre Adam Blanchet de Colonmer d’une part et les signors de Neelles d’autre part, et comence : « Nos Jaques » au nombre de .xlv.

Accéder à l'acte 45

[fol. 7] La quarante sesisme del fiéz de Ascheniney que li sires de Monteillet at donéz as signors de Neelles et comence : « Nos Hugues dux de Borg[oigne] » au nombre de quarante et six.

Accéder à l'acte 46

La quarante septisme letre si est del aschat que Jesuez de Montbart li juis fit de dame Marguerite la fenme monsignor Robert Buillet de Furuy de Corbotonb Corbeton et comence : « Nos Hugues dux de Borgoigne » au nombre de .xlvii.

Accéder à l'acte 47

La quarante hutisme letre est de l’accort fait par le duc de Borgoigne antre lou signor de Neelles et l’abbei et lou covent de Quincey et est seellet del seel de Quincey et se comance : Nos rater Johannes abbas et la troveroiz au nombre de xlviii.

Accéder à l'acte 48

[fol. 7v] La quarante et nouvieme est des covenances que sont entre mon seignor leu duc de Bergoigne et lou seignor de Neeles lesquex covenances sont d’Eschanne ; et sancommancent ces letres en tel maniere : « En non de nostre seignor Jehsu Crist, amen », et la troveroiz au nombre de .xlix.

Accéder à l'acte 49

La cinquanteime letre est de la vandue que Haymonins Destez, escuiers, fit a mon seignor Jehan segnor de Neeles, de ceu que li diz Haymonnins havoit et povoit havoir en la vile de Charantois et ou finaige et es appartenances de la dite vile et sancommance en cel maniere : In nomine domini, amen et la trouveroiz au nombre de .L.

Accéder à l'acte 50

La cinquanteuneime letre est de la vandue que Aluis qui fu famme Fulconet de Raon escuier fist a mon seignor Huon de Otricort des tierces de Baalo tel partie comme ele i havoit et en comance la letre : In nomine Domini amen et la troveroiz ou nombre de .li.

Accéder à l'acte 51

De l’eschaange que Aluis Destez fille monseignor Mathiet fist a Jehan de Neeles de ceu que ele havoit en la vile et ou finaige de Charantois a ceu que li diz Jehans havoit en la ville et ou finaige de Baalo et en comance en tel maniere : In nomine Domini amen et la troveroiz ou nombre de .lii.

Accéder à l'acte 52

La cinquante et troiseime letre est de covenances entre Emoingart de Drees et Jehan, seignor de Neeles, et s’encomance en tel maniere : « Gie Hugues, sires de Colches » et la troveroiz ou nombre de .liii.

Accéder à l'acte 53

La cinquante et quatrisme letre est des covenances entre Emoingart de Drees et Jehanz de Neeles por l’escheoite Guillaume de Drees frere de dist Emoingart et sancomance la letre « A touz cels qui sont et seront » et la trouverez ou nombre de .liiii.

Accéder à l'acte 54

La cinquante et cincquieme est des ces meismes covenances entre Ermoingart de Drees et Jehan, seignor de Neeles, et sencomance la letre : « A touz cels qui sont et seront » et la trouverez ou nombre de .lv.

Accéder à l'acte 55

La cinquante et sexeisme est des covenances entre Galeit de Banieres et Jehan, seignor de Neeles, et sancomance la letre en tel maniere : « Nos, freres Reynaus, humbles abbés de Fontenoy » et la troveroiz ou nombre de .lvi.

Accéder à l'acte 56

La cinquante et septieme est de la vandue d’une piece de terre ou finaige de Corberon es oiches de Corberon que Agnelez fame Symoin dist Meinde et Melinere lor fille firent a Jehan, seignor de Neeles, et sancomance In nomine Domini amen et la troveroiz ou nombre de .lvii.

Accéder à l'acte 57

[fol. 8v] La cinquante et vuiteime est de cou que Jehanz de Noeles done a Gateron de Senoille et a Roigne sa famme en la ville et ou finaige de Noeles et sancomance : « Je, Hugues, dux de Borgoigne », et la troveroiz ou nombre de .lviii.

Accéder à l'acte 58

La cinquante et nuifeisme lectre est de cent livres que Guillaumes Tenoilloz doit à Jehan seignor de Neeles de vandue de bois et s’ancomance en tel maniere : In nomine Domini amen et la troveroiz ou nombre de .lix.

Accéder à l'acte 59

La sexanteime est de vint livres les quex Guenioz li Fevres de Chastoillon doit a Jehan segner de Neelles et sancomance le letre : « Je, Regniers, doiens de Moleignies », et la troveroiz ou nombre de .lx.

Accéder à l'acte 60

La sexante et uneeisme est de la gaigiere que Ysabiaus qui fu fille mon seigneur Guillaume Brideine fit a Jehan de Neelles de demey mui de blé sur lou four de Colomiers lou Sec et sancomance an tel manere : « Nos frere Jaques, humbles abbés de Nostre Dame de Chastoillon » et la troveroiz ou nombre de .lxi.

Accéder à l'acte 61

La sexante et douseisme est de la pitance que mes sires Jehans fiz mon seignor Estienne Boujon fist a Jehan de Neelles et sancomance en tel maniere : « Gie, Jehanz, fiz mon segneur Estiene Boujon » et la troveroiz en nombre de .lxii.

Accéder à l'acte 62

La sexante et troiseisme est d’un setier d’avoine que Lambulez li tisseranz doit a Jehan de Noelles por une maison de Colomer et sancomance en tel maniere : « En non de nostre seignor, amen »et sancomancec et la troveroiz ou nombre de .lxiii.

Accéder à l'acte 63

La sexante et quatreisme est de paiemant de CCC et L. lb de digeonis cinc a Gilet de Marchisura et sencomance : « Nos, freres Jaques, humbles abbés de Chastellon » et la troveroiz ou nombre de .lxiiii.

Accéder à l'acte 64

[fol. 9] La sexante et cincqueisme est d’une piece de terre en Lormor, la quele Brices chevaliers ha de seignor de Neeles por dous deniers chascun an devant la nativité Nostre seignor et s’encomance In nomine Domini et la troveroiz ou nombre de .lxv.

Accéder à l'acte 65

La sexante et sexeisme est de la quittance que Josuoz li Juis de Montbar fit a Jehan de Neelles de toutes detes et s’ancomance « Nos, Guillaumes de Chaace » et la troveroiz ou nombre de .lxvi.

Accéder à l'acte 66

La sexante et septime est de la ploigerie que mes sires Jehans d’Arcy et mes sires Estienes ses freres feirent au seignor de Neeles por mon seignor Robert Buillet et sancomance : « Nos, Jehan, sires d’Arcy », et la troverez ou nombre de .lxvii.

Accéder à l'acte 67

La sexante et uteisme est de la quittance que Gilois de Flavigney fit au seignor de Neeles de toutes detes et sancomance : « Nos, Guiz d’Arcy » et la troverez ou nombre de sexante et vit.

Accéder à l'acte 68

La sexante et nuefeisme de cent livres de tornois les quex Jacques de Colomer doit au seignor de Neeles por vandue de blés et sancomance : « En nom de nostre seignor Jhesu Crist » et la troveroiz ou nombre de .lxix.

Accéder à l'acte 69

La sexante et dixeisme est des hommes qui retignerent trois charrues de bues du seignor de Neelles et sancomance « En nom de nostre seignor Jhesu Crist », et la troveroiz ou nombre de .lxx.

Accéder à l'acte 70

La sexante et unzeisme est des tierces de Neelles que li priouse et li covenz de Julley outroierent au seignor de Neelles et sancomance : « A touz cels qui verront et harront ces presantes lettres » et la troveroiz ou nombre de .lxxi.

Accéder à l'acte 71

La sexante et douzeisme est que Jaques li fiz dame Adeline et cele dame Adeline voussirint que la cognoissance que Jehanz de Neelles havoit faite de ce que cele Adeline etoit sa fame ne li nuisait a sa demande et sancomance : « Nos, Guiz de Semur » et la troveroiz ou nombre de .lxxii.

Accéder à l'acte 72

[fol. 9v] La sexante et trezeisme est dou jugemant que Thiebaus li Bornes de Flavigney fist au seigneur de Neelles et de Guillaume Grual, et sancomance : « Gie, Thiebaus li Bornes » et la troveroiz ou nombre de .lxxiii.

Accéder à l'acte 73

La sexante et quatorziesme est de la partie que li anfant mon seignor Milon de Saint Florentin firent antraus et sancomance : « Je, Hugues, dux de Borgoigne » et la troveroiz ou nombre de .lxxiiii.

Accéder à l'acte 74

La sexante et quinzeisme est de trois muis de blés que mes sires Hues de Orricort doit au seignor de Neeles et sancomance : In nomine Domini, amen et la troveroiz ou nombre de sexante et quinze.

Accéder à l'acte 75

La sexante et sezeime est de la gaigiere deu champ au verroit que Jehans Gruaus fist a Jehan de Neelles et sancomance « Nos, Hugue d’Arcey » et la troveroiz ou nombre de .lxxvi.

Accéder à l'acte 76

La sexante et dix et septime est dou plait entre Guillaume Graaul et Jehans de Neelles devant lou baillif d’Auxois et sancomance : « Nos, Hugues d’Arcy », et la troveroiz ou nombre de .lxxvii.

Accéder à l'acte 77

La sexante et dixuteisme est dou paiement de trois cenz livres que Jehans de Neeles fit a Jaquot et a Colin, et sancomance : « Nos Colins et Jacoz » et la troveroiz ou nombre de .lxxviii.

Accéder à l'acte 78

La sexante et dix et nuefeime de la descorde qui fu entre leu seignor de Neeles et leu curié de Colomer et sancomance Nos frater Nicholaus et la troveroiz ou nombre de .lxxix.

Accéder à l'acte 79

La quatrevinteisme de sexante livres que cil de Charantois doient au seignor de Neelles por mooison de blef et sancomance : In nomine Domini, amen et la troveroiz ou nombre de iiiixx.

Accéder à l'acte 80

[fol. 10] La quetre vinz et une est dou descort entre leu seignor de Neeles et Naudin de Colomer et sancomance : « Cum descorz fust et cause meue » et la troveroiz ou nombre de quatre vinz et .i.

Accéder à l'acte 81

Comment citer cette notice

Xavier   Hélary . " Le cartulaire de la seigneurie de Nesle ( 1269 , 14 F 22 )", dans Le cartulaire de la seigneurie de Nesle , Xavier   Hélary , Christophe   Jacobs , éds, Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/liminaires/.

Apparat critique

a Sic, pour est del partaige.

b Ajouté à la suite puis rayé : Corboton.

c Ajouté à la suite puis rayé : et sancomance.

Mentions légales | Colophon | Contacts | Haut de page