IRHT

> Actes

<Acte 38>

Regeste

Hervé, prieur de Notre-Dame de Semur, et Guillaume de Chassey, chevalier, bailli d’Auxois, notifient qu’en leur présence Bertier, fils de Mayot de Charentois, a reconnu que la discorde intervenue entre lui et Jean, seigneur de Nesle, à propos du statut de Bertier, homme de Jean qui avait voulu le quitter, a été réglée ainsi : Bertier est revenu à Charentois dans la juridiction de Jean et a reconnu être son homme comme les autres hommes de Jean de Nesle ; si Bertier quittait de nouveau Jean et se reconnaissait l’homme d’un autre seigneur, ses biens à Charentois et à Chevaigne resteraient à Jean, sauf ce qui vient de Marie, femme dudit Bertier. A la demande de Bertier, Hervé et Guillaume ont apposé leur sceau.

Acte

Nos, Herviers, humiles priours de Nostre Dame de Semur et nos, Guillaumes de Cheacei, chevaliers, bailliz de Auxois por lou noble honme Hugon, duc de Borgoigne, faisons savoir a touz cels qui verront ces presentes letres que an noz presences estaubliz Bertiers, li filz Mayot de Charantois, at reconeu que cum descors fust de lui de une part et de Jehant, signor de Neeles, de autre part, sus ce que li diz Bertiers, qui homs iere au dit Jehant et se iere partiz dessus lui, il ont accordei an tel meniere que cil diz Bertiers est revenuz sus lou dit Jehant a Cherantois et se est coneuz estre homs au dit Jehant, il et sui hoir, ausic cum sui autre honme de Charantois ; et an tel meniere que se il se partoit desoranavant dessus lou dit Jehant son signour et se avohoit por autrui signour que por lou dit Jehant ou por ses hoirs, il li diz Bertiers vuet [fol. 64v] et outroie que quant que il auroit a Charantois et el finaige et a Chevaingne et an la signorie et an la justise de Chevaingne demorroit au dit Jehant ou a ses hoirs, sens nul reclain del dit Bertier ne de ses hoirs, salve la droiture Marie, fenme au dit Bertier per raison de mariaige ; et toutes ces dites choses, li diz Bertiers por lui et por ses hoirs, les quels il an anloié a ce, at promis a tenir per son soirement donei corporelment per devant nos sus sainte Euvangile, senz aler ne faire a aler ancontre per lui ne per autrui ; et se il ou sui hoir aloient ancontre an nule meniere, il li diz Bertiers a nos Guillaume, baillif dessus dit, at donei pooir de lui contreindre ou ses hoirs de toutes ces dites choses tenir et garder ansic cum eles sunt dessus dites. Et que ce soit plus ferme chose et plus estauble, nos Herviers [fol. 65] priours et nos Guillaumes bailliz dessus dit, per la requeste del dit Bertier, avons mis noz seaus an ces presentes letres. Ce fu fait an l’an nostre Signour m. cc. sexante et sex, el mois de novembre.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 38 /.

Mentions légales | Colophon | Contacts | Haut de page