IRHT

> Actes

<Acte 60>

Regeste

Regnier, doyen de Molesme, et Dreu, curé de Nesle, font savoir qu’en leur présence Guinot le Fevre, fils de Joormez de Châtillon, a reconnu être débiteur envers Jean, écuyer, seigneur de Nesle, et les héritiers de celui-ci, d’une somme de 20 l. de Dijon, qu’il s’engage à payer dans les cinq jours qu’il en sera requis par Jean ou ses héritiers. De plus, ledit Guinot s’est placé dans la juridiction des dits doyen de Molesme et curé de Nesle, de telle sorte qu’ils puissent l’excommunier s’il venait à contredire ces sentences. A sa requête, les deux ecclésiastiques ont apposé leur sceau.

Acte

Je, Regniers, doiens de Moleigmes, et je Droes, curiez de Neelles, façons a savoir a ces qui ces presentes letres verront que Guienoz li Fevres, fiz Joormez de Chastoillon, estaubliz en nostre presence, ha recogneu de sa propre velonté, sanz coaction, qu’il doit et est tenuz a Jehan, escuier, seignor [fol. 89v] de Noelles, et a ses hoirs se cil Jehanz defailloit, a la requeste d’aus vint livres de digenois de bon doite et leaul a paier et a randre a cest Jehan ou a ses hoirs ou a lour comandemant les cinc jorz aprés ceu qu’il en sera requis. Et est asavoir que cil Guienoz devant nomméz est tenuz et obligiez des ces vint livres desux nommées a ces devant diz Jehan et a ses hoirs en la maniere devant dite, par sa foi donée corporelment en nos mains, et renunce à toute exception de droit qui li porroit aidier et celui Jehan nuire. Et si sest mis cis Gueniez en nostre jurisdition que je, doiens de Moleignes, et je, curiez de Neales, ou nostre successour, leu puissons escommenier quel que part que il voit, se il voloit contredire en contre ces devant dites covenances. Et en tesmoignaige de ceste chouse, nos havons mis nos seaus en ces presentes letres a la requeste de cest Gueniet sovant nommé. Et ceu fu fait en l’an nostre Seignor mil dous cenz et sexante et i., ou mois de decembre.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 60 /.

Mentions légales | Colophon | Contacts | Haut de page