IRHT

> Actes

<Acte 46>

Regeste

Hugues, duc de Bourgogne, notifie qu’en sa présence Gautier de Montoillot, chevalier, fils de feu Garnier de Montoillot, a donné en fief à Jean de Nesle, damoiseau, tout ce que feu Hubert d’Échannay, chevalier, tenait dudit Gautier à Échannay, tout ce qui est tenu d’eux à Échannay, tout ce que les héritiers de Garnier de Mâlain [chevalier], tiennent dudit Gautier et des héritiers de Hubert d’Échannay, tout ce qui est tenu d’eux en la ville d’Échannay, tout ce que Guillaume et Jean, fils de Houdon Gruerial, tiennent dudit Gautier en ce lieu. Le dit Gautier de Montoillot en a investi Jean de Nesle et a ordonné à ceux qui tenaient de lui de porter leur hommage à ce dernier. A la requête de Gautier, le duc a apposé son sceau.

Acte

Nos, Hugues, dux de Borgoigne, façons savoir a touz ces qui verront et orront ces presentes letres que, an nostre presence estaubliz por ceste chose specialment messire Gautiers de Montoillet, chevaliers, qui fu fils ça an arriers Garnier de Montoillet, at donei et outroié an fié et an chasement permaignablement a Jehant de Neelles, damoiseal, et a ses hoirs, quant que messire Hubers de Aschemnei, chevaliers, qui mors est, et sui devantier, tinrent et ont tenu [fol. 70v] et lour hoir tienent del dit Gautier an la vile et as finaiges de Aschemney ; et quant que l’on tient de lour el dit leu ; et quant que li hoir mon signor Garnier de Maalain tienent del dit Gautier et des hoirs monsignor Humbert dessus dit ; et quant que l’on tient de lour an la vile et as apertenences de Aschennoy ; et quant que Guillaumes et Jehanz, fil monsignor Houdon Gruerial tienent del dit Gautier el dit leu, les qex choses li diz Gautiers at conehu devant nos que il tenoit de Alvef ; et li diz Gautiers de Montoillet de ce s’est desvestuz per devant nos et an at revestu lou dit Jehan de Neelles corporelment et at promis et est tenuz par son soirement fait et donei corporelment sus sainz Evangiles de Deu per devant nos lou fié de toutes les choses dessus dites garantir au dit Jehant et a ses hoirs contre touz, et que il non irat ancontre par lui ne par autre ; et a la dite garantie porter il at anloié ses hoirs et vielt et outroie et mande et commande a cels qui de lui tenoient ces choses que il an veingnent au dit Jehant et que il an antroient an son homaige ; et est a savoir que li diz Gautiers ne sui hoir ne poent hoster lou dit Jehant ne ses hoirs de lour main se n’estoit an la nostre. Ou tesmoignaige de la quel chose, par la proiere del dit Gautier, nos avons fait metre nostre seaul an ces presentes letres. Ce est fait an l’an de grace m. cc. et sexante nuef, el mois de marz.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 46 /.

Mentions légales | Colophon | Contacts | Haut de page