<Acte 17>

Regeste

Hugues, duc de Bourgogne, notifie qu’il a donné à son fidèle Jean de Nesle, damoiseau, en accroissement de fief, tout ce que tenait de lui Hervé de Turcey, chevalier, à Échannay ; il a également ordonné à Hervé d’entrer dans l’hommage de Jean, qui tiendra lui-même directement du duc.

Acte

Nos, Hugues, dux de Borgoigne, faison savoir a touz cels qui verront et orront cels presentes letres, que nous avons donei et outroié a nostre amei et a nostre feaul Jehant de Naelles, damoiseal, et a ses hoirs, an accroissement del fié que il tient de nos, quant que mes sire Herviers de Turcei, chevaliers, tenoit de nos an la vile et as apertenences de Aschenney, an touz biens, quel que il soient, et an avons revistu lou dit Jehant. Et volons et mandons et comandons au dit Hervier que il an veingne an l’omaige del dit Jehant, et sui hoir apres lui an l’omaige del dit Jehant et de ses hoirs ; et est asavoir que li diz Jehanz et sui hoir tienent et tenront et doivent tenir de nos et de noz hoirs ligement ce que nos li avons donei dessus et quant que il at an la vile et as apertenences de Aschenney. El tesmoignaige de la quel chose nos avons fait metre nostre [fol. 37] seaul an cels presentes letres. Ce est fait an l’an de grace m. cc. et sexante et sept, el mois de juignet.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 17 /.