« transscript-310 »

Acte | transscript/notice/526
plus d'informations

Général

  •  
    Henri (5), comte de Luxembourg et de la Roche, marquis d'Arlon
  •  
    Ferry (3), duc de Lorraine et marquis
  •  
    -
  •  
    Henri (6), fils aîné de Henri (5), comte de Luxembourg
  •  
    Waléran (1), fils de Henri (5), comte de Luxembourg
  •  
    1269/03/08

  •  
    -
  •  
    -
  •  
    FRANCE, Nancy, Archives départementales de Meurthe-et-Moselle, 3F 464
  •  
    Original sur parchemin, restauré, jadis scellé de deux sceaux pendant sur double queue de parchemin
  •  
    français
  •  
    non suspecté
  •  
    Lettre
  •  
    Original
  •  
    Henri (5), comte de Luxembourg et marquis d’Arlon, fait savoir que son fils ainé Henri (6), ou Waléran son frère, dans le cas où ce dernier héritera le comté de Luxembourg, ont établi avec son neveu Ferry (3), duc de Lorraine et marquis, une alliance contre Thiébaut (2) comte de Bar et plus généralement contre tous ceux qui pourraient les menacer, à l’exception du roi d’Allemagne, de l’archevêque de Trèves, du roi de Navarre, de l’évêque de Liège, du duc de Limbourg, des comtes de Flandre et de Hainaut et de Juliers. Henri l'ainé et son frère Waléran, ce dernier le cas échéant, ont aussi promis de continuer ladite alliance avec le fils de Ferry (3) qui héritera le duché, dès que ce dernier aura atteint l’âge de 15 ans. Quarante chevalier d’Henri (5) s’engagent à faire respecter l’accord.
  •  
    01. Je, Henris, cuens de Luc(elburc), de la Roche et marchis d'Arlons, faiz savoir a tous que Hanris, mes ainsnez filz, par son sarrement corporelment donne
    02. et par sa fois fiancie, ou Walerans ses freires, se la contez de Lucelb(urc) li eschaioit, s'est esliez a mon chier neveu Ferric, duc de Loher(ainne) et marchiz, a aidier
    03. a petite force et a grant, en bone foi, et nommeement contre Thiebaut, conte de Bar, et contre touz ses hoirs contes de Bar, et encontre toz homes qui puent vivre
    04. et morir, fors le roi d'Alemaingne, l'arceveske de Trievres, le roi de Navarre, l'eveske de Liege, le duc de Lemb(ur)c, le conte de Flandres, le conte de Hanaut, le conte
    05. de Julei. Et n'est mie à antendre qu'il facent nul sarrement contre les homes liges de la conte de Lucelb(ur)c tant com il vorroient venir à jour et à droit. Et est
    06. ancor a savoir par sa foi fiancie et par son sarrement corporelment donne, a Hanris promis que si tost com li ainsnez hoirs, filz le duc devant nommei qui sera dus de Loher(ainne), vanra en l'age
    07. de .XV. ans, qu'il s'aliera et jurera à lui dedenz les .XL. jours qu'il en sera requis, et autreteil fera Walerans, se li contez li escheoit, d'aidier l'ainsne hoir le devant dit
    08. duc en autreteil point com desuz est dit et en donra ces lettres pandanz. Et est a savoir que quarante de mes chevaliers, c'est a savoir li sires de Durbui, Ferri sires dou
    09. Nuefchastel en Ardainne, li sires de Creu, li sires d'Aixe, li sires de Mezenborch, li sires de Borcheit, li sires Joffrois de Mezenborch, li sires Arnolz de Gumenei, li sires
    10. Arnolz ses filz, li sires de Beaurepaire, li sires Werniers de Correi, li sires de La Roche, li sires de Rodemacre, li sires de Villers, li sires Arnolz de Honkeranges, li
    11. sires de Hufalise, li sires de Brandeberch, li sires de Pitanges, li sires Rembauz de Linsieres, li sires de Mirabel, li sires de Soluevre, li sires de Brede, li sires de Sept-
    12. -fontainnes, li sires Richard de Daune, li sires d’Enzedanges, li sires de Sterpenes, li sires de Rulant, li sires Connes d’Arlons, li sires Thieris de Soluevre, li sires Jehans de Lin-
    13. -sieres, li sires Gobles de Rosei, li sires de Mares, li sires de Faconpiere, li sires Thieris de Budelanges, li sires Aubers de Tyonville, li sires de Wez, li sires de Beaufort, li
    14. sires Jakes dou Nuefchastel, li sires Poinces Troixins et li sires Symons d'Arlons, ont jurei qu'il tanront à ce Hanrit, mon ainsne fil, ou Waleran, se li contez li
    15. escheoit, qu'il facent lou sarrement et saelent ces lettres et qu'il tiegnent les convenances teiles com mes niez li dus devant nommeiz les a a Hanri mon fil tote sa vie. Et
    16. por ce que ces convenances soient plus fermement parfaites et tenues, ai je obligie mil livrees de terre en ma terre de la court de Ramus et de la court de Catheheim
    17. et en la plainne terre de Tyonville, la ou mes niez li dus devant nommez ou ses ainsnez hoirs filz qui a ces convenances seroit tenuz la vorroit panre, et la pan-
    18. -roit et tanroit quitte et délivre, il et ses hoirs dus de Loher(ainne), sanz reclain de Hanrit et de mi et de mes hoirs a toz jors come son heritaige. Et tantost com
    19. Hanris, mes ainznez filz, ou Walerans, se li contez li escheoit, auroit fait le sarrement et l'aliance et sa lettre donnee à l'ainzne hoir, fil mon neveu le duc
    20. devant nommei, qui seroit tenuz à ceste convenance, li sarremenz des .XL. chevaliers devant nommeiz seroit nulz et les mil livrees de terre demorreint quittes et delivrees
    21. a mi et a mes hoirs, ne ne porroit li aiznez filz mon neveu le duc qui a ses convenances seroit tenuz rien reclamer en l’eritage. Ancor est a savoir que se Han-
    22. -ris mes filz aloit encontre ceste alliance, ou Walerans se li contez li escheoit, si com d’aidier mon neveu le duc ou son ainznel hoir a cui il seroit esliez si com
    23. devant dit est, mes niez et ses ainznez hoirs filz porroient panir et faire panir par ealz et par autrui pour tout moi et mon ainznel fil qui a ces convenances
    24. seroit tenuz en meuble et en non meuble sanz meffaire par mon gres jusc’a la valour de dix mile livres de Metz. Ancor est a savoir que Hanris mes filz ou mes
    25. ainznez hoirs, se de lui defailloit, se obligera par ses lettres pandans iusc’a la valour de dix mile livre de Metz, autreteil pouet com li dus devant diz s’est
    26. obligiez a Hanris mon fil et a Waleran, se li contez li escheoit, et auteil doit il faire a l’ainnel fil le duc quant il sera en eage si com desuz est dit. Ancor
    27. est a savoir que de cest jor en avant Hanris mes filz, ne Walerans, se li contez li escheoit, ne se puet en nule maniere alier a celz de la ville de Mez
    28. ne a l’esveske de Mez, ne je aussi, contre le duc devant dit ne son ainznel fil, sor la painne desour dite. Ancore est a savoir k’autres telz convenances com
    29. je ai a mon neveu le duc, que je ne puiz panre le conte de Bar ne per lui ne per autrui contre le duc mon neveu, si com il est contenu en mes lettres que mes niez
    30. a de moi a Hanris mes filz et Walerans, se li contez li escheoit, a mon neveu le duc, et l’auera aussi a son ainznel hoir sor la painne desour ditte.
    31. En tesmoingnaige de laquel choze et por ce que ceu soit ferme chose et estable, j'ai fait saeler ces lettres de mon sael, et a ma priere et a ma
    32. requeste, et a la requeste Hanrit et Waleran mes filz, Willames cuens de Julei les a ausi saelees de son seel en tesmoingnaige de ces choses.
    33. Ce fut fait l'an nostre Seignour mil douz cens sexante wit, le vanredi apres mi quaresme ou mois de mars.
  •  
    -
  •  
    -
  •  
    Regeste du XVIIe s.
  •  
    C. WAMPACH, Urkunden- und Quellenbuch zur Geschichte der altluxemburgischen Territorien bis zur burgundischen Zeit, t. IV, Luxembourg 1940, n° 106, p. 155-159 (d’après la copie dans FRANCE, Bar-le-Duc, Archives départementales de la Meuse, B 256, f° 316r-317r (cartulaire du XIVe s.)
  •  
    J. DE PANGE, Catalogue des actes de Ferri III, duc de Lorraine (1251-1303), Paris, 1930, n° 356, p. 71 (d’après la copie dans FRANCE, Bar-le-Duc, Archives départementales de la Meuse, B 256, f° 316r-317r (cartulaire du XIVe s.)
  •  
    -
  •  
    [Cartulaire] FRANCE, Bar-le-Duc, Archives départementales de la Meuse, B 256, f° 316r-317v (cartulaire du XIVe s.)
  •  
    [Cartulaire] FRANCE, Paris, Bibliothèque Nationale de France, f. fr. 11823, f° 109r (copie postérieure dans cartulaire)
  •  
    Timothy SALEMME

Sigillographie

  •  
    non
  •  
    Sceau pendant perdu. Annonce du sceau du comte Henri (5) de Luxembourg
  •  
    Sceau pendant perdu. Annonce du sceau de Guillaume (4), comte de Juliers

Informations

Acte
Jean-Daniel Mougeot (Université de Luxembourg), dans  TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 526 (transscript-310), http://telma.irht.cnrs.fr/chartes/transscript/notice/526 (mise à jour : 05/06/2020).
http://telma.irht.cnrs.fr/chartes/transscript/notice/526
transscript/notice/526
XML  JSON