Général
-
Raoul, duc de Lorraine et marquis
-
chapitre de Saint-Dié
-
Raoul, duc de Lorraine et marquis
-
-
FRANCE, Épinal, Archives départementales des Vosges, G 744, n° 17
-
Original sur parchemin, scellé sur double queue de parchemin
-
français
-
non suspecté
-
Lettre
-
Original
-
Raoul fait savoir qu'il confirme l’acquêt fait par le chapitre de Saint-Dié, à Robache, des biens de Watrin de Remeroville, écuyer, et de Thierriat son frère, fils de feu Philippe de Remeroville, biens qui mouvaient de lui et dont il donne la pleine jouissance au chapitre.
-
01. Nous Raoulz dus de Loheraine et marchis faisons savoir a tous que comme Watrins de Remeroville escuiers et Thierias sez frei-
02. -res, enfans monssignour Philippe de Remeroville chevalier qui fuit, aient vendui ai tous jours maix en heritaige ai honorables persones et
03. discreites lou doyen et lou chapistre de Saint Diey, tout ceu que li dis freres avoient, pooient et devoient avoir en lai ville de Roi-
04. -baiche on ban et eiz appartenances en homes, en femes, en ban, en justices et en toutes autres chozes sens riens ni auques ai retenir
05. ensic com il est plux plenement contenus eiz lettres dou dit vendaige, que li dis doyens et chapistre en ont dez dis freres. Et nous
06. que lou dit aquast avons sceuz, y aviens mis lai main pour tant que nos avons trover qui muet de nous et est de nostre fiez ancien-
07. -nement. Et li dessus nomeis doyens et chapistres nos aient suppliier et priier que nous pour Deuz et en almmone welliens lou
08. dit aquaist lower, aggreier, amortir et confermer et nostre dit fiez quiter. Et nous, meus de pitiez pour lou sailut de nostre arme
09. et en recompensation de plusours services qui nous ont fait avons pour nous et pour nos hors, de certenne science et par meure
10. deliberation, lou dit aquaist et vendaige lower et aggreer, confermer et amortir et fait quitance pleniere dou dit fiez pour
11. tous jours maix pour aulz et pour lour successour apres aulz, sens riens ai retenir fort que lai warde. Et avec ceu lour avons
12. promis pour nos et pour nos hors ai pourter bone warentie et loialz envers tous et contre tous et ai faire joir paisiblement aulz
13. et lour successours dou dit aquast ai tous jours maix en bone foy et loialment sens malz eschut comme loiaulz princes. Si mandons et
14. comandons ai tous nos ballis, prevost, subgis et officiers qui pour lou temp sunt et seront que les dis doyens et chapistre et lours
15. successours apres aulz faicent joir et esploitier dou dit aquast sens avoir autre comandement de part nos et lez tengnent en pos-
16. -session paisible dou dit aquast ai tous jours maix. En tesmoinge de veritei dez chozes dessus dites et pour ceu que fermes soient
17. et estaubles ai tous jours maix avons nous mis nostre grant saielz en cez presentes lettres, que furent faites et donnees l'an de graice Nostre
18. Signour mil trois cens quarante cinq lou mardi apres lai Purification Nostre dame on mois de fevrier. -
"Lettres de l'amortisement de l'acquat fait auz / enfans de Remeiroville pour lai terre de / Robaiche", XIVe s. ; "par le duc Raoul", XVIe-XVIIIe s. ; "N. 31", XVIIe-XVIIIe s. ; "In secunda capitula Ducum", XVIe-XVIIe s. ; "e. registrata per S.", XIVe-XVe s. ; "In arecha", XIVe s. ; "k", XVIe-XVIIIe s. ; "1345", XVIe-XVIIIe s.
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 520
-
Denis Remy ; Mathias Bouyer
Sigillographie
-
oui
Informations
Acte
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145842 (transscript-1096), http://telma.irht.cnrs.fr/chartes/transscript/notice/145842 (mise à jour : 19/06/2019).