Général
-
Gérard, abbé d'Etival
-
Hommes et femmes de Saint Dié, de Saint Martin et du Vieux Marché
-
Hommes et femmes de Saint Dié, de Saint Martin et du Vieux Marché
-
Gérard, abbé d'Etival
-
Thiébaut (2), Duc de Lorraine
-
1306/05
-
FRAD054 B902 n°8
-
Original sur parchemin en bon état
-
Français
-
non suspecté
-
Charte
-
Lettre
-
Frère Gérard, abbé, et le couvent d’Étival, à la requête de Thiébaut (2), ont permis à tous les hommes et femmes de Saint-Dié et des bourgs de St-Martin et du Vieux-Marché, de prendre du bois dans les forêts du ban d’Étival : bois de charpente pour leurs chars et charrues et pour construire leurs maisons dans les dites villes, bois mort pour leur affouage, moyennant paiement d’une maille pour chaque charretée d’affouage, 1 denier pour chaque charrée, 6 deniers toulois pour chaque cheval à bât, 2 deniers pour chaque personne qui irait " à col ", et 6 deniers toulois par charrée de bois de charpente; les contrevenants paieront une amende au prévôt du duc, ainsi que ceux qui vendront ou donneront de ce bois à d’autres qu’aux bénéficiaires du droit d’usage.
-
01. Nous freres Gerars par lai pacience de Deu abbés d’Estivay et tous li couvens d’icelui nommé leu de l’ordre de Premonstrei et de lai dyoceze de Toulz faissons savoir ai tous, que nos a lai proiere et ai lai requeste de trés hono-
02. -rauble prince nostre signor et wardein Thiebaut, duc et marchis de Lorrengne, avons otroié et otroieons que tuit li homes et lez femes de Seint Dyei dedens la ville et dez bours deffuere ladite Seint Dyei, c’est ai savoir
03. de Seint Martin et dou Vies Marchié qui sont et qui seront au dit duc on tens ai avenir et ai ces hors aient des ci en avant ai tous jours maix lor usuaire en nos bois dou ban d’Estivay, c’est ai savoir de lai
04. chenalz que on dist as Mailaites davant Seint Dyei, ensi com li voie lou donne droit ai Sein Remei et de Seint Remei droit ai wayn chastel ensi com li sente lou donne qui vait ai Seint Benoit, c’est asavoir
05. ai vif boix pour amaixier dedens lai ville de Seint Dyei et es bours desuz dis desous lou dit duc et desous ces hors a lou marenaige pour lors chers et pour lors cherues, et ai mort boix pour
06. lou effenaige tant soulement ai Seint Dyei es bours desuz dis, en tel meniere que li dit homes et lez dites femes qui sont et qui seront, qui au dit boix iront ou envoyeront, paieront ai nous et ai nos succes-
07. -sors pour chacune cherrette chergié de boix pour effonaige une maille qu’il anmoinront, pour chacune cherree chergié de boix pour effonaige un denier, pour checun chevalz ai baist qui irait au dit boix
08. pour effonaige seix deniers toillois checun ain a lai Sent Jeham, pour checune personne qui irait ai col au dit esffonaige dous deniers checun ain a lai Seint Jeham. Et cil qui veroit es dis boix panre mariein pour
09. amaisier et pour chers et pour cherues paierait ai nos pour checunne cherree de mairien seix deniers toillois pour amaisier en lai dite ville de Seint Dyei et es dis bours desous lou duc et ces hors ; et
10. ne doient aler li dit home et lez dites fames es dis boix pour mairien pour amaisier tant qu’il l’aient requis a nous forestiers et qui soit estimés loyalment par lou prevost lou duc de Sent Diei et par nos foresti-
11. -ers ceu qu’il lou tennanroit bonement ; li home ne lez femes desuz dit ne puent ne ne doient coper ne mené, envoié pour lou effonaige chaine ne fou ne saipin ne corré seil n’estoit cheus ai terre
12. un an ou plus ansois qu’il lou preissent ; se li home qui lou boix enmoinroient avoient mestier dassix pour lor chers ou cherretes brisiés en la voie dou dit boix ou timont ou corbaut ou home
13. panre lou porroient sans extorson ; et se aucuns des homes ou des femes qui sont et qui seront meffaissoient es dis boix outre ceu que dessuz est dit par lou raiport dou forestier, liquel lez porroit waigier
14. pour lor meffait es dis boix et en tout lou ban d’Estivay, li chers paieroit sinc solz d’amende ai nous et li cherrete cinc solz ausi et li cheval ai baist dous solz et li coliers douze deniers ausi ; et se aucuns
15. estooit ces waiges ai nostre forestier, nostre forestier doient seurré celui jour meimmes que li esconte seroit faite ou lou demain jusques ai Sen Dyei et pleitoré ai prevost lou duc de celui qui ceu averoit
16. fait ; et li prevos seroit tenus de croire nostre forestier et de lui faire resaisir dou waige que on li averoit escons en tele meniere que nos eusiens cinc solz de l’esconte avec l’amende dou boix ensi
17. com il est desuz dit. Li homs ne lez femes qui cest usaige ont et averont ne puent ne ne doient des boix desuz dis mort ne vif vendre ne doner fors que li uns as autres qui l’usaigeront
18. et averont si com il est desuz dit ; et s’il lou faissoient et il en estoient aitaint par lou raiport de nostre forestier et par lou tesmongnaige du home soffisant avec lou forestier, cil hons qui de ceu
19. seroit aitains ou celle fame paieroit ai nous deix solz de toillois d’amende et lez nos deveroit faire paier cil qui seroit prevos lou duc en la ville Sein Dyei ; se cil hons ou celle fame qui deve-
20. -rait paier lez dis solz avoit tan de waiges et seli dis prevos lou duc de Sein Dyei estoit negligens de faire asseinir et aicomplir tote lez chosez desuz dites euet ce jours aprés nostre requeste, c’est
21. asavoir nos abbei desuz dis ou de nostre certain mesaige, nos emporriens aller ou envoier ai nostre signor lou duc ; et nostres sires li dus nos ait promis et promet loyalment pour lui et pour ces hors
22. aprés lui qu’il nos en ferait faire, essei il et sui hor aprés lui hesbiblement en bone foi et nule chose plus que lez convenances desuz dites nont, ne ne doient avoir li dit home ne lez dites femes nostre
23. signor lou duc desuz dit en mis des boix dou bain d’Estivay. En tesmongnaige de veritei et pour ceu que ces choses soient fermes et estaubles, nos abbés et convens desuz dit avons mis nos seelz en ces presentes
24. lettres et avons proiei et requis ai religiouse persone signor Gerart, par lai patience de Deu abbei de Flaibemmont, nostre peire abbei en Deu, que il ces convenances desuz dites agrees, conferme pour
25. lui et pour ces successors. Et nos freres Gerars, par lai patience de Deu abbés desuz dis, qui savons de voir que ces convenances sont faites pour lou profoit et pour l’utilitei de l’abaye d’Estivai dessus dite
26. l’awons, agreons et confermons totes ces convenances desuz dites pour nos et pour nos successors et avons mis nostre seelz en ces presentes lettres, en tesmongnaige de veritei ai lai proiere et a lai re-
27. -queste de l’abbé d’Estivay et dou convent desuz dit avec lez lors seelz ; ceu fut fait l’an de graice quant li milares corroit par mil trois cens et seix ans, on mois de may. -
main du XVIe-XVIIe siècle : « Pour le droit d’usage des subjectz / de monseigneur a Saint-Diéz. Az bois de l’abbaïe d’Estival ». « Lettres comment li home de Seint Dye et des bours / dervers que sont au duc uzen[…] ait / uzer ez boix destrendi. ». XIVe ?
« M CCC VI ». Note de chancellerie : « n° 8 ». À l’envers : « La chartre de l’usaige que ont les homes / duc de …. a Saint Diei et ez / boix… … … / d’Estivay… ». -
A.-M. MARIONNET, Catalogue des actes de Thiébaut II, duc de Lorraine (1303-1312) , (diplôme d'études supérieures de la faculté des lettres de Nancy) Nancy [1947], n°97
-
FRANCE, Nancy, Archives départementales de Meurthe-et-Moselle, B902 n°8
-
Isabelle Guyot Bachy, Denis Remy
Sigillographie
-
oui
-
Présent, en assez bon état.
Informations
Acte
Denis
Remy
(_), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 148637 (transscript-1126), http://telma.irht.cnrs.fr/chartes/transscript/notice/148637 (mise à jour : 11/10/2020).