Général
-
Ferry (4), duc de Lorraine et marquis
-
Ferry (4), duc de Lorraine et marquis
-
Burnequin d'Haussonville
-
Ferry (4), duc de Lorraine et marquis
-
Burnequin d'Haussonville
-
-
FRANCE, Nancy, Archives départementales de Meurthe-et-Moselle, B 822, n° 106
-
Original sur parchemin, jadis scellé sur double queue de parchemin
-
français
-
non suspecté
-
Lettre
-
Original
-
Ferry (4) fait savoir qu’il a échangé avec Burnekin de Haussonville tout ce que Burnekin avait à Mangonville et à Roville-devant-Bayon pour raison d’avouerie, contre une rente de 4 deniers et 1 maille toullois sur chaque feu de Tonnoy et une rente d'1 maille toulloise sur chaque grosse bête à Ménil.
-
01. Nous Ferris dus de Loherengne et marchis faisons savoir a tous que nous avons fait eschainge pour nous et pour nous hoirs a Burnekin
02. de Hassonville escuier en teil meniere que nous aupourtons pour raison d’eschainge tout ceu entierement que Burnekins avoit a Mangonville et a
03. Roville pour raison de vowerie que est nostre fiés davant tous homes et y vant Burnequins antretant com messire Jehans de Hassonville chevaliers
04. seis freres y ait car c’est tout d’un partaige et en recompensation deis choses dessus dites li dis Burnekins empourte pour lui et pour seis hoirs
05. pour raison d’eschainge a tous jours maix en heritaige teil acquest com nous aviens fait a Gerairt fil Drowyn de Tournoi et a Beautrix
06. feme lou dit Gerairt, c’est assavoir quaitre deniers et maille sus chascun feu chascun an ensi com il appert par leis lettres de l’acquest saieillees
07. dou saieil de lai court de Toul que nous en avons rendue et delivree au dit Burnequun, deis queilz lettres li tenours est teilz : Je Gerairs de
08. Tournoi escuiers et je Beautrix sai feme fasons savor a tous ceaulz qui ceis presentes lettres varont et orront que com nous auxiens pour nous et pour
09. nous hoirs quatre deniers toullois et une maile sus chascun feu de lais ville de Tournoi, exceptei lai maison lou curei, lai maison lou signeur
10. de lai dite ville et lai nostre maison, a panre chascun an a tous jours perpetuielment leis dis quatre deniers et maille a trois termines, c’est assavoir lou
11. tiers a lai Nativitei Nostre Signeur, l’autre tiers a Paiques et et l’autre tiers a lai Nativitei Sant Jehan Baptiste ou a panre tout a queil deis dis trois ter-
12. -nines que il nous plairoit et com nous auxiens encor a Masnil pour chascune grosse beste amaul une maille toulloize a panre chascun an a lai Saint
13. Frami par teille condiction que ce auscuns font celloit auscune dez dites bestes elle fuit acquize a nous je Gerairs etje Beautrix dou grey et de l’autoritei
14. mon dit mari recongnixons par ceis presens lettres que nous panssey et considerei nostre grant prefeit avons vendui, tresfonciei et acquitei, vandons, tresfon-
15. -cons et acquitons par ces presentes lettres pour nous et pour nous hoirs perpetuielment toutes lez choses dessus dites a nostre chier et amei signeur haut prince et no-
16. -ble Ferri duc et marchis de Loherengne a tenir et a [...] toutes lez choses dessus dites dou dit nostre signeur lou duc et de seis hoirs a tous jours maix en
17. lai meniere dessus escripte sens debait de nous ne de nous hoirs, et avons fait cest vendaige pour lou preix et lai some de trente livres de
18. boins petis tournois vies, lez queilz deniers nous avons eus et receus dou dit eschetour en bone monnoie bien comtee et bien nombree, et nous sons
19. devestus dez dites chozes vendues pour nous et pour nous hoirs et en avons envestuy lou dit eschetour pour lui et pour seis hoirs et mis en corporeil
20. possession par l’outroi et lai tradition de ces presentes lettres. Et avons promis par nous foys corporelment donnees en lai main dou notaire si dessous
21. escript et sus l’oibligation de tous nous biens a pourtei bone warentie et loiaul a dit eschetour de choses dessus dites et que contre cest dit vendai-
22. -ge ne verons venir ne ferons par nous ne par autres en queilque meniere que ceu soit et je Beautrix especialment pour raison de dons pour nouses et de
23. dowaire et pour ceu nous par nous dites foys avons renunciei a l’exception de boidie de circonvention de deception outre lai moitié de juste preix de cho-
24. -ses [...] ensi faites et a toutes autres exceptions, allegations, deffences et qualietelles de fait et de droit escript et nun escript et de costume que
25. nous ou nous hoirs poiroient aidier en cest fait et ai dit eschetour ou a seis hoirs graver. En tesmoingnaige de veritei et pour toutes ceis cho-
26. -ses estre fermes et estaubles avons nous requix l’onnorable persone et discrete l’officiaul de lai court de Toul qui feisset mectre lou saieil de sai dite
27. court en cez presentes lettres. Et nous li officiaulz dessus dis, a lai supplication et a lai requeste deis dis vendours faites par davant nostre fiauble clerc Jehan
28. de Rosieres notaire de nostre dite court jurei a queil nous avons et volons avor foy plenne en ceis chozes et em plux grans et a lai relation dou dit
29. notaire avons fait mettre lou saieil de nostre dite court de Toul en ceis presentes lettres, que furent faites et donnees l’an mil trois cens et vint
30. lou jeudi apres feste Sainte Katheline. Dou queil eschainge nous et nostre hoir devons pourter bone warentie et loiaul et en devons faire joir a tous
31. jours maix paisiblement sens nul empaichement et sens niant aler encontre par nous ne par autrui par nulle raison que soit et de ceu a tenir avons nous
32. obligiei pour nous et pour nous hoirs tous nous biens presens et avenir par tout. Et pour ceu que ceu soit ferme chose et estauble nous l’en avons
33. donnees ceis lettres saieillees dou saieil de nostre court de Nancey par nostre requeste et de nostre especiaul comendement. Ceu fuit fait lou mardi davant
34. lai feste Saint George lou martir l’an de graice Nostre Signeur mil trois cens vint et dous on moys d’avril. Seing Jehan Jaique marlier de Nancey. -
« Eschange / d’entre le duc Ferry et / Burnequin de Haussonville / par lequel / mondit seigneur duc emportece que ledit / Burnquemin avoit a Mangonville, / a Roville a cause de vouerie qui / meuvent ja en fied de mondit seigneur, / et ledit Burnequin quatre deniers maille / sur chacun feu de Tonnoy, que mondit / seigneur avoit acquesté de Girardin de / Tonnoy », XVIIe-XVIIIe s. ; « N 106 Nancy I », XVIIe-XVIIIe s. ; « M . CCC . XXII », XVIIe-XVIIIe s. ; « au mois d’avril », XVIIIe s. ; « Registrata », XIVe-XVe s. ; « Nancy », XVIIe-XVIIIe s. ; « Registrata » (sic), XIVe-XVes.
-
J. BRIDOT, Catalogue des actes de Ferry IV, Duc de Lorraine (1312-1329), Nancy, Bibliothèque municipale de Nancy (copie dactylographiée du diplôme d’études supérieures soutenu devant la Faculté des Lettres de Nancy), 1949, n° 273
-
[Cartulaire] FRANCE, Nancy, Archives départementales de Meurthe-et-Moselle, B 377, f° 99 (XVIe s.)
-
[Cartulaire] FRANCE, Nancy, Archives départementales de Meurthe-et-Moselle, B 379, f° 72 (XVIe s.)
-
Mathias Bouyer
Sigillographie
-
non
Informations
Acte
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145858 (transscript-1098), http://telma.irht.cnrs.fr/chartes/transscript/notice/145858 (mise à jour : 20/06/2019).