Général
-
Ferry (3) duc de Lorraine
-
Richard de Moyrencourt, curé de Saint Firmin
-
Henri de Ceintrey
-
Richard de Moyrencourt, curé de Saint Firmin
-
Ferry (3) duc de Lorraine
-
1296/05
-
FRANCE, Bar-le-Duc, Archives départementales de la Meuse B256 f°181r-182r (cartulaire du XIVe s.)
-
Français
-
non suspecté
-
Charte
-
Cartulaire
-
Ferry (3), duc de Lorraine et marquis, fait savoir qu’en sa cour de Mirecourt Henri de Ceintrey a reconnu devoir à Richard de Moyrencourt, curé de Saint-Firmin, cinq muids de vin sur sa vigne de Ceintrey. Scellé du sceau de la cour ducale sur la requête de Henri.
-
/f. 181r/ Lettres signor Richart, curei de Seint Firmin, contre Hen- / -ri Centerei. Cest registrei.
1. Je Ferris, dus de Lorreingne et marchis, fais savoir a tous que
2. en ma court de Mirecourt pour ceu especialment establis Hen-
3. -ris de Centerei, escuiers, ait recogneu qu’il doit a signor Ri-
4. -chart de Moyrencourt, prestre a dont curei de Seint Firmin,
5. cinc mues de vin de sa vingne de Centerey, ou d’aussi boin
6. se de la dite vigne defailloit, chascun an tant com li dis si-
7. -res Richars viverat, a paier chascun an au dit signor
8. Richart tant com li dis sires Richars viverai ou a son cer-
9. -tein commandement jusques a la seint Martin d’yver ; et se
10. li dite vigne defailloit en acune annee, par coi li dis sires
11. Richars ne puest estre paiés en tout ou en partie, li dis
12. sires Richars averoit pour chascun mue qu’il l’en fauroit eut
13. solz de toulois dou dit Henri ou il atenderoit jusques a
14. l’autre annee aprés, le quel de ces dous que li dis sires Ri
15. -chars voulroit ; et le vin desus dit ait vendui li dis Henris /f. 181v/ a dit signor Richart tant com li dis sires Richars vivereit
2. pour la somme de treze livres de boins toulois nues et bien
3. coursables, dont li dis Henris ait receu plein paiement et
4. entier dou dit signor Richart pour toute la vie le dit signour
5. Richart, et ait promis et promet li dis Henris de Centerei,
6. escuiers, par sa foi fiancié corporelment en leu de sairement
7. qu’il le vin chascun an, cinc mues si com desus est dit, il pai-
8. -ereit a dit signor Richart ou fereit paier chascun an
9. dedens le terminne desus dit ensi com desus est dit ou il an
10. delivreroit a dit signor Richart ou a son certein commande-
11. -ment waige portables et menables, et li conduroit jusques
12. a son ostel pour vendre et despendre sans occoson et sens recrance
13. faire jusques a enterinne satisfaction dou vin desus dit ;
14. et se li dis Henris en defailloit en tout ou en partie, il wet et
15. otroie que li dis sire Richars ou ses commandemens lou waigoit
16. ou faice waigier par cui qu’il vourreit et pourreit ; et s’il avoit
17. couz ou damaiges a wagier ou a faire wagier, li diz Henris
18. promet et est tenuis qu’il en defereit le dit signor Richart touz
19. couz et tous damaiges et en seroit creus li diz sires Richars
20. par son simple sairement sens autre prueve. Et pour ces chozes
21. desus dites ait obligié et oblige li dis Henris ses biens mo-
22. -bles et non mobles, presens et avenir, en la main dou dit sig-
23. -nor Richart a panre et a faire panre, a vendre et a despen-
24. -dre com waige jusques a enterine satifacion dou vin et
25. des covenances desus dites ; et wet et otroie et se con-
26. -sent a ceu li dis Henris que se il aloit en arriers des con-
27. -venances et la marchandie desus dite en tout ou en
28. partie, que je, par la prise de ses biens et de ceu qu’il tient de
29. moi, li feisse faire, et wet que je an wardoie le dit signor
30. Richart de force ; et ait renoncié li dis Henris tant com
31. a ceu par sa dite foi a tout quant qui aidier li pourroit con-
32. -tre cest fait, lui ou ses hoirs, et le dit signor Richart
33. grever et expressement a droit disant generaul renon-
34. -ciacion niant valoir. Et pour ceu que se soit ferme
35. choze et estable sont ses presentes lettres, a la requeste dou
36. dit Henri, saelees dou seel de ma dite court en tes-/f. 182r/-moignaige de veritei, sauf mon droit. Ce fut fait l’an
2. de grace mil dous cens quatre vins et saze ans, on
3. moix de may. -
DE PANGE Jean, Catalogue des actes de Ferri III, duc de Lorraine (1251 – 1303) , Paris, H. Champion, 1930, n°1244
-
[Cartulaire] A- Original inconnu B- Copie, FRANCE, Bar-le-Duc, Archives départementales de le Meuse B256 f°181r à 182r
-
Martin Picoche, Denis Remy
Informations
Acte
Denis
Remy
(_), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 147615 (transscript-1109), http://telma.irht.cnrs.fr/chartes/transscript/notice/147615 (mise à jour : 15/10/2020).