Général
-
Thiébaut de Lorraine, sire de Rumigny
-
Gui de Dampierre, comte de Flandre
-
Thiébaut de Lorraine, sire de Rumigny
-
-
FRANCE, Paris, Bibliothèque nationale de France, Provinces françaises, Collection de Lorraine, vol. 194, n° 7
-
Copie sur parchemin, scellé sur simple queue (1287/12/00)
-
français
-
non suspecté
-
Lettre
-
Copie
-
Thiébaut de Lorraine, sire de Rumigny, s'engage auprès de Gui, comte de Flandre, à ne pas aider Jean d’ Avesnes si ce dernier ne respecte pas l'arbitrage rendu par Jean, évêque de Liège, et Bouchard, évêque de Metz, concernant les terres de Waes, Quatre Métiers, Alost, Grammont et d'autres terres. Thiébaut de Lorraine agirait de même si, Jean d'Avesnes étant mort, ses héritiers différaient de reconnaître cette sentence.
-
01. A tous chiaus ki ces presentes lettres veront et oront je Jehans de Avesnes cuens de Haynun salut. Comme nobles hom nos chers foiales Thiebaus de Loherainne sires de Rumegni ait […] pluseurs de nos homes
02. [...] ces lettres a no chier oncle Guion conte de Flandres en le forme ki ci après s'ensuit. Nous Thiebaus de Loherainne sires de Rumegni faisons savoir a tous ke nous pour nous et [pour nos hoirs...] avons respondu pour
03. no chier signeur Jehan d'Avesnes conte de Haynun et pour ses hoirs a noble home Guion conte de Flandres pour lui et pour ses hoirs et avons promis et prometons s'il avient ke ja n'avigne ke les dis sires cuens de Haynun et
04. si hoir viegnent encontre le dit le sentence arbitral, l'ordenance, le composition, l’eswart et l'estaulissement de reverens peres Jehan par le grasce de Deu evesques de Liege et Bouchart par cele meisme grasce evesque de Mez mi-
05. -seur, arbitres et compositeurs pris entre les dis conteis des debas ki entre aus contes devant dis sont et ont esteit meut des tieres de Waize, des Quatre Mestiers, de Alost, de Graumont, des tieres sour Escaut et d'autres, et des
06. apartenances des dites tieres, et de toutes autres chozes de quoi li dit misour se melleront et acorderont ensanle [...] des dis sires cuens de de Haynun et si hoir n'aemplissent le dit, le sentence arbitral, l'ordenance, le composition, l’eswart et
07. l'estaulissement des dis evesques, nous ne nostre hoir ne serons aidant, consillant ne confortant aus a no ? dit signeur [conte] de Haynun ne a ses hoirs ne ne prestons ne delivrons nos fortereces a nostre dit signeur conte de Haynun ne a ses hoirs ne a leur
08. aiuwes ne ne recheverons ne recheterons no dit signeur conte de Haynun ne ses hoirs ne a leur aiuwes alans, venans ne demorans ; ne ne serons obeissant a no dit signeur conte de Haynun ne a ses hoirs en nul besoing k'il puissent
09. avoir ki a ceste besoingne apartingne ne en autre contre le dit conte de Flandres ne ses hoirs ; ne ne serons [grevant] ne nuisant au conte de Flandres ne a ses hoirs ne a leur aiuwes pour l'okison de no dit signour conte de Haynun et de ses
10. hoirs ; et ke ceu tenrons et warderons nous et no hoir et [...] en maintenrons nous et no hoir [tout ausi] longement comme nos dis sires cuens de Haynun et si hoir et n'iront encontre les chozes devant dites et aucun
11. de les et il nos sires cuens de Haynun et si hoir seront a defaute d’a emplir le dit le sentence arbitral, l'ordenance, le composition, l’eswart et l'estaulissement des dis miseurs; et s'il avientke de no dit signeur conte de Haynun
12. defaille et ke ses promerains hoirs aagiés ne se soit obligiés et oblige dedens l'an aprés le decés de sen pere [...] par se foi et sen sairement sour ce fais sollempnement et corporelment et par lettres souffisans données et
13. delivrees au dit conte de Flandres et a ses hoirs contes de Flandres se de lui estoit defalit de tenir faire [aemplir] le dit le sentence arbitral, l'ordenance, le composition, l’ewart et l'estaulissement des dis miseurs, nous ne no
14. hoir ne serons au dit hoir ne a ses avewes aidant consilant ne confortant, ne ne presterons ne delivrerons nos [fortereces] a lui ne a ses avewes, ne ne recheverons ne recheterons lui ne ses aiuwes alans venans ne demorans, ne ne li serons
15. obeissant en nul besoing k'il ait et puist avoir ki a ceste besoingne apartigne, ne en autre contre le conte de Flandres ne ses hoirs, ne ne seront grevant ne nuisant au dit conte de Flandre ne a ses hoirs ne a leur aiuwes pour l'oki-
16. -son dou dit hoir et ensi nous en maintenrons tant et si longement ke li dis hoirs venra encontre les chozes devant dites et aucunes de les et k'il sera en defaute de l'aemplir ; et se par aventure li hoirs le dit conte de Haynun
17. aprés le decés dou dit conte de Haynun estoit adonques desaagiés et ses mambors dedens les sis mois aprés ne soient obligiés soufissamment par se foi et sen sairement sour ce fais sollempnement et corporelment et par ses lettres souffisans
18. dounees au dit conte de Flandres en tele forme comme il est dit deseure del hoir aagier, nous ne serons obeissant a dit mainbort ne aidant ne consillant en nul besoing k'il puist avoir ki apartingne a ceste besoingne ne en autre
19. contre le conte de Flandres ne ses hoirs, ne ne serons grevant ne nuisant au dit conte de Flandres, a ses hoirs ne a leur aiuwes pour l'okison dou dit mainbort tant et si longement comme li dis mainbors sera en defaute de faire
20. warder et aemplir les chozes devant dites et cascunes d'eles ; et quant li hoirs desaagiés sera venus aagié, il dedens l'an apriés ne loe, gree et approeve le dit le sentence arbitral, l'ordenance, le composition, l’eswart
21. et l'estaulissement des dis miseurs et ne s'i est obligiés par foi et par sen sairement expresseement sour ce sollempnement et corporelment et n'en a données lettres souffissans au conte de Flandres en le maniere k'il est devant dit
22. de sen pere, nous ne no hoir ne li serons aidant, consillant ne confortant, ne ne le racheverons ne racheterons ne presterons ne deliverons nos fortereces a lui ne a ses aiuwes ne ne serons obeissant a lui en nul besoing k'il ait
23. et puist avoir ki a ceste besoingne apartingne, ne en autre contre le conte de Flandres ne ses hoirs, ne ne [serons grevant] ne nuisant au dit conte de Flandres ne a ses hoirs ne a leur aiuwes pour l'okison dou dit hoir et ensi
24. nous en mainterons tant et si longement ke li dis hoirs venr a encontre les chozes devant dites et aucunes d'eles et si k'il en sera en defaute del aemplir. Et a tout ceu ki est contenut en ces presentes lettres tenir, warder et
25. aemplir ensi con deseure est escrit avons nous obligier et obligons nous et nos hoirs par nos fois et nos sairemans sour ce fais sollempnement et corporelment et en avons données et delivrées au dit conte de Flandres ces
26. presentes lettres saiellées de nostre saiiel. Ce fu fait et donnei l'an de le incarnation Nostre Signeur (Jesus Christ) [M.] CC quatrevins et siet on mois de decembre. Et nous Jehans d'Avesne cuens de Haynun devant dis faisons
27. counissaule a tous ke nos chiers foiaules Thiebaus de Loherainne sires de Rumegni devant dis a données ses presentes lettres et faites les promesses, les obligations et les reconnissances tout ensi comme il est ci deseure contenut
28. de no gré, de no volentei, par no requeste et par no special commandement et volons ke toutes ces choses [deseure] escrites et caskune d'eles qu'il et si hoir les tignent et accomplissent tant et si longement comme nous et
29. no hoir en serons en defaute, ne ne le laient mie pour homage et pour foialté k'il aient fait et doivent [faire a nous] et a nos hoirs, car en ces cas et en ces avenues nous les [...] et quitons pour nous et pour nos hoirs
30. et en ce faisant contre nous et nos hoirs nous n'en poons et devons no chier foiaule Thiebaut de Loherainne signeur de Rumegni ne ses hoirs grever ne [molester et lor] en devons porter paiziules et rendre tous cous
31. et tous damages k'il aroient et feroient pour ceste okison par nostre defaute ; et toutes ces choses et cascunes d'eles avons nous promis et prometons a nostre chier foiaule devant dit et a ses hoirs pour nous et pour nos hoirs
32. par nostre foit et nostre sairement sour ce fais a tenir, warder et aemplir et a ceu obligons nous et et nos hoirs [a tenir] le thiesmoingnage de nostre presente lettre [envers nostre chier et foiaule] Thiebaut de Loherainne signeur de Rumegni
33. saielée de nostre propre saiel en l'an de le incarnation Nostre Signeur mil dous cens quatre vins [et sept] on mois de decembre. -
H. C. DU FOURNY, FRANCE, Nancy, Bibliothèque municipale, ms. 763 (anc. 177), t. X, 1ère partie, p. 531-532
-
J. DE PANGE, Catalogue des actes de Ferri III, duc de Lorraine (1251-1303) , Paris, 1930, 285 p. + Table des noms de personnes et des noms de lieux contenus dans le catalogue, n° 866
-
A.-M. MARIONNET, Catalogue des actes de Thiébaut II, duc de Lorraine (1303-1312) , (diplôme d'études supérieures de la faculté des lettres de Nancy), Nancy [1947], n° 14
-
Denis Remy ; Mathias Bouyer
Sigillographie
-
oui
Informations
Acte
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145820 (transscript-1090), http://telma.irht.cnrs.fr/chartes/transscript/notice/145820 (mise à jour : 21/06/2019).