Simon, évêque de Meaux, notifie que Guillaume d’Aulnay a renoncé à percevoir le cens annuel de 15 setiers de froment et 15 setiers d’avoine que l’abbaye de Chaalis lui devait à la grange de « Setains », et a reçu en échange 40 livres et un cheval.
In nomine sancte et individue Trinitatis. Quia humane fragilitatis, invalescente desidia, et vita brevis et memoria labilis est, expedit litteris mandari ea que utilitas exigit diuturniore memoria retineri. Eapropter, ego Simon, Dei gratia Meldensis episcopus, universitati fidelium tam presentium quam futurorum pagine presentis attestatione notificare curamus quod Willelmus de Alneto miles, annuentibus et volentibus Yolende uxore sua, Galterio filio suo, monasterio Beate Marie Karoliloci et fratribus ibidem Deo famulantibus triginta sextarios annone, medietatem scilicet frumenti et medietatem avene, quos a prefati monasterii fratribus in grangia de Setenis singulis annis censuales ad mensuram de Dammartin recipiebat, libere et absolute dedit et concessit atque in perpetuam elemosinam absque ulla omnino retentione possidendos remisit. Hoc autem donum et hanc elemosinam prius coram pluribus factam ipse Willelmus postmodum in presentia nostra juxta altare Beati Faronis cum ibidem missarum solempnia die festivitatis ipsius celebraremus recognovit ac fidei sue interpositione fideliter tenere et semper ubique garandire promisit. Huic autem donationi et recognitioni in presentia nostra facte testes affuerunt Galterus decanus noster de Mesnil, Garnerus sacerdos et clericus noster, Ancherus itidem sacerdos, Robertus Olvineth de Oslitz, Gakterus de Montgehier, Hugo Tacuns, hii milites. Concessioni vero Yolendis uxoris sue affuerunt testes Galterius decanus noster de Mesnil, Hugo Tacuns, Galterius de Canaveriis milites, Odo Frontin prepositus de Montmeliant, Willelmus serviens decani. Concessionis autem Galterii filii sui testes sunt Galterius decanus noster de Mesnil, Galterius miles de Canaveriis et Gervasius privignus ejus, Johannes de Montgehier, Aubertus filius Yvonis de Foliolis, Hugo Tacuns. Hoc etiam donum et hanc elemosinam benigne concessit Philippus de Nantolio, de quo prefatus Willelmus istam annonam in feodum tenebat. Cujus concessionis testes affuerunt Galterius decanus noster de Mesnilio, Bartholomeus prior de Cloia, Odo de Sancto Medardo, Anculfus de Tits ; Ancelinus de Fresne, Odo de Jablinis, Stephanus de Moiry, Ivo de Mintri, hii sacerdotes, Willelmus filius Hugonis Tacuns, Reinardus de Mesnilio, hii laici. Fratres autem prefati monasterii de communi substantia ecclesie predicte Willelmo pro recompensatione quadraginta libras dederunt et unum equum. Hec itaque omnia, ut in perpetuum rata et inconvulsa permaneant, et ne ulla dierum et temporum possint oblivione deleri, in presenti carta voluimus scribi et sigilli nostri impressione muniri atque prescriptorum testium nominibus corroborari. Actum anno incarnati Verbi millesimo [du]centesimo octogesimo octavo.