Conrad de Feuchtwangen précepteur des Teutoniques, Berthold de Gepsenstein provincial des Teutoniques
Strasbourg (chapitre Saint-Thomas)
Strasbourg (église Sainte-Aurélie)
Strasbourg (Teutoniques)
1288/07/20
mardi
Strasbourg
charte
non suspecté
Universis presencium inspectoribus frater Cunradus de Fúhtwangen preceptor fratrum hospitalis sancte Marie Theutonicorum Jerosolimitani per Alamanniam necnon frater Bertoldus de Gebizenstein provincialis fratrum Thentonicorum eorundem per Alsaciam et Burgundiam, item Fr[idericus] prepositus et capitulum ecclesie sancti Thome Argentinensis salutem et noticiam subscriptorum. scire cupimus universos, quod mota questione seu dissensione super edificatione seu constructione oratorii facti vel faciendi de novo per fratres nostros domus Argentinensis in curia dicta der Stubewegehof sita inter limites parrochie sancte Aurelie extra muros Argentiuenses, quod nos prepositus et capitulum predicti in nostrum prejudicium dicimus esse factum eo, quod dicta ecclesia sancte Aurelie parrochialis ad nostram ecclesiam sancti Thome predictam pertinet pleno jure, tandem intervenientibus fide dignis, et ut pax inter nos perpetua et concordia, que nos condecet, permaneat prestante domino, qui est largitor omnis boni, super dictis questionibus seu dissensionibus nos commendatores predicti nostro nomine et fratrum nostrorum dictam curiam inhabitancium pro parte nostra in honorandum virum dominum Hermannum thesaurarium ecclesie Argentinensis compromisimus et compromittimus per presentes. nos vero prepositus et capitulum predicti pro nostra parte in dominum Johannem decanum ecclesie nostre predicte compromisimus et compromittimus per presentes tamquam in arbitros compromissarios, arbitratores et amicabiles compositores ita, quod iidem dictas questiones seu dissensiones inter nos habitas usque ad festum beati Martini proximo venturum decidant sine strepitu judicii in scriptis vel sine scriptis, jure vel amice, in presencia nostri commendatorum vel absencia, presentibus tamen fratribus dictam curiam inhabitantibus vel aliquo ex eis nomine eorundem. placet etiam nobis partibus hinc et inde, quod tractatus possint habere dicti domini arbitri seu arbitratores in presencia partium. item placuit nobis partibus predictis, quod si dictum negocium terminatum non fuerit usque ad terminum predictum, quod ipsi duo facultatem habeant dictum terminum prorogandi, prout eis visum fuerit expedire. nos eciam partes predicte promittimus, quod si aliquem de predictis arbitris seu arbitratoribus, antequam dictum negocium terminetur, cedere vel decedere, quod absit, vel abesse plus debito contingeret, quod pars, pro qua hoc fieret, eque ydoneum pacificum, prout fas est, debeat subrogare, fraude et dolo penitus circumscriptis. item nos partes predicte scripto presenti et litteris presentibus obligamus nos et nostros successores ad observandum ordinationem, compositionem et pronunciationem, quam dicti arbitri seu arbitratores jure vel amice duxerint faciendam seu statuendam, sub periculo cause pro pena posita a nobis hinc et inde, renunciantes quoad hec pro nobis et nostris successoribus omnibus actionibus exceptionibus consuetudinibus statutis tam publicis quam privatis et specialiter restitutionis in integrum, et omnibus litteris impetratis vel impetrandis undecunque et a quocunque, quibus contra ordinationem seu pronunciationem dictorum dominorum arbitrorum seu arbitratorum factam jure vel amice venire possemus vel juvari ad presens vel eciam in futurum, de omnibus predictis cerciorati de verbo ad verbum. specialiter autem renunciamus juri seu juribus quantum ad omnia et singula premissa dicentibus, generalem renunciationem non valere. in quorum evidentiam nos frater Cunradus preceptor et frater Bertoldus provincialis predicti nostra sigilla, item nos.. prepositus et capitulum sancti Thome predicti sigillum dicti capituli presentibus duximus apponenda. anno domini 1288 proxima tercia feria ante festum beati Arbogasti.
WIEGAND (Wilhelm), Urkundenbuch der Stadt Strassburg, 2 ; Politische Urkunden von 1266 bis 1332, Strasbourg, 1886, n° 149, p. 104-106.