Reinboto Eystetensis episcopus plebano in Westhoven et plebano in Zallenwilre Argentinensis dyocesis sub pena excommunicationis mandat, cum plebanus superioris ecclesie in Westhoven et plebanus in Stozheim, prout frater Petrus de Monasterio procurator fratrum ordinis predicatorum in provincia Theutonie nuntiavit, de mandato Mathie canonici sancti Stephani Argentinensis sententias per Johannem Tusculanum legatum latas tamquam inanes revocaverint et ipsos fratres excommunicatos nuntiaverint, quod, si premissa vera sint, dictos plebanos moneant, infra octo dies a tempore monicionis fratribus satisfacere; alioquin eosdem publice excommunicabit. littere sigillate in signum mandati executi reddantur. «sua nobis frater Petrus.» datum in Werdenvels anno domini 1288, 13 kalendas augusti.
WIEGAND (Wilhelm), Urkundenbuch der Stadt Strassburg, 2 ; Politische Urkunden von 1266 bis 1332, Strasbourg, 1886, n° 148, p. 104.