Roger, évêque de Laon, fait part de la donation purement gratuite d'un muid de froment, par Adam d'Autremencourt, à l'abbaye de Saint-Nicolas-des-Prés.
De domino Adam de Ostremoncort.
Ego, Rogerus, Dei gracia Laudunensium episcopus, presentibus et futuris in perpetuum. Noverint universi quod Adam, miles de Ostremoncort, coram nobis constitutus, dedit in elemosinam ecclesie sancti Nicholai in Pratis modium frumenti singulis annis de terragiis de Ostremoncort recipiendum in festo omnium Sanctorum, ad mensuram Ribodimontis que nunc currit; firmavit eciam fide interposita se super hac elemosina garandiam portaturum contra omnes qui ad justiciam venire et juri parere vellent, et nunquam per se vel per alium reclamaturum. Quod ut ratum sit et firmum in perpetuum, presentem paginam sigilli nostri impressione fecimus roborari.
Actum anno dominice incarnacionis millesimo ducentesimo sexto. Datum per manum Bartholomei cancellarii nostri.
STEIN (Henri), Cartulaire de l'ancienne abbaye de Saint-Nicolas-des-Prés sous Ribemont, Saint-Quentin, 1884 (et dans Mém. soc. acad. des sc., arts, belles-lettres, agric. et industrie de Saint-Quentin, 4e sér., 5 (1883), p. 112-337), n° 103, p. 154-155.