Anselme, évêque de Laon, qui avait demandé l'introduction du clerc Gilbert à Saint-Nicolas, fait savoir à l'abbé de Saint-Nicolas que ce clerc a changé de ligne de conduite.
De Gilleberto clerico de Cheri.
A[nselmus] Dei gracia Laudunensis episcopus, universis presentes litteras inspecturis (fol. 77), in Domino salutem. Noverit universitas vestra quod, cum domnus Papa nobis scripsisset pro Gilleberto clerico de Cheriaco, ut ipsum in aliquo de monasteriis nostre dyocesis recipi faceremus in monachum et in fratrem, et nos dilectis in Christo filiis abbati et conventui beati Nicholai de Ribodimonte precepissemus in virtute obediencie ut ipsum reciperent in monachum et in fratrem: tandem idem Gilebertus in nostra presencia constitutus spontanea voluntate renunciavit in perpetuum mandato apostolico et nostro et eandem ecclesiam de hoc et de omnibus aliis quitavit penitus et absolvit, fidem dans in manu nostra corporalem quod predictum monasterium sancti Nicholai, nec super receptione sua in monachum, nec super alia provisione, de cetero molestabit.
Datum Pratellis, anno Domini millesimo ducentesimo vicesimo, mense octobri, die lune post festum sancti Dyonisii.
STEIN (Henri), Cartulaire de l'ancienne abbaye de Saint-Nicolas-des-Prés sous Ribemont, Saint-Quentin, 1884 (et dans Mém. soc. acad. des sc., arts, belles-lettres, agric. et industrie de Saint-Quentin, 4e sér., 5 (1883), p. 112-337), n° 102, p. 153-154.