Général
-
Guillaume de Torcheville, chevalier
-
Ferry (4), duc de Lorraine et marquis
-
-
-
Guillaume de Torcheville, chevalier
-
-
-
-
FRANCE, Nancy, Archives départementales de Meurthe et Moselle, B 565 n° 24
-
Original sur parchemin, scellé de trois sceaux sur double queue de parchemin
-
français
-
non suspecté
-
Lettre
-
Original
-
Guillaume de Torcheville, chevalier, fait savoir que pour mettre fin au désaccord qui l’a opposé à Ferry (4), duc de Lorraine, il se reconnaît pour sa vie durant l’homme lige de Ferry (4) avant tous hommes, avec autorisation de devenir homme lige avant tous hommes de l’évêque de Metz ; il tiendra du duc en fief aidable et recevable sa maison de Torcheville et, après sa mort, son fils aîné et ses héritiers devront être hommes liges du duc ; il quitte Ferry (4) de tout ce qu’il pouvait réclamer en qualité d’ancien châtelain de Morsperg [Marimont].
-
01. Je Willames de Tourvilleir, chevaliers, fais savoir a tous que comme bestans et descoirs ait esteis entre hault et noble prince
02. mon trés chier et amei signour Ferri, duc de Loherenne, et marchis, par d’une pairt, et moi, d’autre, sus plusours articles, assa-
03. -voir est que paix et acoirs en est fais en la meniere s’enseut ; c’est assavoir que je doie eistre et serai toute ma vie
04. hons liges devant tous homes le dit mon signour le duc fuers que tant que je pourroie devenir s’il me plaisoit hons
05. liges devant tous homes l’evesque de Mes toute ma vie et non a autre ; et doie tenir et tanrai ma vie dou dit monsignour
06. le duc la maison de Tourvilleir, la ville et les appartenances aidable et receptable a lui et a ses gens a tous ses besoings
07. et encoir tous les autres heritages et fiés que je tenoie et dovoie tenir de lui devant ceu que cez lettres fussent faites
08. et aprés mon decet mes anneis fils et li hoir de mon dit annei fil aprés lui doient eistre et seront a tousjours
09. maix home lige au dit monsignour le duc et a sez hoirs devant tous homes et devant tous signours ; et dove-
10. -ront tenir et tanront de lui et de ses hoirs a tousjours maix la maison de Toirvilleir, la ville et les appartenances
11. ligement devant tous homes aidable et receptable a lui et a ses gens, a tous ses besoings et doveront ausi te-
12. -nir et tanront ligement devant tous homes de lui et de sez hoirs tous les autres fiés que je en tenoie et dovoie
13. tenir devant ceu que cez lettres fussent faites ; et demorent encoir avec tout ceu li dit heritage et fiés en
14. toute teil condition pour le dit monsignour le duc et pour sez hoirs et chargié de services de wardes et
15. de toutes autres choses ensi com il estoient et dovoient eistre devant la confection de ces presentes lettres ; et ai
16. encoir avec ceu pour moi et pour mez hoirs acquitei et acquis le dit monsignour le duc et sez hoirs de
17. toutes covenances quels quellez soient et pussent eistre que j’eusse onques eu a lui ou a sez daventeriens
18. on temps passei de ceu que je fuix chastellainz de Moresperch et de la chastellerie ; et si lettres en estoient
19. troveez en temps a avenir je wel qu’elles soient de nulle valour ; et parmey lez chosez dessus dites je pour
20. moi et pour mez hoirs ai acquitei et acquis le dit monsignour le duc et sez hoirs a tousjours maix
21. de toutes demandes de charois, de toutes peirdes, de toutes ploigeriez, de toutes costanges et damagez
22. et de toutez autres choses quelz qu’elles soient et pussent eistre, que touchoient et pussent touchier a
23. chateis, que je li pooie ne dovoie damandeir dou jourdui en arriers, par coi je ne mi hoir n’en /24 poons jamaix riens demandeir a lui ne a sez hoirs. En tesmoingnaige de veritei je en ai mis mon
25. sael en cez lettres et ai proiei et requis a nobles homes et saiges monsignour Burnike, signour de Riste,
26. et monsignour Jehan de Mengne chevaliers qu’il wellent metre lour saiels avec le mien en ces presentes
27. lettres en tesmoingnaige de veritei ; et nous Burnikes sires de Ristes et Jehans de Mengne chevalier dessuz
28. dit a la proiere et la requeste dou dit monsignour Willame avons mis nous saelz en ces lettrez avec le sien en
29. tesmoingnaige de veritei ; que furent faites l’an de graice Nostre Signour mil trois cens et vint et dous,
30. le vanredi aprés lez octaves de la saint Martin en yveir. -
-
-
« La maison de Torvileir la / ville et lez apartenances », « R(egistrata) », XIVe s. ; « Fied liges / des chastel, ville et s(seigneurie) / de Torviller / rendable et receptable. / M.CCC.XXII », XVIe s. ; « N° 24 Bistch Castres », XVIIe s.
-
-
-
J. BRIDOT, Catalogue des actes de Ferry IV, duc de Lorraine (1312-1329), Nancy, Bibliothèque municipale de Nancy (copie dactylographiée du diplôme d’études supérieures soutenu devant la Faculté des Lettres de Nancy). 1949, n° 284
-
H. LEVALLOIS, Table chronologique provisoire des actes des ducs Thiébaut II et Ferry IV conservés dans le Trésor des chartes de Lorraine ou publiés et analysés, Nancy, Bibliothèque municipale MS. 1185 (4 et 5)
-
[Cartulaire] FRANCE, Nancy, Archives départementales de Meurthe et Moselle, B 384 f° 354 (XVIe s.)
-
Laura Gili-Thébaudeau
Sigillographie
-
oui
-
Trois sceaux sur double queue de parchemin (Guillaume de Torcheville, Burnique de Riste, Jean de Mengen) en cire verte et brune, détériorés sauf le deuxième
Informations
Acte
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 26693 (transscript-701), http://telma.irht.cnrs.fr/chartes/transscript/notice/26693 (mise à jour : 20/11/2018).