Général
-
Raoul, duc de Lorraine
-
Gérard de Montfaucon, seigneur de Villafans
-
Raoul, duc de Lorraine
-
-
FRANCE, Nancy, Archives départementales de Meurthe-et-Moselle, B 880 n° 91
-
Original sur parchemin, jadis scellé de deux sceaux sur double queue de parchemin
-
français
-
non suspecté
-
Lettre
-
Original
-
Raoul donne à Gérard de Montfaucon, seigneur de Villafans, qui est devenu son homme lige après Henri de Montbéliard, seigneur de Montfaucon, son frère, deux cents livrées de terre, en rente annuelle à petits tournois, à lever chaque année à la Saint-Michel et à Pâques sur les salines de Rosières, s’engageant à les rasseoir, sitôt qu’il le pourra, plus près de la seigneurie dudit Gérard, entre Neufchâteau et Remiremont, et stipulant en outre, que lesdites deux cents livrées de terre seront rachetables au prix de deux mille livres de petits tournois pour lesquelles ledit Gérard reprendra du duc deux cents livrées de terre, soit de son alleu, soit d’un acquêt dans les fiefs de Lorraine et qui, jusqu’à ce que ledit Gérard ait assigné lesdites deux cents livrées de terre, resteront en dépôt chez les dames de Remiremont.
-
01. Nos Raouls dux de Lorrainne et marchis façons savoir a touz que nos avons donei et donons pour nos et pour noz hoirs par donation faite entre les vis sanz riens as
02. rapelleir a nostre bien amei et feal monsignour Girart de Montfaucon seignour de Willanffans pour lui et pour ses hoirs en fyé et en homaige dous cenz livrees de terre
03. en annual rente a petiz tornois appanre et a leveir chascun an de part lou dit monsignour Girart et de ses hoirs ou de lour commandement en nom de lour sus noz
04. rentes de la saline de Rosieres c'est a savoir cent livres de la dicte monoie a la feste de saint Michiel prochenement venant et les autres cent livres
05. a la feste de Pasques aprés en suyvant a touz jours ensi chascun an par tel condiction que toutes foiz au monde que nos excheroit terres ou rentes de aucun-
06. -nes persones de nostre ligniaige nos assignerons et afferrons a dit monsignour Girart ou a ses hoirs les dites dous cenz livrees de terre a plus preis
07. de sai terre et nommeement a Nuefchastel ou des lou Nuefchastel jusques a Remiremont en rentes et en terre plainne li ferons la dite assise selonc l'us et la
08. costume de Lorrainne et parmei ce li diz messire Girars est devenuz nostres hons liges devant touz autres pour lui et pour ses hoirs exceptei nostre bien amei
09. oncle monsignour Hanri conte de Montbeliart seignour de Montfaucon son frere et ses hoirs; et par tel condiction encores que toutes foiz que nos ou nostre hoir bail-
10. -leriens ou delivreriens a dit monsignour Girart ou a ses hoirs dous mille livres de petiz tornois que nos et nostre hoir rehauriens noz dites dous
11. cenz livrees de terre senz nul debait ou se nos ou nostre hoir bailliens ou delivriens mil livres de la dite monoie nos et nostre hoir rehauriens
12. cent livrees de terre et quant nos paieriens les autres mil livres nos ou nostre hoir nos et nostre hoir rehauriens les autres cent livrées de terre
13. que nos li auriens baillié ou assignei et demorrait li diz messire Girars et sui hoir nostres hons pour les dites dous mille livres les quels dous mille
14. livres il nos asserroit et assigneroit sus dous cenz livrees de terre de son aluef, et se li diz messire Girars ne voloit ou pouhoit assigner
15. les dites dous mille livres ensi cum dit est nos li donons pouhoir que il pusse acquester desouz nos en noz fyez et rerefyez et de noz subgeiz
16. jusques es dites dous cenz livrees de terre les queles dous cenz livrees de terre sairoient de nostre fyé pour la dite some de airgent ; et est encor
17. a savoir que nos ne sumes tenuz nos ne nostre hoir de baillier a dit monsignour Girart ne a ses hoirs les dictes dous mille livres jusques attant
18. que il ou sui hoir nos auroient fait lou assignal des dictes dous mille livres sus dous cenz livrees de terre ensi cum dit est mas mattriens
19. nos ou nostre hoir la dite some de argent ou depois au secretaire des dames de Remiremont jusques li diz assignals des dites dous
20. mille livres ou des mil livres en cens que nos ou nostre hoir ne paieriens que mil livres fust faiz pour mil livres cent livrees de terre
21. et pour dous mille livres dous cenz livrees de terre ou que li diz messire Girars ou sui hoir les auroient acquestei desouz nos ensi cum dessus est dit
22. et adonques nos volons pour nos et pour noz hoirs que il et sui hoir haient lou dit argent pour paier lou dit acquest, et parmei ce toutes lettres que li
23. diz messire Girars hauroit de nos ou de noz predecessours sairoient et sunt de nulle valour exceptées cestes presentes lettres, et toutes les
24. choses dessus escriptes et une chascunne d'icelles avons nos promis et promattons pour nos et noz hoirs tenir et paier chascun an et wardeir ferme-
25. -mant perpetuelment senz gemas aler encontre en tout ou en partie par quel que maniere que ce soit ; et en mattons des maintenant pour nos et pour noz hoirs
26. lou dit monsignour Girart pour lui et pour ses hoirs en possession corporel par la tradiction de ces presentes lettres ; et se il avenoit chose que Deus ne wille
27. que nos ou nostre hoir ne paiessiens a dit monsignour Girart ou a ses hoirs chascun an la dite some de argent de dous cenz livres es termines dessus
28. diz ou se la terre nos excheisoit et nos ne li assigniens en la maniere que dit est nos volons et expressement nos consentons pour nos et pour noz hoirs que li
29. diz messire Girars ou sui hoir nos puissent waigier nos et noz hoirs et faire waigier et pannir jusques a plainne satiffaction des dictes choses et de
30. une chascune d'icelles et pour lour couz et domaiges que il y auroient encorru ou porroient encorre des quels couz et domaiges li diz messire Girars ou
31. sui hoir sarroient cru par lour simple seirement sanz autre preuve faire; et pour ce especialment nos en avons obligié et obligeons pour nos et pour noz hoirs a dit
32. monsignour Girart pour lui et pour ses hoirs touz noz biens meubles et non meubles presenz et avenir partout ou qu'il soient et porroient estre trovei toutes excepti-
33. -ons ariers mises ; et pour ce que ce soit ferme chose et estauble nos li avons donei ces lettres presentes seelees de nostre seal pendent avuec lou seal dou dit
34. monsignour Girart ; et nos Girars de Montfaucon sires de Willanffans chevaliers dessus diz qui cognossons toutes les choses dessus escriptes et une chascunne
35. de ycelles estre veraies et que les promattons par nostre foi donee pour nos et pour noz hoirs tenir et warder fermement selonc ce que il appartenroit a nos et a
36. noz hoirs senz gemas aler encontre. En tesmoingnaige des choses dessus escriptes toutes et de une chascunne d'ycelles avons mis nostre seal pendent
37. avuec lou seal dou dit monseignour lou duc de Lorroinne en ces presentes lettres que furent faites et donées a Remiremont lou mardi aprés la feste de
38. la exaltation Saincte Crox l'an de grace Nostre Seignour corrent par mil trois cenz quarente hun ces lettres sunt doublees. -
"J. Talleney"
-
« Lettres de l’omaige monsignour / Girart de Monfaucon de IIC / livres suz lai saline a rechet de / [...] pour IIC livres de [...] », XIVee s. ; « Lettres de l'homage / de Montfaucon / 1341, le/ mardy aprés / l'exaltation sainte / croix », XVee s. ; « [...] sur / les salines de Rozieres », XVIe s. ; « N° 91 / Rosieres », XVIIe s.
-
H. LEVALLOIS,Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 261
-
[Cartulaire] FRANCE, Nancy, Archives départementales de Meurthe-et-Moselle, B 422 f° 381v
-
Laura Gili-Thébaudeau
Sigillographie
-
non
-
Deux sceaux sur double queue, perdus
Informations
Acte
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 21236 (transscript-453), http://telma.irht.cnrs.fr/chartes/transscript/notice/21236 (mise à jour : 19/11/2018).