Général
-
Thiébaut(2), duc de Lorraine et marquis
-
abbaye de Flabémont
-
Thiébaut(2), duc de Lorraine et marquis
-
-
FRANCE, Épinal, Archives départementales des Vosges, XVIII H 26
-
Vidimus sur parchemin, jadis scellé sur double queue
-
français
-
non suspecté
-
Lettre
-
Vidimus
-
Thiébaut (2) fait savoir qu'il donne à l'abbaye de Flabémont le droit d'usage dans les bois de sa châtellenie de Darney pour leurs maisons de Haudonville (cne Suriauville), Ovilet et Bétanrupt, pour la construction de maisons, fours, moulins, etc.
-
01. Saichent tuit que l'an de grace mil trois cens et euct ans, lou mardi apprez feste Sainct Valentin en
02. mois de favrier, pour ceu comparans freires Andreuz procureires si com disoit de Flabuemont aporta et
03. mostra unes lettres saines et entieres en seiel et en lettres, non paz cansellees ne affautiez ne malmises en
04. tout ne en partie, seiellees dou grant seiel a tres haut prince noble et possant nostre tres chier signour
05. Thiebaut par la grace de Deu duc et marchis de Lorrengne, deiz quelz la tenors estoit telz. Nous Thiebaus par
06. la grace de Deu dux de Lorregne et marchis fasons cognossant a touz que nous donons, ottroions, avons
07. donei et outtroiei a touz jours perpetuelment a l'eglise de Flabremont de l'ordre de Premostrei de la diocese de
08. Toul, a l'abbei et a covent de celle maisme eglise et auz freires pleine usage et franc en touz nous boix de la cha-
09. -stelerie, de la justice et de la signorie de Darnei pour lour masons, c'est a savoir Hadonville, Auvillers et Botein-
10. -rui pour marrener masons, fours, molins, pour chiers, charroites et charres et pour touz autres edefiz necces-
11. -saires auz dictes masons et auz apartanences deiz dictes masons qui sunt de nostre garde, si com li dit abbés et covens
12. l'ont recogneu, et volons et outroions pour nous et pour nous successors signours de Darnei que deiz lau jour
13. de la confection de ceiz presentes lettres que li dit freire de la dicte eglise de Flabuemont ou cil qui pour aulz
14. seroient enz dictes masons et auz appartinences de nostre garde usoient et facent user pasiblement enz nos
15. diz boix senz contredit de nous et de nous successors et de nos gens en la maniere dessuz dicte, sauf ceu
16. qu'il lou doient noncier auz forestiers deiz diz bois. Et cest don et cest [...] avons nous fait de bone voluntei
17. et de certene science et en descharjant nostre arme et leiz armes de nous ancessors signours de Darnei
18. par la tenour d'unes lettres que nos avons veues, oies et leues que li dessuz dis abbés et covens avoient d'Aubert
19. signour de Darnei qui fuit. Leiz quelles estoient seiellees dou seiel a reverent peire Pierre par la grace
20. de Deu jadiz evesque de Toul. Et pour ceu que soit ferme choze et estauble nos avons mis nostre [seiel]
21. enz ceiz presentes lettres, que furent faites l'an de grace mil trois cens et euct ou mois de favrier. Et li seiel de
22. la court de Murecourt est mis en cest present transcrit, sauf lou droit mon signour lou duc et l'autrui. En tesmoin-
23. -gnage de ceu que la dictes lettres sunt estees veus et leues mot a mot en la ducte court lou mardi aprez la (feste]
24. Sainct Valentin en l'an et on mois dessuz diz. -
"Abbaye de Flabemont", XVIIIe s. ; «Darney 1305", XVIe-XVIIIe s. ; "Droit d'usage dans tous les bois / de Darney donné a Flabemont / pour leurs maisons d'Eauvillers, / d'Hadonville et de Bertinruz / par Thibaud 2 duc de Lorraine / en fevrier 1305 », XVIe s.
-
A.-M. MARIONNET, Catalogue des actes de Thiébaut II, duc de Lorraine (1303-1312), (diplôme d'études supérieures de la faculté des lettres de Nancy) Nancy [1947], n° 127
-
Denis Remy ; Mathias Bouyer
Sigillographie
-
non
Informations
Acte
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 144333 (transscript-1002), http://telma.irht.cnrs.fr/chartes/transscript/notice/144333 (mise à jour : 25/02/2019).