Général
-
Raoul, duc de Lorraine et marquis
-
Collégiale Saint-Georges de Nancy
-
Raoul, duc de Lorraine et marquis
-
-
FRANCE, Nancy, Bibliothèque municipale, ms. 605, p. 59-60
-
Copie dans cartulaire (XIVe s.)
-
français
-
non suspecté
-
Lettre
-
Cartulaire
-
Raoul fait savoir qu'il donne à la collégiale Saint-Georges de Nancy, pour faire la résidence d’un chanoine, une maison sise près la porte Saint-Nicolas à Nancy, appartenant jadis à maître Jean le Maréchal, s’en réservant la collation ainsi qu’à ses successeurs ; stipulant en outre que le chanoine usufruitier devra, aux premières vêpres du service fait pour le duc en son vivant et après sa mort aux vigiles de son anniversaire, distribuer aux autres chanoines un gros tournois d’argent, au prévôt deux gros et à chaque demi-chanoine un demi-gros ; confirmant et amortissant par ailleurs l’achat fait à Nancy de deux maisons et à Maxéville de la moitié d’un pré et le don fait à la collégiale par Warnier de Nancy, prêtre, de deux maisons sises à Nancy.
-
01. Nous Raoulz dus de Loherenne et marchis
02. faisons savoir et cognissant a
03. tous qui ces presentes lettres vorront et orront que nous pensei et considerei au salut de nostre
04. ame avons donnei et ottroiier, donnons et ottroions par ces presentes lettres pour nous et pour nos
05. hoirs a tous jours maix pour Deu et en almone purement par donation faite entre les vis
06. sens rappelleir, au prevost et as channoines de nostre chapelle que nous avons fondee en nostre hostel
07. de Nancey en l'onour de monsignour sainct George le martir, une maison que nous aviens a Nancey
08. que fuit maistre Jehan lou Mareschaut, seant a la porte Sainct Nicholay avec les usuaires et
09. appendises d'ycelle, pour aulz et pour lors successours et pour nostre dite chapelle pour tenir et
10. possideir par l'un des channoines de nostre dite chapelle, au quel que nous ou nos hoir duc de Loherenne
11. la vorront doneir. Et ceste donation avons nous reservee pour nous et pour nos hoirs dus
12. de Loherenne a tous jours, par teille maniere que toutes fois que li cais y eschoirait et que la dite mai-
13. -son vaquerait, nous ou nos hoir duc de Loherenne la poons et devons donneir au quel qu'il nous
14. plarait des diz channoines a sa vie ou a annees si com il nous plarait et apres lou decet de
15. celui a un aultre des diz channoines et ensis en devons nous ou nos hoir useir a tous jours
16. quant elle vaquerait, et ne la poons retenir ne donneir a aultre qui ne soit channoines de
17. nostre dite chapelle ou demei chennoines. Et avons ordenei et ordenons que cilz des channoines
18. ou demei channoines qui la dite maison tanrait paierait et distribuerait chascun an tant
19. com il tanrait le dite maison a chascun des diz channoines de nostre dite chapelle qui present serait
20. auz premieres vespreiz quant on ferait le service pour nous nostre vie durant et apres nostre decet
21. auz vigiles qu'on chanteront le soir devant c'on ferait nostre anniversaire, un grois tournois d'ar-
22. -gent ou la value, au prevost de nostre dite chapelle dous grois, et a chascun demei channoine
23. demei grois. Encor est assavoir que teil marchandie et teil acquest com li dit prevois et
24. channoine ont fait pour aulz, pour lour successours et pour lor dite chapelle a Jennin fil
25. Gillet de Nancey, si com de dous maisons seans a Nancey, dont li une siet apres la maison
26. lou Roucelet lou bourcier et li aultre devant la maison que fuit Jennin d'Escey que est lou
27. dit Jennin et de la moitié d'un prey qui parte a nous seant desous Marcheville ensi
28. com il appert par les lettres de la marchandie saiellees dou seel de nostre tabellion de Nancey.
29. Et ensi teil don com com li sires Warniers de Nancey prestes ait fait auz diz prevost et channoi-
30. -nes de nostre dite chapelle a touz jours de dous maisons qu'il avoit a Nancey si com il
31. est contenus ez lettres qu'il ont de la dite donation saiellees de nostre tabellion de Nancey, nous
32. les diz acqués et donations dessus diz en tant com a nous en puet et doit appartenir com a signour
33. soverain, nous pour nous, pour nos hoirs et pour nos successours lowons, aggreons[ f°60 ]
34. ratifions et confermons et amortissons com sires temporelz et volons que li dit prevois
35. et channoine tengnent et puissent tenir tous les heritaiges devant diz de teille con-
36. -dition com les heritaiges de la principaul fondation de nostre dite chapelle sens riens re-
37. -tenir pour nous ne pour nos hoirs for que la warde tant soulement. Et avons
38. ausis quicter especialment teilz crowees et droitures com li preiz dessus diz nous de-
39. -voit et pooit devoir. Et avons promis et promettons comme loyaulz princes et chevaliers
40. pour nous et pour nos hoirs que jamaix enz choses dessus dites riens ne reclamerons
41. ne empeichement metterons ne mettre ferons maix en laixerons joir les diz prevost
42. et channoines et lors successours a touz jours maix. En tesmoingnaige de veritei et pour ceu que
43. ferme chose soit et estauble avons nous fait mettre nostre grant seel pendant en ces
44. presentes lettres, que furent faites l'an de grace Nostre Signour mil trois cens trente et nuef
45. lou douze jour de janvier. -
Lettre de la maison de la prevosteil que doit un grois a / chascun chanoine qu'est prins a l'anniversaire nostre fondour et / confirmation des acquas fais a Jennin Gilet escuier.
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 189
-
Denis Remy ; Mathias Bouyer
Sigillographie
-
non
Informations
Acte
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145522 (transscript-1080), http://telma.irht.cnrs.fr/chartes/transscript/notice/145522 (mise à jour : 23/05/2019).