Général
-
Raoul, duc de Lorraine et marquis
-
Chapitre collégial de Saint-Dié
-
Raoul, duc de Lorraine et marquis
-
-
FRANCE, Épinal, Archives départementales des Vosges, G 250, n° 12
-
Original sur parchemin, scellé sur double queue de parchemin
-
français
-
non suspecté
-
Lettre
-
Original
-
Raoul fait savoir que s’étant accordé avec le chapitre de Saint-Dié des différends qu’ils avait eus, reconnaît ne pouvoir placer sous sa garde les maisons des chanoines et s’engage à leur payer, en dédommagement du bétail capturé et d’autres dommages, 1200 livres petits tournois noirs qui leur seront payées en douze ans sur la saline de Rosières-aux-Salines.
-
01. Nous Raoulz dus de Loherenne et marchis faisons savoir a tous que comme nous heussiens plusours
02. descors au prevost, doien et chapistre de Saint Dyé suis ceu que nous per nous ou per nos gens si comme il disoient
03. avions pris ou fait panre plusours bestes grosses et autres chozes plusours en lor terre, et des homes de lai dite
04. englise tornees on profit de nostre duchief, et sus ceu que nous aviens mis gardes ens maisons des channoines,
05. vicaires, chapellains, clers et homes de lai dite englise, et sus plusours aultres injures, molestés, violences et
06. damaiges fais et faites per nous ou per nos gens auz dis prevost, doien, channoines, vicaires, chapelleins, clers
07. et homes en lors personnes et en lors biens si comme il disoient, nous apres plusours traitiers et deliberations de ceu
08. ehues avons recognui et recognissons per ces presentes lettres que nous ne poons ne devons per raison metre
09. wardes enz maisons des dis prevost, doien, chanoines, vicaires, chapellains, clers et homes. Apres nous recognissons
10. nous pour cause des bestes prises et des aultres damaiges, violences et injures faites per nous ou per nos gens
11. estre tenus auz dis prevost, doien et channoines en lai somme de douze cens livres de petis tournois, un florin a l'escul
12. valissant vint soulz de lai dite monoie ou aultre monoie, an semblant a paier a ces douze ans prochiennement venans,
13. chascun an cent livres auz termes si dessous nommeis. Et ces douze cens livres lor avons nous assignei et assignons
14. sus nos sallines de Rosieres, les queilles nous lor obligons per ces presentes lettres pour lai dite somme leveir et avoir.
15. Et pour plus grant seurtei a avoir nous avons promis et prometons que nous ferons nos gens qui au mentenant
16. governent et tiennent nos dites sallines obligier auz dis prevost, doien et channoines per lettres de recognissance
17. si bones et si fors com il les pourront faire sus peinne d'escomeniement et per pleges soffisans de paier chascun an
18. cent livres pour le temps qu'il tanront les dites sallines. Li queilz pleges s'obligeront aussi per lettres de recognissance
19. et sus peinne d'escomeniement et sus l'obligation de lors biens. Et seront paiees les dites cent livres premieres entre
20. lai feste Saint Remey et lai feste Saint Martin prochienne venans et les autres ensuiaument chascun an en semblant
21. termine en jusques a plain paiement des dites douze cens livres. Et toutes fois que nous meterons novelz go-
22. -vernours en nos dites sallines, nous les ferons obligier per lettres de recognissance et per pleges en lai maniere
23. et en lai forme que dessus est dit ansois que il officient ne governient. Et si il avenoit que nous tenissiens les
24. dites sallines en nostre main nous feriens semblamment obligier celui ou ceaulz qui pour nous governeroit ou governe-
25. -roient. Et on ques ou li dit governour ou lors pleges se laixerient excommier et ne feroient satiffaction, nous
26. feriens conduire les dis prevost, doien et channoines ou lor comandement a lors biens et lor soingneriens force jusque
27. a tant qu'il averient plain paiement de ceu que deffauroit. Et ne danriens nulles lettres ne comandement par nulle
28. aultre personne ne ne ferons choze per quoi li dis paiemens soient empachiés ne retardeis. Et toutes ces chozes
29. dessus dites avons nous promis et prometons a tenir et ai faire tenir fermes et estaubles en nostre bone foi et en nostre loi-
30. -aulteil et en obligons nous et nos hoirs et tous nos biens. Et volons et consentons que per choze que ait estee
31. faite on temps pessei des dis descors contre lai dite englise ne pourtoit prejudice a lai dite englise ne au privilai-
32. -ges d'ycelle maix volons qu'il soient de valour en tous lors poins ensi com de devant. En tesmoignaige de
33. veritei et pour ceu que toutes les chozes dessus dites soient fermes et estaubles avons nous fait mestre nostre grant
34. saiel pendant en ces presentes lettres, que furent faites l'an de graice Nostre Signour mil trois cens quarante et
35. un le mardi vigille de lai feste de l'Assumption lai Virge Marie on mois d'awost. -
: «Saint Dyé de XIIC livres», XIVe s.
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 253
-
[Vidimus] FRANCE, Épinal, Archives départementales des Vosges, G 250, n° 11 (1341)
-
[Copie] FRANCE, Épinal, Archives départementales des Vosges, G 250, n° 10 (XIVe s.)
-
[Copie] FRANCE, Paris, Bibliothèque nationale de France, Provinces françaises, Collection de Lorraine, vol. 391, n° 7
-
Denis Remy ; Mathias Bouyer
Sigillographie
-
oui
Informations
Acte
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145521 (transscript-1079), http://telma.irht.cnrs.fr/chartes/transscript/notice/145521 (mise à jour : 22/05/2019).