DE QUIBUS ALIQUIS DECIMAS HACTENUS NON ACCEPIT PRIVILEGIUM.
Innocentius, episcopus, servus servorum Dei, dilectis filiis abbati et conventui monasterii beate Marie Ursicampi, Cysterciensis ordinis, Noviomensis dyocesis, salutem et apostolicam benedictionem. Justis petentium desideriis dignum est nos facilem prebere concensum et vota que a rationis tramite non discordant effectum persequente complere. Eapropter, dilecti in Domino filii, vestris justis precibus inclinati auctoritate vobis presentium indulgemus ut in parochiis illis in quibus vobis veteres decime sunt concesse, novalium quoque de quibus aliquis hactenus non percepit, pro portione quam veteres vos contingunt percipere valeatis. Ulli ergo..... Datum Laterani, idus marcii, pontificatus nostri, anno primo.
PEIGNE-DELACOURT, Cartulaire de l'abbaye de Notre-Dame d'Ourscamp, de l'ordre de Cîteaux, fondée en 1129 au diocèse de Noyon, Amiens, 1865 (Mémoires de la société des antiquaires de Picardie. Documents inédits concernant la province, 6), n° 498, p. 308