Don d'une commune aux hommes de Crécy suivant les droits et coutumes de la commune d'Abbeville.
Quoniam jam labilis est humana memoria et ea que litteris annotantur cicius ad memoriam revocantur, ego Willelmus Talvas, comes Pontivi, tam presentibus quam futuris notum facio quod, de assensu Guidonis, patrui mei, et Ingerranni, senescalli mei, et consilio hominum meorum, concessi hominibus de Cresciaco communiam habendam et tanquam fidelibus meis in perpetuum contra omnes homines tenendam, secundum jura et consuetudines communie Abbatisville, salvo jure Sancte Ecclesie, et meo, et heredum meorum, et baronum meorum. Statutum est itaque... La suite est empruntée à la charte d'Abbeville jusqu'à: Item, homines de Machi et de Machiel idem burgenses de Cresciaco in suam communiam recipere non poterunt, nisi hoc fiat de mea voluntate, licet autem eis omnes alios in suam communiam recipere. Sciendum est autem quod si aliquis de communia capitalem domum facere voluerit, tres quadrigatas virgarum nec amplius habebit, et minus secundum hoc quod quantitas domus fuerit, et si ad viam faciendam quando virgas suas adduxerit aliquam arborem scindere oportuerit, vel ad quadrigatam virgarum, pena ei non imputabitur, ynmo tutus, liber et quietus pro facto tali dimictetur. Si in quadrigata virgarum aliqua arbor inventa fuerit, pro qua in causam tractus sit, per jusjurandum suum liber et quietus erit. Item, burgenses de Cresciaco pascua ad opus suum ubicumque de jure debent habere libere et quiete habebunt. Emprunté à la charte d'Abbeville, ch. 30 et 31. Emprunté à la charte d'Abbeville. Concessi etiam eisdem burgensibus banlivam quietam et liberam habendam usque ad arborem de Mara, erga Orream Cresciaci, usque ad arborem de Dions, usque ad croket de Faiel, usque ad domum Thome de Castello, usque ad Molendinum Medium, ita quidem quod infra hos terminos nulla poterit fieri municio. [Ad]hec, si forte inter me et dictos burgenses meos querela emerserit que per hoc scriptum nequeat terminari, per communiam Abbatisville terminata fuerit. Et sciendum est quod extra communiam pono liberum et quietum Johannem hostiarium, et Petrum falconarium, et Dodelinum cimentarium, et Robertum ballulium, et Radulfum Hardiellum, et Borgnet, et Odam, matrem meam. Item, sciendum est quod in unoquoque predictorum capitulorum jus meum salvum debet esse et integre conservari. Ut autem hec omnia firma et illibata permaneant, sub religione ju[ri]sjurandi ego et burgenses nos promisimus ad invicem observaturos, et ad majorem confirmationem, scriptum hoc ymagine sigilli mei munivi. Factum est autem in publica audiencia cleri, baronum et burgencium, et apud Cresciacum confirmatum, quarto nonas junii, anno millesimo nonagesimo quarto dominice incarnationis. Testes sunt: Guido, patruus meus; Ingerrannus, senescallus meus; Henricus de Calido Monte; Walterus de Bonella; Guido de Touflait; Landricus de Novion; Johannes Gallus; Landricus de Monciaus; Silvester, capellanus meus; Ernulphus Moriaus, tunc temporis major Cresciaci. Tota eciam villa de Cresciaco est testis, quia factum est in communi audiencia tocius ville. Datum per manum Ingerrani, mei notarii.
BRUNEL (Clovis), Recueil des actes des comtes de Pontieu (1026-1279), Paris, 1930, n° 131, p. 198-200