Wautier Le Comte, chanoine de la cathédrale d'Arras, fait à cette église diverses donations.
Ego Walterus Comes, canonicus Atrebatensis ecclesie, decimam quam a Martino de Aesta in pignus teneo pro decem et octo marcis communis solutionis, que valet singulis annis circiter quatuordecim mencoldos annone, cujus due partes sunt frumenti, tercia avene, concedo et assigno post decessum meum ad faciendum mandatum.
Preterea medietatem decime de Pumiers, quam ab Eustachio milite in pignus teneo pro quadraginta et una marcis et dimidia communis solutionis que valet duos modios annone, cujus due partes sunt frumenti, tercia avene, dedi et concessi ecclesie Atrebatensi ; ita quod ecclesia solvat Ade et Christiano nutricis meis, quamdiu vixerint, viginti quatuor mencoldos ejusdem…
Item decimam et ortos quos a Pagano de Avennes in pignus teneo pro viginti marcis communis solutionis, que cum ortis valere solet singulis annis viginti quinque mencoldos, cujus due partes sunt frumenti et tercia avene, dedi et concessi ecclesie Atrebatensi ad faciendum obitum meum et meorum in hunc modum : in obitu meo sex mencoldi annone ; in obitu Gerardi de Mescines, canonici et diaconi, quatuor mencoldi ; in obitu Henrici Louchart et matertere mee Sarre, duo mencoldi ; in obitu patris mei et matris mee, Radulfi et Marie, quatuor mencoldi ; in commemoratione parentum meorum, que fiat nono kalendas Maii, quatuor mencoldi distribuantur. Totum residuum capitulo remaneat.
Preterea partem decime de Balli in qua posui viginti marcas communis solutionis, que valere solet singulis annis vinginti mencoldos, cujus due partes esse solent frumenti, tercia avene, dedi et concessi similiter ecclesie Atrebatensi…
Actum anno Dominice Incarnationis millesimo ducentesimo. secundo. mense Octobri.
LOISNE (Auguste de), Le cartulaire du chapitre d'Arras, Paris, 1896, n° 98, p. 67-68