Willermus, seigneur de Marigny, a accensé à l'abbaye de Cîteaux la terre située à Li Faex.
Ego Willermus dominus Marigne notum facio tam presentibus quam futuris quod pro me et comparticipibus meis videlicet Guidone Garoz et Guidone de Lonvi ascensivi domui Cistercii sub annuo censu centum solidorum Divionensium terciam partem territorii quod dicitur Li Faex iure perpetuo possidendam excepta terra illa quam Haymo pater meus ascensiverat priori de Gilleio sicuti divisa est. Quod videlicet territorium incipit ex parte una a rivulo qui dicitur Chardenez qui egreditur de quodam parvo nemore quod dicitur Vichez et est iuxta Arbueriam qui rivulus descendit in torrentem qui dicitur Aneet qui est terminus territorii de Esparnai et de Savoogis et de Corcellis et territorii huius. Ex parte Britenni incipit a chimino et tendit per viam que dicitur Fesches ad mediam marciam que dicitur Marcia fratris Herberti et inde protenditur ad quandam fossam que dividit terram prioris de Gilleio et territorium istud et a fossa illa tendit per aliam marciam que est in medio agrorum ad quandam quercum curvam que est iuxta viam que tendit a Villabichet versus Gemigne. Ex altera parte est terminus eadem via a prefata quercu curva usque ad mediam marciam que est iuxta haiam de Villabichet et tendit per ipsam mediam marciam et per iuxta pirum que est in medio agrorum ad rivulum qui incipit subtus ipsam pirum et descendit in torrentem qui currit in Voogiam et dividit territorium istud et territorium de Villabichet. Ex parte Cistercii est terminus via de Villabichet ad Forgiam. Habui autem pro intragio huius terre a Cisterciensibus trecentas libras Proviniensium et uxor mea Margarita que hoc ipsum laudavit habuit quadraginta oves cum agnis et duas sues. Supradictus vero census reddetur in marcio mihi vel uxori mee et comparticipibus meis. Et sciendum quod nec ego nec successores mei nec comparticipes mei nec successores eorum poterimus censum istud dare in elemosinam nisi Cisterciensibus nec vendere nec invadiare nec concambire nec aliquo modo a nobis alienare nisi Cisterciensibus si tamen a nobis premoniti Cistercienses sibi voluerint retinere. Teneor autem terram illam domui Cisterciensi contra omnes homines garentire. Harum quidem omnium conventionum fideiussores et fideles responsores ad petitionem meam et comparticipum meorum domui Cisterciensi se et suos successores dominus Odo dux Burgundie constituit hoc modo quod si ego vel successores mei vel comparticipes mei aut successores eorum has conventiones non tenuerimus vel aliquo modo violare temptaverimus dominus dux et successores sui facient nos et successores nostros tenere et firmiter observare. Hec omnia laudavit predicta Margarita uxor mea et Guido Garoz qui quartam habuit in predicta terra partem et uxor eius Maria et Rainaldus et Odo et Stephanus filii eius et Ysabel filia eius hoc laudaverunt coram his testibus : Humberto priore Buxerie, Nicholao grangiario Cistercii, Guidone presbitero de Marigne, Hamone Laffree et Guidone Taillefer, Huone et Johanne filiis Guidonis Albi. Hoc laudavit Adelina filia Guidonis Garoz coram his testibus : Guidone de Duabus Piris, Nicholao grangiario, monachis Cistercii, Cristiano magistro pastorum converso Cistercii, Dodone Albo et Willermo filio eius, Bartholomeo de Charmei et Willermo fratre eius, Huone Albo, Guidone capellano de Marigne. Hoc laudavit Guido de Lonvi qui quartam partem habebat in predicta terra et Guido Crassus de Vergeio de cuius casamento Guido de Lonvi terram illam tenebat coram his testibus : Pontio cellerario Cistercii, Guidone de Duabus Piris monacho, Hugone decano Vergeii, Nicholao canonico Vergeii, Humberto Grosso, Petro preposito Vergeii. Hoc laudavit Hugo clericus frater meus coram his testibus : domino Galterio Eduensi episcopo, donno Guidone abbate Cistercii, Nicholao grangiario Cistercii, Hugone de Beligne archipresbitero Vergeii, Johanne archipresbitero de Alere. Hoc laudavit Haymo frater meus coram his testibus : Thoma monacho et Benedicto converso Cistercii, Gyrardo Coco, Rainaldo filio eius et Mauricio de Marigne. Hoc laudavit Odo frater meus coram his testibus : Thoma monacho et Benedicto converso Cistercii, Hugone suppriore Buxerie, Pontio filio domini Hugonis de Monte Sancti Johannis, Haymone Laffree. Hoc laudavit Stephanus frater meus et Julia soror mea coram his testibus : Thoma monacho et Benedicto converso Cistercii, Hugone suppriore Buxerie, Reinerio domino Solce, Haymone Laffree, Henrico de Castellione. Ut autem iste conventiones et laudationes firme et inconcusse cunctis in posterum diebus permaneant presentem cartam ipsas conventiones et laudationes prout geste sunt continentem sigilli mei impressione munivi et confirmavi. Huius rei testes sunt : Nicholaus prior Cistercii, Pontius cellerarius et Audo socius eius, Nicholaus grangiarius et Henricus de Aceas, monachi Cistercii, Garnerius mercator, Dominicus pellitarius, conversi Cistercii, Dodo Albus et Huo nepos eius, Guido Taillefer, Willermus Maltalent, Haymo Laffrae, Gyrardus prepositus de Marigne. Actum est hoc anno Incarnationis Dominice millesimo centesimo nonagesimo septimo.
Acte inédit. Transcription : Coraline REY.
original
A. Original, Dijon, AD Côte-d'Or, 11 H 1129. — B. Copie XIIIe siècle, Dijon, AD Côte-d'Or, cartulaire 169, f. 66v-67r, n° 3. — C. Copie XIIIe siècle, Dijon, AD Côte-d'Or, cartulaire 168, f. 73r-74r, n° 3.
on
L'analyse du XIIIe siècle est illisible.
Voir les autres actes de la même liasse.