DONATION PAR INGOARA, FEMME CONSACRÉE A DIEU, AU MONASTÈRE DE SAINT-PIERRE-LE-VIF DE SENS.
Ingoara, sœur de saint Ebbo, évêque de Sens, fait don de ses biens situés à Fontenay, au pagus de Tonnerre, et d’autres possessions au pagus de Lassois. Chrodolinus était abbé de Saint-Pierre-le-Vif.
In nomine Patris et Filii et Spiritus-Sancti. Dum omne donum desursum descendens lumen a patre esse potest; quia oportet unicuique pro æternam salutem tractare, et de caduca hujus sæculi facultate æternam sibi præparare, ut cum dies extrema advenerit, non inveniat unumquemque imparatum, sed diligenter de bonis operibus præcinctum, quia Dominus Jesus-Christus ac redemptor omnium per sanctum evangelium clara voce intonat dicens: Thesaurizate vobis thesaurum in cœlis, ubi nec fures veniunt, nec furantur. Facite vobis sacculum de mammona iniquitatis, quod non veterascit; et alio loco, quo das parum, et comparas regnum: tribuis parvam pecuniam, et accipis sine fine mansura. Idcirco quia omnis homo Dei consilio ducitur, rectum videtur, ut ipsis in omnibus et per omnium suum adimpleatur præceptum. Sic ego inlustris Deo sacrata Ingoara, sana mente salubre consilium cogitans æternam retributionem, vel pro peccaminibus meis minuendis seu et pro animæ meæ remedio adtraxit mihi apostolica vel evangelica depotatio, ut aliquid de rebus propriis meis monasterio Sancto-Petro, qui est constructus sub opidum civitate Senonum, ubi venerabilis Chrodolinus abba vel monachi ibi consistentes præesse videntur, ut ibidem illis deservientibus loco condonare deberem. Quod et ita per hanc cartulam donationis a die præsenti dono donatumque in perpetuum esse decerno, hoc est portionem meam in villa quæ dicitur Fontanas, sitam in pago Tornodrinse, quidquid mihi tam de paterno quam et de materno prodiit, una cum adjacentias et appenditias ad ipsas Fontanas pertinentes; seu et in pago Ladscense, Pauliaco et Bagnolo, et reliqua locella quæ ad ipsam villam Fontanas aspicere videntur, tam terris, domibus, ædificiis, libertates, opera acolanorum, vineis, silvis, campis, pratis, pascuis, cultis et incultis, aquis aquarumve decursibus, omnium præsidium et omne genus peculium utriusque generis sexus, quod dici aut nominari potest, seu et inantea augere vel meliorare potuero, ipso monasterio perennis temporibus ibidem proficiat in augmentis. Si quis vero aut ego ipsa, aut aliqui ex hæredibus meis, aut qualiter ulla obposita persona adversus præsentem donationem, quam ego plenissima voluntate mea fieri et firmare rogavi, quolibet ingenio venire aut infringere conatus fuerit, in primis in iram æternæ Trinitatis incurrat, et a liminibus sanctorum vel bonorum hominum christianorum vel ipsius sancti loci extraneus excommunicatus permaneat: et insuper inferat partibus ipsius monasterii una cum fisco auri libras duas, argenti pondo quinque esse multandum. Præsens quippe donatio omni tempore firma stabilisque maneat persistendo, stipulatione subnexa. Actum Senones. INGOARA donationem hanc a me factam sciatis. In Dei nomine EBBO peccator episcopus subscripsi. GAUDEGENGUS archidiaconus sub. FILEX lector. LEODECHINUS. Boso indignus peccator abba. AUSTRAPIUS lector. LEOTARIUS peccator abba. AGOBALDUS. ERMENALDUS. Ego ERMENBERTUS, rogante Deo sacratæ Ingoaranæ, hanc donationem scripsi et pernotavi sub die XII kal. novemb., anno primo regni domini nostri Dagoberti regis.
QUANTIN (Maximilien), Cartulaire général de l'Yonne, Recueil de documents authentiques pour servir à l'histoire des pays qui forment ce département, publié par la Société des sciences historiques et naturelles de l'Yonne, Auxerre, Perriquet, 1854-1860, tome 1, p. , n° IX.