CHARTA QUA JOZFREDUS DE SALA DAT MONASTERIO CLUNIACENSI MANSUM IN VILLA BERISIM.
Jozfredus de Sala, avec le consentement de son fils Vuichardus, donne à l'abbaye de Cluny des terres situées dans la villa Berisim.
Quia diu hic nobis non est manendum, oportet res nostras quo mansuri sumus vigilanti studio premittere. Unde ego Jozfredus de Sala, peccatorum pondera meorum cognoscens, atque extremi juditii diem pertimescens, penasque inextinguibilis ignis evadere volens, cum voluntate et assensu filii mei Vuichardi filiæque meæ, talem terram qualem visus sum habere, et talem mansum in villa Berisim, et omnia quæ ad eundem videntur mansum pertinere, dono Domino Deo et sanctis ejus apostolis Petro et Paulo, et ad monasterium Cluniacum, in honore eorum consecratum, cui venerabilis abbas domnus Hugo videtur preesse pariter ac prodesse, pro æternæ vitæ desiderio, et pro animarum parentum meorum salute, et propter hoc specialiter ut Deus mihi indulgeat, si eum predam et rapinam faciendo de possessionibus ejusdem monasterii in aliquo offendi. Si quis autem forte, quod minime credo futurum, de parentibus meis hanc destruere donationem voluerit, fiat, nisi resipuerit, anathema; et ut firmum et stabile permaneat per evum propria designavi manu, testibusque tradidi roborandam, quorum nomina sunt hæc: Vuichardus de Marsi, Durannus de Sancto Nicetio, Gosfredus de Colunges.
BERNARD A., BRUEL A., Recueil des chartes de l'abbaye de Cluny. Tome 4 : 1027-1090, Paris, Imprimerie nationale, 1888, p. 299-300, n° 3135 (Collection de documents inédits sur l'histoire de France. Première série, Histoire politique).
cartulaire
Paris, BNF, n.a. lat. 1498, cartulaire B, chartes de l'abbé Hugues, p. 295, CCXCVI.
4825
Numéro CBMA : 4556
La seule indication de date que comporte cet acte est l'abbatiat d'Hugues Ier de Semur [1049-1109] ; cf. Bernard et Bruel, t. 4, p. 192, n. 1.