Saint-Guilhem-le-Désert (abbaye Saint-Sauveur de Gellone)
circa 1070
Lodève
charte
non suspecté
DONATIO ALODIS MANSI UNIUS, IN VILLA «VOLPILACO», IN VICARIA AGONENSI, A BERNARDO ET UXORE ADALAIZ FACTA
Ego, in Dei nomen, Bernardus et uxor mea Adalaiz, donamus Sancto Salvatori, Sancte Cruci Sanctoque Wilelmo, aliquid de alode nostro que est in comitatu Substantionense, in vigaria Agonensi, in villa quam vocant Volpilaco, mansum unum que appellatur Cumbas, ubi Petrus visus est manere, ipsum mansum cum omnes adjacentias suas, tam inquistum quam inquirendum, tam divisum quam ad dividendum, cum cultis et incultis, cum pascuis, silvis, egressus et ingressus, cum omnem censum quem habet vel inveniri potest et usum et exaxa, abbati et monachis in monasterio Gellonensi Deo militantibus, pro remedio animarum nostrarum et indulgentia nostrorum peccaminum; quod si aliquis, aut nos ipsi donatores, aut ullus homo, seu qualiscumque persona, sive abbas, monachus, clericus laicusve, abstrahere vel auferre voluerit, de communia Sancti Salvatoris Gellonensis, Sancteque Crucis, Sanctique Wilelmi, monachorumque habitantium in cenobio supra nominati Gellonis, sit maledictus et excommunicatus ex parte Domini et Sancte Crucis Sancteque Marie et Sancti Michaelis Archangeli atque Sancti Petri apostolorum principis et omnibus sanctis, omnibusque maledictionibus Novi et Veteris Testamenti sit datus, omnique bono sit privatus.
Facta scriptura carte hujus donationis, feria quarta, regnante Domino nostro Jesu Christo.
S. Bernardi. — S. Adalaiz et filie sue Vuerne, qui hanc cartam scribere jussit, manuque propria firmavit, firmarique testes rogavit.
S. Poncii. — S. Almeradi. — S. Gualterii de Rocheta. — S. Radulfi de Salzeto. — S. Petri Poncii. — S. Petri Stephani.
ALAUS (P.), CASSAN (abbé), MEYNIAL (E.), Cartulaires des abbayes d'Aniane et de Gellone, Montpellier, 1898, p. 62-63, n° 69