Saint-Guilhem-le-Désert (abbaye Saint-Sauveur de Gellone)
circa 1070/09/15
Lodève
charte
non suspecté
DONATIO MANSI UNIUS DE «MORARIO», IN TERMINIO DE POIO ROTHMARE, IN VALLE TIVA, QUAM VOCANT BOIAM, AB INGILRADA FACTA
Ego, in Dei nomine, Ingilrada femina, que alio nomine Aurucia vocitor, dono Sancto Salvatori Gellonensis, Sancte Cruci Sanctoque Wilelmo, ex totis viribus et propria voluntate, aliquid de alode meo que michi advenit ex genitore meo, scilicet mansum unum, et est ipse mansus in comitatu Substantionense, in vigaria Agonense, in valle Tiva, que vocant Boiam, in terminium de Poio Rothmare, et vocant ipsum mansum de Morario, totum ab integro cum omnes adjacentias suas, propter amorem Dei et propter remedium anime mee, ut Deus omnipotens mei misereatur, parcatque et indulgeat peccatis meis atque in eterna beatitudine me collocet.
Facta carta vel donatio ista, septimo decimo kalendas octobris.
S. Ingilrade, que vocatur Aurucia, que istam cartam hujus donationis fieri jussit, manuque propria firmavit, firmarique testibus rogavit.
S. Wilelmi. — S. Berengarii. — S. Petroni. — S. Petri. — S. Wilelmi. — S. Ingileni.
ALAUS (P.), CASSAN (abbé), MEYNIAL (E.), Cartulaires des abbayes d'Aniane et de Gellone, Montpellier, 1898, p. 61, n° 67