Saint-Guilhem-le-Désert (abbaye Saint-Sauveur de Gellone)
après 1051/02/19 - avant 1300
dimanche
Lodève
notice
non suspecté
NOTICIA GUIRPITIONIS SIVE DIFINITIONIS VEL SECURITATIS GERALDI ARNALDI, LUPI FRATRIS ET DOMINICÆ SORORIS, CUM OMNI SUBSTANTIA ILLORUM, A PONCIO ET UXORE SUA ALDIARDI ET FILIIS, RESERVATO CONSENSU PUERI MODICI GAUCELMI, FACTA
Noticia guirpitionis sive difinitionis vel securitatis que fecit Poncius et uxor sua Aldiardis, et filii sui Bernardus, Raimundus, Petrus, Deusde, cum convenientia tali, ut dum ille puer modicus qui vocatur Gaucelmus creverit, ipsi faciat firmare et si amplius jam habere ullum poterit infantem, similiter illi firmare faciat, Domino Deo, Sancto Salvatori Gellonensi et Sancto ligno Crucis atque Sancto Wilelmo hanc donationem et definitionem sive guirpitionem quam facimus sanctis supra scriptis et abbati Petro atque cuncte congregationi Gellonensi presenti et future, id est Geraldum Arnaldum et fratrem suum Lupum et sororem eorum Dominicam, cum omnem substantiam illorum quam habent vel habere videntur, sine ullo enganno, in presentia Raimundi Poncii, Berengerii Matfredi, Rogerii de Ponto, Rogerii de Casaleto, Geraldi presbiteri, Geraldi Arnaldi, Luponi fratris sui, Wilelmi monachi et aliis bonis hominibus qui ibi erant; per istam vero guirpitionem sive laixationem vel diffinitionem, quindecim solidos a supra libato Petro abbate et monachis ejus receperunt, sicut inter nos et vos bona complacuit, et ad Rogerium vigarium suum decem et octo numos dedit.
Facta scriptura ista hujus guirpitionis vel laixationis undecimo kalendas marcii, feria prima, luna vigesima secunda, regnante Aianrico rege, et qui cartam istam violare vel inrumpere temptaverit, cum Datan et Abiran, sive cum Juda traditore particeps sit in infernum.
S. Poncii, qui cartam hujus guirpitionis scribere fecit et manu firmavit et testes firmare rogavit. — S. Aldiardis uxoris sue. — S. Barnardi. — S. Raimundi. — S. Petri. — S. Deusde. — S. Gaucelmi.
ALAUS (P.), CASSAN (abbé), MEYNIAL (E.), Cartulaires des abbayes d'Aniane et de Gellone, Montpellier, 1898, p. 53- 54, n° 56