Lettres de l’évêque d’Arras relatant la reconnaissance faite devant lui par un clerc, de l’achat effectué au père de ce dernier, avec son propre consentement donné à titre d’héritier, par le couvent de l’Abbaye-des-Près, de trois pièces de terre sises dans la banlieue.
(Au dos): Li cartre l’evesque d’Arras dou vendage Nicholon Cokiel.
A[sso], miseratione divina Attrebatensis ecclesie minister humilis, omnibus presentes litteras inspecturis, salutem in Domino. Noveritis quod Johannes, clericus Duacensis, filius Nicholai Kokel, recognovit personaliter coram nobis quod ecclesia de Pratis juxta Duacum emerat, ipso volente et consentiente, ab eodem patre suo, cujus heres vivens existebat, unum modium terre, parum plus vel minus, sitam in tribus pieciis, quarum una est prope portam Abbatie de Pratis, altera retro curtile Theobaldi Le Franc et tertia As Matounieres, tenens ad viam d’Eskarpel. Cessit autem eidem ecclesie et concessit omne jus quod in eadem terra habebat et habere poterat in futurum, fide et juramento promittens quod eidem contractui nec per se nec per alium contraveniet ullo modo neque aliquo impedimenti genere impediet aut faciet impediri, quin ipsa ecclesia plene et in bona pace possideat perpetuo terram ipsam et nichilominus bona fide prestabit, quantum in ipso fuerit, garandiam super hoc contra omnes absque suo ponendo. Demum vero postulavit a nobis ut has nostras testimoniales litteras eidem ecclesie exinde traderemus.
Datum anno Domini millesimo ducentesimo quadragesimo tertio, primo sabbato mensis septembris.
ESPINAS (Georges), La vie urbaine de Douai au Moyen-âge, t. III, pièces justificatives. XIe-XIIIe siècles, n° 64, p. 48.
original
Lille, AD Nord, fonds du couvent de l'Abbaye-des-Près de Douai, cart. 2
on
03326
A. ORIGINAL autrefois scellé sur double queue. Archives départementales du Nord: fonds du couvent de l’Abbaye des Près de Douai, carton 2. — B. COPIE de 1300 env. British Museum: Addition. mss. 23932. Charte 30, fol. 16, col. 2.