Etienne, évêque de Noyon, notifie que Gautier, chevalier d’Heudicourt, lui a cédé sa dîme à Heudicourt et Révelon, à charge de la transférer à l’abbaye de Vaucelles. Il le fait, moyennant une redevance annuelle de douze deniers pour lui et de six pour le chapitre chapitre cathédral.
Stephanus, Dei gratia Noviomensis episcopus, universis fidelibus hec visuris, in perpetuum. Notum fieri volumus quod Walterus, miles de Heudincurt cognomento Trossel, decimam acquisierat ad usus suos in territorio de Heudincurt et de Revelon. Qui, ad se reversus et attendens quod laica manus Christi et ecclesie patrimonium absque animarum periculo tenere non possit, eam totam assensu et voluntate primogeniti sui Hellini in manibus nostris ecclesie restituit, simulque ambo, tam Walterus quam Hellinus filius ejus, petierunt ut in usus ecclesie de Valcellis prefate decime fructus redderetur. Nos autem petitioni eorum pio assensu concurrentes, prefate decime omnes proventus eidem ecclesie de Valcellis in manu fratris Petri supprioris et postmodum in manu domni Godescalci abbatis cum bona voluntate capituli majoris ecclesie nostre dedimus perpetuo possidendos sub annua pensione decem et octo denariorum Noviomensis monete, ex quibus duodecim in festo sancti Remigii michi meisque successoribus reddentur et reliqui sex capitulo nostro. Ut igitur hec rata sint atque inviolabilem obtineant firmitatem, presentem paginam inde conscribi eandemque tam nostro quam nostri capituli sigillo fecimus communiri. Actum est hoc apud Noviomum, anno Verbi incarnati millesimo centesimo nonagesimo septimo, mense junio.
TOCK (Benoît-Michel), Les chartes de l'abbaye cistercienne de Vaucelles au XIIe siècle, Turnhout, 2010, n° 152, p. 220-221