Bulle d'Innocent IV donnant l' ordre d'informer sur l'opposition de Notre-Dame-aux-Nonnains à l'établissement des Frères-Mineurs.
Innocentius... venerabili fratri episcopo et dilecto filio officiali Trecensibus, salutem et Apostolicam benedictionem. Religiosorum molestiis occurrere regiminis commissi Nobis tenemur officio et eorum opportune quieti sollicite providere. Sane ad nostram audientiam noveritis pervenisse, quod cum locus
dilectorum filiorum, Fratrum Minorum Trecensium, extra civitatem Trecensem positus, religioni sue propter loci a civitate distantiam, aeris corruptionem, necnon et alias quamplures causas, adeo sit incommodus et suspectus eisdem quod ibidem nequeunt, ut ordini expedit, Domino famulari, ecclesiam sibi et domos necessarias edificare de novo proposuere, in fundo quem infra civitatem habere dicuntur eandem, sed ipsi super hoc resistentia impediti rectoris ecclesie Sancti Johannis in Foro et abbatisse ac conventus B. Marie Trecensis proponentium contra eos quod grande ipsis et ecclesiarum suarum juri prejudicium fieret si processum haberet edificium ad cujus constructionem intendunt, intentionis sue in hac parte hactenus sunt frustrati effectu in ipsorum prejudicium et gravamen. Nos igitur Fratres ipsos, ac religionem eorum, sic Apostolicis fovere presidiis intendentes, quod per hoc alterius justitie minime derogemus, discretionem vestram rogandam duximus-quatinus abbatissam et conventum et rectorem predictos efficaciter inducatis ut, si sine scandalo ipsorum fieri poterit, ipsos Fratres in dicto fundo libere morari permittant et ibidem edificare…
Datum Lugduni II idus maii, pontificatus nostri anno sexto.
LALORE, Documents sur l'abbaye de Notre-Dame-aux-Nonnains de Troyes, 1147-1590, dans Mémoires de la société académique de l'Aube, 3e ser., 11 (1874), n° 172, p. 107-108.