Bulle d'Innocent IV contre ceux qui lèsent les intérêts temporels de Notre-Dame-aux-Nonnains
Innocentius... dilecto filio archidiacono Stampensi, salutem et Apostolicam benedictionem. Dilecte in Christo filie abbatissa et conventus monasterii Sancte Marie Trecensis Nobis conquerendo monstrarunt quod decanus christianitatis de Barro super Secanam, Theobaldus de Roseriis miles, Bernardus de Montecuco, Petrus dictus Formage, Johannes dictus Christianus et quidam alii clerici et laici Lingonensis, Trecensis, et Senonensis civitatum, qui ipsas indebitis exactionibus aggravantes super decimis, possessionibus, debitis et rebus aliis, injuriantur eisdem. Ideoque discretioni tue per Apostolica scripta mandamus, quatinus partibus convocatis, audias causam et, appellatione remota, debito fine decidas...
Datum Lugduni XVI kalendis maii, pontificatus nostri anno sexto.
LALORE, Documents sur l'abbaye de Notre-Dame-aux-Nonnains de Troyes, 1147-1590, dans Mémoires de la société académique de l'Aube, 3e ser., 11 (1874), n° 171, p. 107.