Stephane doyen du Chapitre de Sens, le Chapitre de Sens
Le Paraclet (abbaye de la Sainte-Trinité)
1209/08
Troyes
charte
non suspecté
Lettre d'accord pour les novales d'Aspresaulve et dou bóys de Saincte-Coulombe.
Stephanus, decanus, et universum ecclesie Senonensis capitulum.. Notum sit omnibus.. quod, cum causa verteretur coram judicibus a Summo Pontifice delegatis inter Idam, abbatissam Paracliti, et moniales ex una parte, et Hunoldum presbiterum de Nangiis ex altera, super novalibus de Asperasilva et super novalibus nemoris Sancte Columbe, quod est infra haias de Nangiis, super novalibus et decimatione feodi et dominii defuncti Radulfi de Vinpuelle, tam in nemore quam in plano, tandem in hunc modum pacis convenerunt: quod decima feodi et dominii Radulfi presbitero et ecclesie de Nangiis jure perpetuo possidenda remanebit, excepto charruagio uno quod moniales habent apud Montem Brule. Preterea, idem presbyter et successores ejus in granchia Paracliti, que sita est apud Nangeis, II modios bladi singulis annis percipiet, medietatem scilicet frumenti et medietatem avene. Respectu istius pacis idem presbiter, de assensu et voluntate nostra, quitavit ecclesie Paracliti in perpetuum quicquid juris se dicebat habere in decima Asperesilve et in decima nemoris Sancte Columbe. Si tamen illud nemus contigerit extirpari dictus presbiter et successores ejus in decima nemoris usque ad unum modium bladi, medietatem scilicet frumenti et medietatem avene, annuatim percipient. In cujus rei memoriam.. Actum anno gratie M° CC° nono, mense augusto.
LALORE, Cartulaire du Paraclet, 1878 (Collection des principaux cartulaires du diocèse de Troyes, 2), n° 131, p. 143-144.