Super hoc quod dominus Evrardus, miles, de Ver, recognovit se dedisse fratribus milicie Templi in elemosinam tres denarios annui census, quos habebat dictus miles super tribus quartariis terre, qui fuerunt de esca[m]bio Beati Dyonisii
Omnibus presentes litteras inspecturis, H[emericus], christianitatis Pruvinensis decanus, salutem in Domino. Noverint universi quod, in nostra presentia constitutus, dominus Evrardus, miles, de Ver, recognovit se dedisse, in puram et perpetuam elemosinam, ob remedium anime sue, fratribus milicie Templi tres denarios annui census quos habebat dominus miles super tribus quartariis terre, qui fuerunt de escambio ecclesie Beati Dyonisii, site sub ejusdem ecclesie nemore in territorio de Mauni, imperpetuum libere et pacifice possidendos. Promittens dictus Evrardus, miles, coram nobis se, super elemosina predicta, in omnibus contra omnes dictis fratribus veram garantiam portaturum, et quod de cetero per se nec per alium aliquid reclamabit, nec reclamari faciet in eandem. In cujus rei testimonium et munimen, ad petitionem dicti militis, presentes litteras sigilli nostri munimine roboravimus. Actum anno gratie Mº CCº XLº, mense julio.
CARRIERE (Victor), Histoire et cartulaire des templiers de Provins, Paris, 1919, n°XLVIII