HUGUES de Fauquembergues notifie la donation faite à Saint-Bertin, d’une terre située à Quelmes et aux environs, par Hugues Butri.
+ In nomine sancte et individue Trinitatis. Ego Hugo, dominus de Falkenberge, notum facio tam modernis quam posteris quod Hugo cognomine Butri quendam comitatum quem a me in feodo de terra quadam in Kelmis sita, Laca dicta, simul et de alia terra que de Deserto dicitur, Leoni abbati et ecclesie sancti Bertini, meo assensu, perpetuo concesserit, ea interposita conditione ut singulis annis in festivitate sancti Johannis Baptiste tres solidos a predicta ecclesia recipiat, duos solidos videlicet de terra que dicitur Laca, et unum solidum de terra qui dicitur de Deserto; et quicquid in posterum de inculto illius terre in culturam forte venerit, secundum modum et tenorem prefate terre censum inde ecclesia dabit, et simili modo comitatum inde habebit. Quot (sic) ut ratum permaneat in perpetuum, nostro sigillo corroborari et testibus subscriptis fecimus affirmari. Erkembaldus monachus. Raingerus elemosinarius. Eustachius hospitarius. Wido monachus. Lambertus monachus Amilius monachus. Walterus castellanus. Eustachius frater Hugonis Butri. Hugo de Ravenesberge. Olivir de Archas. Eustachius de Swerdes. Eustachius de Kelmis. Hugo de Dalhem. Arnoldus de Prestersart. Philippus archidiaconus. Willelmus nepos ejus. Hugo sacerdos. Amalricus de Falkenberge. Willelmus Bacon. Ulricus de Valle. Actum Verbi incarnati anno Mº.Cº.XLº.VIº.
HAIGNERE (Daniel), Les chartes de Saint-Bertin, t. 1, Saint-Omer, 1886, n° 201.