G., abbé de Cîteaux, et N., abbé de Saint-Seine, ont acheté aux chanoines de Saint-Étienne de Dijon des biens situés à Neuilly. Ils règlent les limites de leurs territoires.
Sciant presentes et futuri quod G. abbas Cistercii et N. abbas Sancti Sequani emerunt a canonicis Sancti Stephani Divionensis territorium Nuilleii cum omnibus appendiciis suis et post emptionem istam diviserunt illud territorium. Monachi quidem Cistercii dixerunt se habere usum pasture in territorio de Bretennera et de Paanges occasione istius emptionis. Abbas vero et monachi Sancti Sequani contradixerunt et super hoc querela diutius inter eos agitata est et tandem in hunc modum pacificata. Abbas enim et monachi Sancti Sequani concesserunt monachis Cistercii pasturam pro querimonia predicta usque ad crucem que est in via que tendit a Troanz in Nuilleium et a cruce illa usque ad pirum que secus viam est que ducit a Paanges usque ad Sanctum Sequanum et ab illa piro totum rivum usque ad locum quo a terra absorbetur et ab ipsa absorbitione totam Chalmam usque ad campos arabiles et usque ad crucem de Balma. Fratres autem Cistercii habebunt introitum in territorium Blaseii a rivo qui descendit a Chalmeio usque ad crucem de Balma libere et quiete salva restitutione dampni si forte provenerit. Abbas vero et monachi Sancti Sequani ad propria pecora et homines de Paanges habebunt usum pasture in parte Cistercii videlicet in territorio Nuillei salva restitutione dampni et salvo nemore. Si quis autem tractu temporis voluerit calumpniam vel aliquam querelam movere adversus alterutram ecclesiam videlicet Cistercii et Sancti Sequani pro eadem emptione se mutuo fovebunt fideliter consilio et auxilio absque pecunie impensa. De censu vero quamtum debebat domus Nuillei tempore huius emptionis medietatem solvet ecclesia Cistercii et medietatem ecclesia Sancti Sequani. Et ut hec conventio cunctis in posterum diebus rata et firma permaneat ego G. abbas Cistercii et ego N. abbas Sancti Sequani sigillis nostris eam confirmamus. Huius rei testes sunt : Pontius cellerarius Cistercii, Letardus capellanus abbatis Sancti Sequani, frater Dominicus pelliparius conversus Cistercii, frater Milo magister de Roseriis, frater Odo Chainaux, dominus Haymo miles de Monte Regali, Guillermus miles de Stabulis, Guido maior de Paanges, Aubertus de Paanges, Gauterius marescallus abbatis Sancti Sequani, Petrus de Porta. Actum est anno Dominice Incarnationis Mo Co XCo nono.
Acte inédit. Transcription : Coraline REY.
cartulaire
A. Original perdu. B. Copie XIIIe siècle, Dijon, AD Côte-d'Or, 11 H 64 (cartulaire 166), f. 73r, n° 7. C. Copie XIIIe siècle, Dijon, AD Côte-d'Or, 11 H 63 (cartulaire 169), f. 82v-83v, n° 11. D. Copie XIIIe siècle, Dijon, AD Côte-d'Or, 11 H 66 (cartulaire 168), f. 87r, n° 11. E. Copie moderne, Dijon, AD Côte-d'Or, 11 H 1005.
on
2335
Copie d'après le cartulaire 168, jugé plus fiable.
Voir copie dans le cartulaire de l'abbaye de Saint-Seine, ADCO, cartulaire 165 (10 H 6).