La commune de Valenciennes exempte l’abbaye de Vaucelles de toute redevance portant sur les biens passant sur ses terres.
Prepositi, scabini et jurati communie Valencenensis, tam futuris quam presentibus, in perpetuum. Notum esse volumus universis quod nos fratribus de Valcellis judicavimus et liberaliter concessimus propter sanctitatem vite eorum quam bene novimus, ut ipsi et omnes vecture et omnes res eorum per omnes vias et calcetas nostras cum omni libertate eant et redeant, ita quod nichil accipietur ab eis neque pro viis reficiendis neque pro aliis consuetudinibus ad nos pertinentibus. Quod ut perpetuis temporibus cognoscatur, huic carte fecimus inscribi et testimonio sigilli communie nostre fecimus roborari. Factum anno Domini M°C° nonagesimo septimo, mense novembri.
TOCK (Benoît-Michel), Les chartes de l'abbaye cistercienne de Vaucelles au XIIe siècle, Turnhout, 2010, n° 156, p. 225