Général
-
Henri (5), comte de Luxembourg et de la Roche, marquis d'Arlon
-
Ferry (3), duc de Lorraine et marquis
-
-
-
Henri(5), comte de Luxembourg et de La Roche, marquis d'Arlon
-
-
-
-
-
-
FRANCE, Bar-le-Duc, Archives départementales de la Meuse, B 256, f° 321r-321v (cartulaire du XIVe s.)
-
Copie dans cartulaire du XIVe s.
-
français
-
non suspecté
-
Lettre
-
Cartulaire
-
Henri (5), comte de Luxembourg et de la Roche et marquis d’Arlon, fait savoir que, s’il ne réussissait pas à réconcilier Ferry (3), duc de Lorraine et marquis, et Thiébaut (2), comte de Bar, dans les 15 jours qui suivent la fête de Pâques, il s’engage à rendre audit duc Ferry (3) une lettre scellée datant du 1er août 1238, par laquelle ledit Thiébaut comte de Bar avait reconnu tenir en fief de Matthieu (2), duc de Lorraine et marquis, le château de Spitzemberg, le ban de Laveline(-devant-Bruyères), ainsi que Bourmont, Lamarche, Liffol(-le-Grand), Neufchâteau, Foug, Stenay et Beaumont.
-
[ f°321r ]01. Je Henris, cuens de Lucembourch, de la Roche et marchis d’Er-
02. -lons, fais cognoissant a tous ceuz qui ces lettres verront
03. et orront que, se ie ne puis acordeir Ferri duc Lorreing-
04. -ne et marchis, mon neveu, a Thiebaut conte de Bar mon
05. frere ou par droit ou par amour del bestens qui est entre eaus
06. iusque la quinzeinne de Paiske qui or vient prochiennement, ie doi ren-
07. -dre a devant dit duc Ferri, mon neveu, unes lettres saelees
08. dou seel Henri, comte de Bar qui fut, toutes entieres de seel
09. et de lettres, dont la tenours est teile. Je Henris, cuens
10. de Bar, fais coignissant a toz ceaus qui ces lettres ver-
11. -ront et orront que ie recoignois que ie teing et doi tenir,
12. et mi hoir, de mon signour et mon chier neveu Maheu,
13. duc de Lorreingne et marchis, et de ses hoirs, en fie et
14. en homaige la mason que ie avoir doi ou chasteaul de S-
15. -picemberc c’om dis la mason le conte de Bar, et le ban
16. aussi de Laweline ; et cest fie tout tiennent li hoir de Hau-
17. -te Pierre et doient tenir de moi et de mes hoirs, et
18. en doient la guarde, et il et lor hoir, a Espicemberch pour
19. moi et pour mes hoirs ; et recognois que ie teing encore et doi
20. tenir, ie et mui hoir, de mon signour le duc et mon
21. neveu devant dit Bourmont, Lamarche, Liffou la Vil-
22. -le pres dou Nuefchasteil, Fou delez Toul, et le awe de Mo-
23. -zelle, de la rouche de Reuz iusque rui qui vient de Erva-
24. -ville ; et recognois encore que ie teing et doi tenir, je
25. et mi hoir, de mon signour devant dit et mon neveu
26. Sattenai et la woerie de Beamont en accrasance des a-
27. -tres fiez qui ci desus sont nomei et devisei. Et pour ceu que
28. bestens ne puisse naistre ne avenir desormais entre
29. moi et mon neveu devant dit ni entre mes hoirs
30. et les siens, et pour bien de paix et pour toutes occoisons
31. oster, ie ai promis et creantei pour moi et pour mes hoirs[ f°321v ]
32. que ie ne mi hoir ne devons ne ne poons faire ferme-
33. -tei ne forteresse entre Louwy, le chastel mon neveu devant
34. dit, et Sattanai si desus nomei, ne entre Bourmon et Chate-
35. -noi ne entre Lamarche et le Nuefchastel ne dedens la
36. baronnie et la signorie mon neveu devant dit ne de ses
37. hoirs. Et se autres par aucune aventure faisoit ou voloit
38. faire fermetei ou fourteresse dedens les leus et les
39. termines si desus nomeis et deviseis ne dedens la baronnie
40. et la signorie mon neveu le duc de Lorreigne devant dit
41. ou de ses hoirs, ie ai ausi promis pour moi et pour mes hoirs et
42. crantei que ie ne mi hoirs ne l’an devons ne ne poons
43. aidier ne meintenir. Et est encore assavoir que s’an puet
44. trover par bone vertei de lettres ou de prodomes que ie teing-
45. -ne de mon neveu le duc devant dit ne de ses hoirs ne doie
46. tenir ne ie ne mi hoir autres fiez que ces qui ci desus
47. sont nomei et devisei, ie ai promis et crantei pour moi et por
48. mes hoir que je et mi hoir sommes tenu a reconnostre et
49. a tenir aussi quant on le trouveront par vertei de lettres et
50. de prodomes. Et pour ceu que ceu soit ferme choze et esta-
51. -ble et en tesmoignaige de veritei, ie ai fait saeleir ces
52. lettres de mon seel, qui furent faites en l’an de grace quant
53. li miliaires courroit par mil .CC. .XXX. et eut ans, a la
54. feste Seint Piere antrant awoust. En tesmoignaige
55. de laqueil choze, ie ai mis mon seel a ses presentes lettres,
56. qui furent faites l’an de l’incarcion nostre signour .M.
57. .CC. .LVI. ans, on moix de decembre. -
Annonce du sceau d'Henri (5), comte de Luxembourg.
Acte précédé par le titre : « Lettre que li cuens Henris de Lucembourch duit rendre a duc unes lettres saelees dou seel lou conte de Bar dont li tenours est seans, s'il nez avoit acordei dedans un termine » (début XIVe s.) -
-
-
-
-
M. F. COMTE, Deux chartes inédites du XIIIe siècle relatives aux rapports du sarrois avec la Lorraine, « Mémoires de la Société des lettres, sciences et arts de Bar-le-Duc », 3e série, t. IX, 1900, p. 352-358, p. 356-358
-
J. DE PANGE, Catalogue des actes de Ferri III, duc de Lorraine (1251-1303), Paris, 1930, n° 115, p. 23
-
C. WAMPACH, Urkunden-und Quellenbuch zur Geschichte der altluxemburgischen Territorien bis zur burgundischen Zeit, t. III, Luxemburg 1939, n° 237, p. 252-253
-
M. GROSDIDIER DE MATONS, Le comté de Bar des origines au traité de Bruges (vers 950-1301), Paris 1922, p. 279, 341
-
-
-
Jean-Daniel MOUGEOT ; Timothy SALEMME
Sigillographie
-
non
-
-
Informations
Acte
Jean-Daniel
Mougeot
(Université de Luxembourg), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 495 (transscript-281), http://telma.irht.cnrs.fr/chartes/transscript/notice/495 (mise à jour : 17/09/2018).