Général
-
Henri(5), comte de Luxembourg et de La Roche, marquis d'Arlon
-
Henri (5), comte de Luxembourg et de la Roche, marquis d'Arlon
-
Thibaut (2), comte de Bar
-
Catherine de Limbourg, duchesse de Lorraine et marquise
-
Ferry (3) duc de Lorraine
-
-
-
Henri (5), comte de Luxembourg et de la Roche, marquis d'Arlon
-
Thibaut (2), comte de Bar
-
Catherine, duchesse de Lorraine et marquise
-
Ferry (3) duc de Lorraine
-
-
-
-
-
-
FRANCE, Bar-le-Duc, Archives départementales de la Meuse, B 256, f° 312r-314v (cartulaire du XIVe s.)
-
Copie dans cartulaire du XIVe s.
-
français
-
non suspecté
-
Lettre
-
Cartulaire
-
Henri (5), comte de Luxembourg, de la Roche et marquis d'Arlon, fait savoir qu'il s'est accordé avec sa soeur Catherine, duchesse de Lorraine, le fils de celle-ci Ferry (3) et le comte Thibaut (2) de Bar pour mettre fin aux différends entre eux, en se soumettant à l'arbitrage de Thibaut (4), roi de Navarre, comte de Champagne et de Brie.
-
[ f°312r ]01. Je Henris, cuens de Lucemburg et de la Rouche et marchis
02. de Erlons, fais coignoissant a toz que, com descors fut
03. entre moi et ma serour Katherine duchesse de Lor-
04. -reingne et marchise, et Ferri son fil, mon neveu, et
05. Thiebaut conte de Bar le Duc, mon serorge, paix et
06. acorde est faite entre nos par devant mon chier signor
07. Thiebaut, par la grace de Deu roi de Navarre, de Champagne
08. et de Brie conte palazins, en teil maniere que desor
09. en avant por descors ne por entreprisures que naistre puissent
10. entre nos par aucune aventure, ne estre ne poons guer-
11. -roier li uns vers l’autre, ne esmovoir guerre en nule
12. meniere. Et s’il avenoit que descors ne entreprisures fuis-
13. -sent ne naquissent entre nos por quelque descoirt ne por
14. quelque entrepresure, nos summes acordei par devant mon-
15. -signor le roi de nos propres volonteiz que le dit qu’il diroit
16. ou feroit dire en bone foi par home que ces lettres pendans
17. portaist dou descort ou descoirs qui seroient entre nos, l’aiti-
18. -rement et l’ordenement que messires li rois feroit par lui ou
19. par celui qui ces lettres pendans porteroit sommes tenu a tenir
20. et a warder en bone foi, et de ces chozes a tenir et a war-
21. -der fermement et dou n’en venir encontre par nos ou par atrui
22. chascuns de nos avons donnei pleges et bone seurteis en la
23. mein monsignor le roi de deix mile mars d’argent.[ f°312v ]
24. Et s’il avenoit qu’acuns de nos venist ou voucist venir encon-
25. -tre le dit monsignor le roi ou son ordenement ne encontre la
26. paix qui est devisee, que messires li rois averoit dit ou orde-
27. -nei ou fait dire ou ordenei par aucun qui ces lettres pendans por-
28. -teroit sus le descort ou descoirs qui seroient ou averoient
29. estei entre nos, messires li rois iroit et pourroit aler
30. et faire aler sans meffeire sus celie partie que son dit ne vour-
31. -roit tenir ou son ordenement, ou iroit encontre la paix ou
32. ne tanroit ou iroit encontre et guaigier lui et ses
33. pleges iusques tant qu’il eust toz ses despens qu’il averoit fait
34. iusques .X. mile mars d’argent, se tant i despendoit, et sus
35. nos villes et chasteaus et sus quant qu’il pourroit trover dou
36. nostre, et por desdomagier l’autre partie, et porroit prendre mon-
37. -sire li rois et faire prendre et tenir iusques tant que li da-
38. -maiges seroit rendus et les chozes adrecies a son dit
39. ou a dit de celui que seroit en leu de lui a tout ses lettres pen-
40. -dans a l’autre partie, ensi com messires li rois le diroit en
41. bone foi ou feroit dire par celui qui ces lettres pendans
42. pourteroit dedens les quarante iours, qu’il en seroit requis
43. par monsignor le roi ou par celui qui porteroit ses lettres pen-
44. -dans. Et se messires li rois ou sui aidour prenoient heritai-
45. -ge sus aucuns de nos, par ceste rason, la satisfation faite,
46. messires li rois est tenus de randre l’eritaige. Et se
47. messires li rois ou sui aidour nos faisoient aucun damaige,
48. messire li rois et sui aidour ne sont mie tenu de rendre riens
49. des damaiges, et ceste choze avons nos requis a monsignor
50. le roi comme sui home, por la paix et por l’acorde a durer et a
51. meintenir fermement entre nos si com il est devisei desus.
52. Et toz les despens que messires li rois feroit por ceste choze,
53. combien qu’il an feist, seroiet contei et pris sus les dis dex mile
54. mars dont nos avons donnei pleges et bones seurteis a mon-
55. -signor le roi. Et est assavoir que li autre dui de nos
56. summes tenu a nos pooirs a la requeste monsignour lou[ f°313r ]
57. roi par lui ou par celui que ces lettres pendans porteroit de lui
58. aidier envers celui qui son dit ou son ordenement ne tanroit
59. ensi com il est devisei a nos propres despens. Et se par aventure
60. aidier ne le voliens li uns ou li autres de nos ou andui, celui
61. qui an defaudroit de nos seroit encheus en .X. mile mars
62. d’argent chascuns, ansi com s’il que ne voudroit tenir le dit
63. monsignor le roi ou son ordenement ensi com il est dit et devi-
64. -sei desus. Et pourroit messires li rois gaigier et faire gai-
65. -gier celui que seroi encheus et ses pleges iusques tant que mes-
66. -sires li rois eust tos ses despens qu’il averoit fait iusques deix
67. mile mars d’argent se tant i despendoit en villes et en
68. chastealz et en touz autres leus nostres et en quant qu’il pourroit
69. trover dou nostre, sans meffaire ansi com celui que ne voudroit
70. tenir son dit ne son ordenement. Et est assavoir que li pleges
71. que nos avons donnei et mis de .X. mile mars d’argent pour
72. chascun de nos doient baillier a roi lor lettres pendans
73. saelees de lor seelz, s’il ont seelz propres, por tant com il seront mis;
74. et s’il n’avoient seelz propres, il doient baillier a roi lettre pen-
75. -dans saelees d’aucuns prodomes de la plegerie, dont il seroient
76. tenu envers le roi por ceste choze; et s’acuns de nos pleiges mo-
77. -roit ou moroient, la partie de nos cui il seroit pleges ou se-
78. -roient plege est tenue a remettre le plege ou les pleges
79. soffisans dedens le mois que li rois l’en requerroit par lui ou par
80. son certein messaige que ces lettres porteroit pendans por tant
81. con li autre mort estoient tenu a roi et s’il pleges resont
82. tenu a baillier a roi lettres pendans tout ensi com il est dit
83. et devisei desus. Et toutes ces chozes ci desor et desous escrip-
84. -tes sommes nos tenu a tenir et a guarder firmement tant
85. con li rois viverai. Et est encor assavoir que nos doiens
86. aidier le roi a nos pooir en bone foi a guaigier et a
87. faire gaigier les pleges de celui de nos que ne[ f°313v ]
88. vourroit tenir le dit le roi et son ordenement par lui ou par
89. sa requeste qui ces lettres pendans pourteroit a nos propres
90. despens et por ceu que li roi avoit guaigiei ou fait guai-
91. -gier por un cas qui fust fais contre son ordenement ou en-
92. -contre son dit en tout ou en partie que li rois ne guaigaist
93. ou feist guagier ensi com il dit desus toutes les fois que
94. nos vanriens contre l’ordenement le roi ne encontre son dit
95. en tout on en partie. Et est assavoir que les fiez que nostre ho-
96. -me tiennent de nos, chascuns de nos les iusticerai a sa
97. volontei, sauf ceu que uns n’i coinstrai riens por l’autre, se
98. n’est de conseil ou de proiere, ne ni poons mettre autre
99. force li uns vers l’autre. Et se mes hons ne voloit guerroier,
100. il ne m’en puet guerroier de la terre la duchesse et Fer-
101. -ri son fil, ne de la terre le conte de Bar ne mi home ans
102. de ma terre. Et se nostre home por ceste choze en prenoient
103. de nos chozes, nos nes pourriens ne devriens recepter
104. en nos terres. Et s’il avenoit que mis ne nulles de nos ho-
105. -mes tiengnent terre de fie d’autre signor que de nos ou
106. aleus et descors an fust entre nos, nos nos en appaise-
107. -riens se nos poiens; et s’apaisier ne nos poiens, li rois
108. ou cil qui serai en leu de lui an doit conoistre et ordener
109. et dire son dit, et nos le doies tenir se nostre home we-
110. -leut; et se nostre home tenir ne le voloient, nos ne
111. nous en poons entremettre de guer-
112. -roier ne aus aidier de nos terres en nule meniere. As-
113. -savoir est encores que nuns de nos ne nule ne poons panre
114. en guerde la citei de Toul, ne ne nos i poons acroistre de-
115. -dens Toul ne en finaige par don ne par eschait ne en nule
116. autre meniere, ne aidier a guarentir a nelui qui en sa
117. guarde la preist. Et est assavoir que nuns de nos ne por-
118. -roit retenir nul des bourjois de Toul se nos avi-
119. -ens guerre vers seaus de Toul, puesque la[ f°314r ]
120. guerre seroit commanciee iusques tant que la paix seroit
121. faite; et apres la paix nos les pourriens retenir ou tens
122. de paix s’il voloient aler de souz nos. Et se cis eveskes
123. de Toul qui or est moroit, nuns de nos ne pourroit pen-
124. -dre en guerde ne en voerie ne en commandise les
125. chozes de l’esveschie sauves les guerdes et les demmoines
126. et les fiez et les heritaiges que chascuns de nos i avoit,
127. ansois que ces lettres fuissent faites. Et est encor assavoir
128. que nuns ne nules de nos ne poons penre en garde la citei de
129. Mez ne nos poons aidier de guerre li uns vers l’autre de ceuz de Mez,
130. ne de la communetei ne de partie ne nuns de nos ne puet aidier
131. a ceuz de Mez encontre l’autre. Et quant Ferri mez niez serai en
132. aige, il est et iert tenus a tenir toutes ces covenances et a
133. jurer et a baillier ses lettres et metre pleges de deix mile
134. mars d’argent en la fourme qui est devisee des autres. Et s’il
135. i avoit chose ou nos meissiens debat, il seroit esclairie a l’en-
136. -tendement lou roi en bone foi par lui ou par son commandement.
137. Et s’aucune chose estoit obliee en ces choses devant dites, li roi
138. l’amenderoit et feroit amender en bone foi por la paix tenir
139. et garder plus fermement. Et s’il avenoit chose que descors ou
140. descort naiquist ou naiquissent entre nos dont nuns de nos ne se
141. pleinsist ne voucist prelindre a roi, li rois i envoieroit,
142. s’il voloit, por savoir et por entendre lou descort ou les descors
143. qui seroit ou seroient entre nous. Et nos l’ordenement et lou
144. dit que li rois ordeneroit ou diroit ou feroit ordener ou dire
145. par celui qui ses lettres porteroit tenriens et soumes tenu a te-
146. -nir et a garder fermement, et li despens que cil feroient que li rois
147. i envoieroit s’il voloit por savoir et por entendre lou descort ou
148. les descors qui seroit ou seroient entre nous, et nous l’ordenement
149. et lou dit que li rois ordeneroit ou diroit ou feroit ordener ou
150. dire par celui qui ses lettres porteroit tenriens et soumes tenu a
151. tenir et a garder fermement; et li despans que cil feroient que li
152. rois i envoieroit por ces choses et por autres seront pris
153. sor celui qui seroit trouveis en son tort. Et li rois est tenus a
154. celui qui tenroit son dit et obeiroit la paix a aidier vers[ f°314v ]
155. celui de nos qui ne vourroit tenir son dit et son ordenement
156. si com il est dit desus. Et ceu nos eit promis li rois en bo-
157. -ne foi et baillie ses lettres pendans saelees de son seel; et
158. toutes ces chozes devant dites et chascune d’elles ai ie
159. fianciees et jurees a tenir loiaulment. En tesmoignaige
160. de laquel choze ie ai fait saeler ces lettres de mon seel;
161. qui furent faites le macredi prochien apres les octaves de
162. Paiskes, l’an que li miliaire courroit par mil et dous cens
163. et cinquante dous ans. -
Annonce de sceau d'Henri (5), comte de Luxembourg
Acte précédé par le titre : « Une paix que fut faite par devant Thiebaut roi de Navarre et conte de Champeigne entre le conte Henri de Lucembourch et la duchesse Katherine et Ferri son fil et le conte Thiebaut de Bar lou duc (Thiebaut de Bar lou duc rajouté par une autre main médiévale au lieu de Henri de Lucembourg Thiebaut ... rayé) » (début XIVe s.) -
-
-
-
-
-
-
J. DE PANGE, Catalogue des actes de Ferri III, duc de Lorraine (1251-1303), Paris 1930, n° 18, p. 5
-
C. WAMPACH, Urkunden-und Quellenbuch zur Geschichte der altluxemburgischen Territorien bis zur burgundischen Zeit, t. III, Luxemburg 1939, n° 95, p. 103
-
F.-X. WÜRTH-PAQUET « Table chronologique des chartes et diplômes relatifs à l'histoire de l'ancien pays et duché de Luxembourg. Règne de Henri II (1246-1281)», Publications de la Section historique, XV (1860), n° 66, p. 64
-
-
-
[Cartulaire] FRANCE, Paris, Bibliothèque Nationale de France, f. fr. 11823, f° 105r (copie postérieure dans cartulaire)
-
Jean-Daniel MOUGEOT ; Timothy SALEMME
Sigillographie
-
non
-
-
Informations
Acte
Jean-Daniel
Mougeot
(Université de Luxembourg), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 489 (transscript-276), http://telma.irht.cnrs.fr/chartes/transscript/notice/489 (mise à jour : 22/10/2018).