Général
-
Jean, roi de Bohême, comte de Luxembourg
-
-
-
Baudouin, archevêque de Trèves
-
Jean, roi de Bohême et comte de Luxembourg
-
-
ALLEMAGNE, Coblence, LHA, sect. 1A, nr. 5284
-
allemand
-
non suspecté
-
Charte
-
Original
-
Jean, roi de Bohême, comte de Luxembourg, et son épouse (Béatrice), reconnaissent devoir 30.000 florins à l’archevêque Baudouin de Trèves que ce dernier avait dépensé pour leur fils premier-né, le margrave Charles de Moravie. Pour cette raison, ils engagent avec droit de rachat les villes et villages d’Echternach, de Bitbourg, de Remich et de Grevenmachern avec toutes leurs dépendances, libertés, les juridictions et les personnes dépendantes. L’archevêque, respectivement son successeur devront posséder ces villes selon les mêmes conditions que Jean, sous condition de ne pas percevoir des impôts extraordinaires.
-
1. Wir Johann von gotes gnaden kůning zů Behemen und greve zů Lůtzelnbůrg und Margarete sin eliche frouwe důn kůnt allen luden und erkennen uffenlichen an diesem brieve daz wir schuldig waren von rechten und redelichen sachen und schulden### von des
2. hochgebornen Karlen unsers des kůninges lieben erst gebornen sones margreven von Merern wegen deme erwirdigen in Gote vadere herren Baldewine ertzebisschof### zů Triere unsern### lieben vetern driszig tusend cleyne gulden von Florentzien gutes goldes und
3. gewichtes die derselbe unser vetere in unsers egenanten sones nůtz von unserm willen und gehengnisse gewant hat und gekeret und die in des selbes unsers sones nůtz komen sint und han wir deme selben unserm### vetern### und sime stifte umb die selben summen geldes die wir uff### uns als
4. vore begriffen ist genomen han in unser und in unsers [sones namen] und ander unser .. erben wegen verkouft rechte und redelichen und verkoufen yme### an diesem brieve unser stete vesten und dorfer Echternach Bydebůrg Remiche und Grevenmachern mit mannen bůrg-
5. mannen herscheften prabistien meyerien richter amp[ten eigenen voi]dien3 friheiden gerichten hoe und tyef burgern### scheffenen landen luten cristen und juden dorfern wingarten mulen guten gulden und gevellen waszern weyden welden eckern wysen und sunderlichen und
6. sementlichen mit allem deme daz zů den vorgenanten ste[ten vesten und dor]fern3 gehoret wie man ez nennen mochte besůcht und unbesůcht daz wir da hatten oder haben mochten und in aller der masse wie wir sie und unsern amptlute da selbes biz her vor diser verkoufun-
7. ge gehanthabt han uns und unser .. erben nůsnit### [da zů beha] ldene und han wir dieselben stete vesten dorfer gůt und gulde vorgenant mit allem deme daz dar zů gehoret und gehoren mag und dar an liit### gewant und gekeret wenden und keren an diesem
8. brieve an vorgenant vetern sinen stift von Triere und [sine nac]hkomen3 zů besitzene zů gebrůchene und dar mite zů brechene und zů buszene zu allem irem willen als mit anderm irem gůte und als wir mochten ee wir sie yme verkouften ane alleyne daz sie
9. sie nicht schetzen sollen von bete wegen. Doch sollen sie [ierli]her gulde uz den vorgenanten steten vesten dorfern und daz dar zů gehoret han czwey dusent cleyne gulden von Florentzie gutes goldes und gewichtes daz ist zů wiszene zů Echternach sechshundert cleyner gulden
10. zů Bydebůrg zwey hůndert zů Remiche sechs hůndert und zů Grevenmachern ouch sechs hůndert an gelde und an gewirde gelt vor gelt eyn fuder wines zů Remiche vor fůnf cleyne gulden eyn fuder wines zů Machern vor drie cleine gulden eyn malder rocken vor
11. zehen schillinge penninge eyn malder weyszes vor zwolf schillinge eyn malder habern vor fůnf schillinge eyn swin vor viertzig schillinge eynen cappůnen und eyn hůn eyns deme andern zů helfene ieglich vor eynen Triereschen engelschen ein phunt wachses vor
12. sechs Trieresche engelsche und ein phunt peffers vor sechs schullinge Trieresche zu rechene zu betzalene und zu hebene an den vorgenanten zwen dusent gulden ierlicher gulde die sie oder wer vorderunge von in oder diesen brief inne hat haben und heben sollen le-
13. dicliche und uberkost und ane abeslag uber alle bewisunge oder versetzunge die da bewiset oder versetzet ist von mannen oder andern luten und sal man in die ierlichen vol betzalet han vor winachten ane alle hindernisse unser oder iemans von unser wegen.
14. An welicher ouch der vorgenanten stete vesten oder dorfer der summen die dar uf itzunt benant ist zu hebene gebreche also daz sie von unser rechtlichen gulde die uns da ierlichen schinende was nicht gevielen so sollen die burger und gemeinde unsern vorgenanten vetern sinem stifte
15. und nachkomen vorgenant oder wer vorderunge von ime oder diesen brief inne hat den gebrechen erfullen uz allem anderm irem gute und sollen sie daz under sich setzen und ime betzalen also daz ierlichen gar und gentzlichen die vorgenanten tzwei dusent gulden betzalet werden
16. mit gelde und gevirde als vor ist geschrieben und sollen daz sweren und geloben und in dar uber geben ire guten brieve. Doch hat unser vorgenanter vetere uns solich wilkore gegeben ist daz wir oder unser .. erben ime sinen nachkomen oder stifte sechs hundert cleyne
17. guldene betzalen vor unser frouwen dage als sie geboren wart gentzlichen und in iren antwerten zu Triere oder zu Sarburg wo sie liber wollen an der zweier stete eine so wollen wir die gulde von den vorgenanten tzwen hoven Remiche und Machern von dem iare haben und tun
18. heben und sollen die vorgenanten tzwene hove Remiche und Machern die ubrigen sechshundert cleyne gulden unserm vorgenanten vetern sinen nachkomen und stifte betzalen dar na vor Winachten. Geben aber wir oder unser .. erben der egenanten sechshundert gulden nicht vor der vorgenanten
19. unser frouwen dage als vore geschrieben ist so sal der vorgenante unser vetere sine nachnackomen und stift die vorgenante gulde zu male heben und haben an allen stucken als vore ist begriffen und sollen ire amptleute die sie da han zu tziten die gulde verpechten verkoufen oder verlihen
20. und bürgen dar vor entphan als in fuget. Gesche ez aber daz sie aber daz icht von in nemen oder huben daz sal stan an den ratluten die czvusschen uns gekoren sin na den brieven die vore czwusschen uns gemachet sin die in ir macht und craft verlieben sollen und waz
21. die selben ratlute sprechen daz me genomen were das sal man abeslan an der nehesten an der nehesten gulden die sie in dar nach geben sollen. Doch mag der vorgenante ertzebischof sine nachkomen und stift was busze oder vrevele von gerichte oder anders von misseteden da ge-
22. vallen in den vorgenanten steten vesten und dorfern und daz dar zu gehoret heben und nemen als gewenlich ist in die vorgenante sumen zwei dusent guldennicht zu rechene noch zu slahene. Ouch sollen alle man burgman und dienstlute die in die vorgenante prabistien geho-
23. rent ire lehen und gut han und entphan von deme vorgenanten .. ertzebischove sinen nachkomen und stift von Triere vorgenant als sie sie von uns han und sollen ouch die selben .. und dar zu alle amptlute der vorgenanten stete vesten dorfer und gute die der selbe .. ertzebischof
24. sine nachkomen und stift wandeln setzen und entsetzen mogen zu irem willen und dar zu alle .. scheffen und gemeinde der vorgenanten stede vesten dorfer und gute in hulden sweren und gehorsam sin zu allem irem gebote als sie uns waren ee wir sie verkouften und
25. uns nimme und mogen sie sie dar zu drengen und twingen mit iren fründen und wie in fuget und han dar zu in daz geboten und gebieten iz in an diesem brieve bii unsern hulden und uf lieb und gut daz sie in also hulden und sweren zu hant und ane
26. allen vortzog und ire gůte brieve dar uff### geben. Und so sie daz getan han so sagen wir sie an diesem brieve ledig und los der hulde und eyde die sie uns getan han und der gehorsamikeyde die sie uns schuldig waren. Ouch ist geredet mit namen were daz unser vorgenant vetere sin
27. stift oder nachkomen und wir oder unser .. erben under eyn tzweyende worden wie ez were daz Got wende so sollen die vorgenante stete vesten und dorfer und daz dar zů gehoret unser keyme wider den andern helfen als lange die czweyůnge weret und sollen wir sie ouch von der
28. czweyunge wegen noch anders in keyne wiis hindern oder tůn hindern. Ouch han wir gelobt und geloben an diesem brieve in gůten truwen mit hertzen munde und hant vor uns und unser .. erben die vorgeschrieben verkoufůnge stete und veste zů haldene und nymerdar### wider zů
29. komene noch zů tůne in keynerhande wiis mit worten noch mit werken heymelichen noch uffenbare und daz wir yn rechte und gewenliche werschaft tůn sollen der vorgenant stete vesten dorfer und gulde. Were aber daz wir oder unser .. erben dar wider in eynerhande wiis
30. teden oder schufen gedan oder daz die vorgenant stete vesten dorfer oder lute und daz dar zů gehoret ungehorsam worden oder weren unserm vorgenant vetern sinem stifte oder nachkomen oder wer vorderungen von yme oder diesen brief inne hat oder ob sie sich mit willen oder ane willen
31. an uns halden oder wider vallen wollen so ensollen wir noch unser .. erben sie nicht in unser hulde noch gehorsamikeit entphan noch nemen. Als dicke daz geschiet so wilkoren wir an diesem brieve daz Arnolt und
32. Gerhart herren von Blankenheim Hartrad herre von Schonecken Gerhart herre von Huffaliis Johan herr von Rodemacher und Gziliis sin son ###Dyderich herre von der Sleyden Wilhelm herre von Manderscheit Johan herre von Bolliche Arnolt herre von Pittingen### Johan herre von der Vels Thomas herre von Swyvenbornen Wirich
33. herre von Berperg Johan herre von Valkenstein Johan herre von Bearwart Herman herre von Brandenberg Heinrich herre von Malberg Welter herre von Meysenburg Conrat von Esch Conrat von Losenich Fridrich herre von der Nůwerburg Joffrid von Corriche Philps von Florichingen
34. Heinrich marschalk von Deyntzbůren Dyederich von Honcheringen Welther herre von Clerve Wynemar von Gymnich Symon herre von Czolver Johan herre von Milberg Gziliis herre von Mersch und Friderich Johan von Beffort unser edeln man enbinnen und enbůszen unser vorgenant
35. graveschaft geseszen und ire .. erben unserm vorgenant vetern sinem stifte und nachkomen vorgenant helfen wider die vorgenant stete vesten und dorfer und lute und daz die selben unser edeln man unserm vorgenant vetern sinem stifte und nachkomen gehorsam sin an allen und zu allen
36. stucken mit unserm gutem### willen und ane allen unsern czorn### und ensollen uns noch unsern .. erben nicht verbunden noch gehorsam sin in keynerhande### wiis als lange die czweyůnge### weret. Und han wir sie itzůnt gebeten und yn als unsern mannen geboten und gebieten an
37. diesem brieve daz sie und ire .. erben in der wise und maszen### hulden und sweren deme vorgenant ..### ertzbisschove sinem stifte und nachkomen und yn ire guten brieve dar uber geben. Ouch ist geredet mit namen were daz die vorgenant stete vesten dorfer oder lute vient-
38. schaft gewůnnen### so sal unser vorgenant graveschaft mit aller ir macht und uff### unser graveschaft kost und verlust unserm vetern sinem nachkomen und stifte sie helfen beschuten. Gesche ouch den vorgenant steten vesten dorfern luten und daz dar zů gehoret keyn schade
39. den yn unser vetere sine nachkomen oder der stift nicht enteden in weliche wiis der schade gesche oder weren sie ungehorsam als vorgeschrieben stet und lieden da von schaden in weliche wiis daz were dar umb ensollen wir noch unser .. erben sie nymer angesprechen in
40. keynerhande wise. Ouch hat unser vetere vorgenant uns die [bürgsch]aft3 getan daz wir oder unser .. erben die egenant stete vesten dorfer gůt und gulde und waz dar zů gehoret von yme sinen nachkomen und stifte widerkoufen mogen mit den vorgenant driszig tusend### cleynen
41. guldenen weliches iares wir wollen als die brieve sprec[hent die u]### unser vorgenant vetere dar uber hat gegeben. Wir vertzihen ouch williglichen und sementlichen voruns un dalle unser .. erben und die unsern alles schirmes und helfe die wir wider diese vorgeschrieben
42. stucke alle oder rein teil von geistlichen oder werltlich[en rechten von] friheit oder gewanheit oder von gewalt in keinerhande wiis haben mochten. Und sunderlichen wir Margareta bekennen daz wir keinen widemen noch widemen recht han ufden vorgenanten steten vesten
43. und dorfern noch ouch dar uf kein widemen recht ###### lange sie unwider gekouft sind von deme egenanten .. ertzebischove sinen nachkomen oder stift umb die vorgenante summen geldes ungescheiden aller hande argelist und geverde an allen diesen stucken und an ir
44. iegelichem. Des zu urkunde und gantzer ewiger steti[keithan wir]### kuning und kuniginnen und unser vorgenant son Karle und die vorgenante unser edeln man unsere ingesigele an diesem brief gehangen. Und wir Karle von Gots gnaden erst geborn son des hochgelobden fur-
45. sten unsers herren kuning Johans von Behemen margrev[e von Merern vor]genant bekennen daz die vorgenante summe geldes in unser nutz gekeret und komen ist und daz unser vorgenant herre und vader sine und siner graveschaft von Lutzelnburg stete vesten und dorfer Echternach
46. Bydeburg Remiche und Machern vorgenant unserm lieben h[erren und oheme]n hern Baldewine ertzebischove zu Triere und sime stifte umb die vorgenant driszig dusent cleyne gulden verkouft hat und geloben wir vor uns und unser .. erben die selben verkoufunge stede und
47. veste zu halden wie sie sa vore geschrieben stent und were daz i[mant un]serm vorgenanten .. ohemen oder sinen stift dar an hindern wolde in keinerhande wise daz sollen und wollen wir weren na aller unser moge und han des und aller der vorschrieben stucke zu urkunde unser
48. ingesigele an diesen brief tun henken und wir Arnolt und Gerhart herren von Blankenheim Hartrat herre von Schonecke Gerhart herre von Huffaliis Johann herre von Rodemacher und Gziliis sind son Dyederich herre von der Sleyden Wilhelm herre von Manderscheit Johan Herre
49. von Bolliche Arnolt herre von Pittingen### und Arnolt sin son Johan herre von der Vels Thomas herre von Syvenbornen Wirich herre von Berperg Johan herre von Valkenstein Johan herre von Bearwart Herman herre von Brandenberg Heinrich herre von Malberg Welter
50. herre von Meysenburg Conrat von Esch Conrat von Losenich Friderich herre von der Nůwerbůrg Joffrid von Corriche Philps von Florichingen Heinrich marschalk von Deyntzburen Dyederich von Honcheringen Welter herre von Clerve Wynemar von Gymnich Symon
51. herre von Czolver Johan herre von Milberg Gziliis herre von Mersch und Friderich von Beffort vorgenant vor uns und unser .. erben bekennen uffenlichen daz wir von bete und gebote unsers herren des kůninges von Behemen vorgenant unserm vorgenant herren von Triere
52. gehuldet und gesworn han alle diese stucke die da vore von uns geschrieben sten stede und veste zů haldene wie sie da underscheiden sin ane allerhande argelist und ane alle widerrede. Und han des zů urkůnde unsere ingesigele an diesen brief gehangen
53. der gegeben ist zu Triere da man czalte nach Cristus geburte drůtzehenhůndert sechs und vierczig jar uff### den Pingest abent. -
E. WINKELMANN (éd.), Acta Imperii inedita saeculi XIII. Vol. 2: Urkunden und Briefe zur Geschichte des Kaiserreiches und des Königreiches Sicilien in den Jahren 1200-1400. Innsbruck, 1880, p. 818, n° 1162.
-
F.-X. WÜRTH-PAQUET, Table chronologique des chartes et diplômes relatifs à l'histoire de l'ancien pays et duché de Luxembourg - Règne de Jean, roi de Bohême et comte de Luxembourg 1310-1346, in: PSH 21 (1866), p. 67, n° 1870.
-
J. F. BÖHEMER, Regesta Imperii inde ab anno MCCCXIII usque ad annum MCCCXLVII. Die Urkunden Kaiser Ludwigs des Baiern, König Friedericj des Schönen und König Johanns von Böhmen nebst einer Auswahl der Briefe und Bullen des Päpste und anderer Urkunden welche für die Geschichte Deutschlands von 1314 bis 1347 vorzüglich wichtig sind, t. I, Additamentum primum, Francfort-sur-le-Main 1841, p. 304, n° 474.
-
Rapport Kreglinger sur les archives de Coblence, Compte-rendu des séances de la Commission Royale d’Histoire de Belgique, t. III, Bruxelles 1838, p. 258s.
-
CDM 7, S. 490, Nr. 665
-
EMLER, RBM Bd. 4, S. 688, Nr. 1717
-
DOMINICUS, Baldewin, S. 454
-
SCHÖTTER, Johann, Bd. 2, S. 249f. mit Anm.
-
WERUNSKY, Geschichte Kaiser Karls IV, S. 428
-
REICHERT, Landesherrschaft, S. 506 mit Anm. 499
-
David Kirt
Sigillographie
-
oui
Informations
Acte
David
Kirt
(Université de Luxembourg), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 26668 (transscript-694), http://telma.irht.cnrs.fr/chartes/transscript/notice/26668 (mise à jour : 17/12/2018).