Général
-
Laurent évêque de Metz
-
Ferry (3) duc de Lorraine
-
Laurent évêque de Metz
-
Ferry (3) duc de Lorraine
-
Laurent évêque de Metz
-
Ferry (3) duc de Lorraine
-
-
Lyon
-
FRANCE, Bar-le-Duc, Archives départementales de la Meuse, B256 f°281v°-282r° (cartulaire du XIVe s.)
-
Français
-
non suspecté
-
Charte
-
Cartulaire
-
Laurent, évêque de Metz, et le duc Ferry (3) font une troisième paix, prenant pour diseurs (arbitres) Thierry avoué de Watzelein et Liébaut de Haute-Pierre, entre les mains desquels le duc remettra les lettres des otages de Vic et de Marsal et libèrera les prisonniers sous peine de 4000 marcs ; l’évêque lèvera l’interdit des terres ducales et les excommunications causées par la guerre. Deux cardinaux scellent avec l’évêque et le duc.
-
Lettres de la tieree paix entre l’eveke et lou duc. Ceu fut fait a Lyon. 01. Nous Lorens, par la graice de Deu evekes de Mez, et
02. Ferris, dus de Lorreigne et marchis, faisons cognoissant
03. a tous que de tous bestens et de tous descors et de toutes ke-
04. -relles que sont et ont estei entre nous dous, soit de descort
05. de la premiere paix ou de la seconde qui ont estei faites entre
06. nous, et de toutes autres choses de cest jour en arriers, nous
07. nous an soumes mis de haut et de bas sor mon seignor Thieri,
08. woei de Waszelein, et sor mon seignor Liebaut de Haute Pier-
09. -re, chevaliers, sanz les heritaiges dont nous ne faisons point de
10. mise, et devons porchescier en bone foi et faire qu’il ceste
11. mise prengnent sor aulz et juroient sor seins que il entre-
12. -ront en demeure chastel l’eveke as octaves de Paikes,
13. se par noz volunteis n’estoit abregez ou allongniez cil ter-
14. -mes, ne n'an partiront par lor sairement tant qu’il nos aient
15. acordei et apaisié par droit ou par amour a lor voluntei. Et je
16. dus, quant cil dui chevalier devant dit auront pris la mise sor
17. aulz et lou sairement fait, suiz tenus et doie metre en la
18. mein des disours devant dis les lettres des ostaiges et
19. des covenances de ceuz de Vy et de Marsaul. Et nous eve-
20. -kes, ceu fait, osterons par l’auctoritei nostre pere l’apo-
21. -stole q(ue) nos avons l’entredit de la terre lou duc et assaur-
22. -rons tous ceuz qui sont escommeniei por l’occoison de la wer-
23. -re et dou bestens qui ai estei entre nous et lou duc devant
24. dit qui lou requerront. Aprés nous, evekes et dus, volons
25. que toutes lettres, soit de la premiere paix soit de la seconde,
26. soit d’apostole ou d’autrui, que li uns de nous ait contre
27. l’autre, soient nulles aprés lou dit des dous disours acompli.
28. Et nous, evekes et dus, devons faire seurtei li uns a
29. l’autre a dit les disours par lor sarrement de tenir teil ra-/f. 282r/ 01. port et teil ordination com il feront si com il est desus dit.
02. Et se nos evekes ne faisiens seurtei a duc devant dit
03. a dit des disours si com il est desus dit, il renderoient et
04. sont tenu de rendre a duc devant dit les lettres des
05. covenances et des ostaiges de ceuz de Vy et de Marsaul,
06. et porc eu ne laixeront mie li disours d’aler avant en
07. la mise et la seurtei faite si com desus est dit, li disour
08. desus dit feront lor volontei des lettres des ostaiges et des
09. covenances de ceuz de Vy et de Marsaul, et iront ades
10. avant en la mise ; et je dus suis tenus a faire des prisons
11. ensi com li eveskes en eit mes lettres. Et toutes ces co-
12. -venances devant dites prometons nos li uns a l’autre
13. a tenir et a escevir entierement en bone foi et loiaul-
14. -ment sor poinne de quatre mile mars, les quelz cil qui
15. ne tanroit le dit a disours seroit tenus de paier a
16. l’autre par le raport des disours. Et pour ceu que ceste choze
17. soit ferme et estable metons nos nos seelz en ces pre-
18. -sentes lettres, et a nostre requeste mes sires Guillames
19. et meis sire Octeboins, cardenaul, qui par la volontei et l’acto-
20. -ritei n(ost)re pere l’apostoile ont traitié la paix entre nous
21. dous i ent mis lor seelz avec les nostres. Ce fut fait a
22. Lyon, lendemein de la seint Nicholais en l’an de l’Incarna-
23. -nacion Nostre (Signor) mil dous cens et sexante et quatorze,
24. on moix de decembre. -
DE PANGE, Jean, Catalogue des actes de Ferri III, duc de Lorraine (1251-1303) . – Paris : H. Champion, 1930, 285 p. + Table des noms de personnes et des noms de lieux contenus dans le catalogue (p. I-XXIX). n°489
-
Isabelle Guyot Bachy, Denis Remy
Informations
Acte
Denis
Remy
(_), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 147053 (transscript-1105), http://telma.irht.cnrs.fr/chartes/transscript/notice/147053 (mise à jour : 15/10/2020).