Général
-
Ferry, comte de Fribourg et sire de Romont
-
Collégiale Saint-Georges de Nancy
-
Ferry, comte de Fribourg et sire de Romont
-
-
FRANCE, Nancy, Bibliothèque municipale, ms. 605, p. 25
-
Copie dans cartulaire (XIVe s.)
-
français
-
non suspecté
-
Lettre
-
Cartulaire
-
Ferry, comte de Fribourg et sire de Romont, fait savoir qu'il donne, pour le salut de son âme et de celle de feue sa femme Agnès, à la collégiale Saint-Georges, 40 soudées petits tournois sur ses tailles de Vallois, leur accordant en outre après sa mort l’usage sur ses forêts et bois de Romont. Le duc Raoul agrée en qualité de suzerain cette donation et y appose son sceau.
-
01. Nous Ferris cuens de Fribour et sires de Romont faisons savoir a tous que nous pen-
02. -sei et considerei au salut de nostre ame, avons donei et ottroié, donons et ottroions per
03. ces presentes lettres pour Deu et en almone purement et pour le remeide des ames de nos pre-
04. -decessours et successours et pour l'ame de nostre tres chiere suer et compaigne Agnei nostre femme
05. cui Deus absoille, a l'englise monsignour Sainct George de Nancey que de novel est fondee et estau-
06. -blie, quarante soldees de terre a petis tournois a panre et a recevoir par le prevost et les
07. channoines de la dite englise ou lour procurour en premiers deniers de nos tailles de Val-
08. -lois devant Gerbevilleirs au terme de ceste Sainct Remey prochiene venant, et ensi chascun
09. an au dit terme de la Sainct Remey a tous jours maix. Et nous en sumes devestis pour
10. nous et pour nos hoirs et en avons envesti et mis en possession les diz prevost et channoines
11. pour aulz et pour lors successours a tous jours maix. Et volons que li dit quarante
12. solz soient departir et distribueiz au jour c'om ferait le service pour nous en la dite en-
13. -glise a teil jour com nous trespesserons de cest monde, et qu'il le soient dès maintenant
14. a teil jour com on ferait le service notre femme, auz channoines a lors vicaires et chapellains
15. qui present seront au faire le service dessus dit, et que apres nostre decet li service nostre femme soit
16. fais avec lou nostre tout ensemble. Et avec la terre dessus dite avons nous encor donei auz diz
17. prevost et channoines et a lors successours a tous jours maix lour usaige de marien partout
18. en nos foreiz et boix de Romont pour la necessitei de lor dite englise et de auz et de lors hostelz.
19. Et des dons dessus diz avons nous promis et promettons pour nous et pour nos hoirs a faire
20. joir et laxier joir les diz prevost et channoines et lors successours a tous jours maix. Et volons
21. que cilz qui nos dite tailles receverait chascun an soit tenus de delivreir au procurour de la
22. dite englise les diz quarante solz. Et se deffault y avoit que li dit channoine et lor successour
23. le puissent constrendre et tous aultres que les choses dessus dites lor empacheroient. En tes-
24. -moingnaige de veritei avons nous mis nostre seel pendant en ces presentes lettres. Et encor pour
254. plus grant seurteir avoir avons nous deproiier a nostre tres chier et redoubtei signour monsignour
26. Raoul duc de Loherenne et marchi de cui fié les choses dessus dites muevent, qu'il comme soverains
27. welle aggreeir et amortir les choses dessus dites et les nous faice tenir et tous aultres qui em-
28. -paicheroient ou empaichement y vorroient mettre, et welle mettre son saiel en ces presen-
29. -tes lettres avec le nostre. Et nous Raoulz dus de Loherenne et marchis a la proiere de nostre amei
30. et feaul coisin dessus dit avons lowei et aggraei et amorti les choses dessus dites et volons
31. que li prevois et channoine dessus dit et lor successour les tengnent de nous com les aultres heritai-
32. -ges de la principaul fondation de lor dite englise et avons mis nostre grant seel pendant avec
33. lou seel nostre coisin devant dit en ces presentes lettres, que furent faites l'an de grace Nostre Signour
34. mil trois cens et quarante le londemain de la Nativitei Nostre Signour. -
Lettre dou conte de Fribour de quarante soldees de terre et l'usaige des boix
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 231
-
Denis Remy ; Mathias Bouyer
Sigillographie
-
non
Informations
Acte
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145526 (transscript-1084), http://telma.irht.cnrs.fr/chartes/transscript/notice/145526 (mise à jour : 24/05/2019).