NE LICEAT ALICUI PRETEXTU ALICUJUS CONSUETUDINIS BONA NOSTRA OCCUPARE, VADIARE SEU ETIAM DETINERE
Johannes, episcopus, servus servorum Dei, dilectis filiis abbati et conventui monasterii Ursicampi, Cysterciensis ordinis, Noviomensis dyocesis, salutem et apostolicam benedictionem. Ex parte vestra fuit propositum coram nobis, quod nonnulli clerici et laici asserentes se in vos aliquid questionis habere aliquando monachos interdum conversos et nonnunquam alia et alia bona monasterii vestri pretextu cujusdam prave consuetudinis temeritate propria vadiare, invadere, detinere presumunt, donec sit eis de hujus modi questionibus juxta ipsorum beneplacitum satisfactum, quamque juridictionem qua hoc possint in vos non habeant ordinariam seu delegatam. Cum itaque judicialis vigor sit ideo in medio constitutus ut nemo sibi audeat presumere ultionem et ob hoc id tanquam ullo jure subnixum non sit aliqualiter tolerandum. Nos volentes quieti vestre consulere ac predictorum maliciis obviare, auctoritate presentium districtius inhibemus ne quis predicte consuetudinis ecclesie vobis memoratas inferre molestias ac bona monasterii vestri absque juris ordine occupare, vadiare seu quolibet modo detinere presumat. Nulli ergo..... Si quis..... Datum Viterbii, IV nonas maii, pontificatus nostri anno primo.
PEIGNE-DELACOURT, Cartulaire de l'abbaye de Notre-Dame d'Ourscamp, de l'ordre de Cîteaux, fondée en 1129 au diocèse de Noyon, Amiens, 1865 (Mémoires de la société des antiquaires de Picardie. Documents inédits concernant la province, 6), n° 497, p. 308