Pierre, évêque d'Arras, reprend et confirme l'acte par lequel Jean de Hamelaincourt notifiait qu'il renonçait à son droit de relief sur des essarts, droit qu'il percevait à chaque élection d'un nouvel abbé à Eaucourt.
Petrus, divina patientia Attrebatensis ecclesie minister humilis, omnibus Christi fidelibus, quibus litteras istas videre contigerit, salutem in Domino. Noverit universitas vestra quod, cum pater domini Johannis de Hamelaincort primo et postmodum ipse Johannes adversus ecclesiam Ailcurtensem querelam movisset super relevatione sartorum in mutatione abbatis, tandem terminata est eadem querela in hunc modum, sicut in rescripto ejusdem domini J. quod nostro presenti scripto inseruimus continetur :
Ego Johannes de Hamelaincort notum fieri volo tam futuris quam presentibus, ad quos littere iste pervenerint, querelam, quam pater meus adversus ecclesiam Aiulcurtensem de relevatione sartorum inmutatione abbatis moverat et ad me usque pervenerat, hoc demum sine assensu omnium fratrum meorum terminatam fuisse. Omnes itaque terras, quas eatenus Ailcurtensis ecclesie fratres ab antecessoribus meis habuerant, ab omni relevatione liberas in perpetuum possidebunt. Si quas vero deinceps adquisierint, sub personatu alicujus fratris sicut et terras participum meorum Symonis et Gilleni eas tenebunt nec unquam a modo immutatione abbatis aliquid relevationis ab ecclesia poterit exigi sed inmutatione fratrum, qui substituti fuerint in personatum. Sciendum etiam quod, quicquid habebam in decima de Bertilemunte et duos mencoldos terre en Canescurt et tres a Oison Marcais et octo en Val-des-Pres et al Sart Durant duos mencoldos et dimidium, que antecessores mei dederant, sed ego pro contentione, que inter nos et ipsos fuerat, abstuleram, reddidi et in pace tenere concessi. Ut igitur hoc ratum a posteris habeatur, litteris mandavi et sigilli mei appositione firmavi et subscriptorum attestationibus roboravi. Ad majoris etiam auctoritatis firmitatem a domino meo Petro Attrebatensi episcopo petii, ut inde ipsis scriptum feceret et sigillum suum apponeret. Quod ipse pacis ecclesie providens in futurum, libenter annuit et fecit. Signum ipsius domini episcopi. S. Johannis prepositi. S. magistri Petri. S. Walteri Maradut.
Ut igitur factum istud firmum et stabile perseveret, ipsum ad petitionem partium in scriptum redigi et sigilli nostri fecimus testimonio roborari. Datum anno Incarnationis dominice Mº Cº XCº quarto, mense januario.
TOCK (Benoît-Michel), Les chartes des évêques d'Arras (1093-1203), Paris, 1991, n° 247, p. 272-273