Honorius III mande à l’abbé de Saint-Benoit et à Alard, chanoine de Saint-Aignan d’Orléans, que si l’évêque d’Orléans a négligé d’assigner dans son église une prébende à Henri, chanoine de la basilique du Prince des apôtres, fils de Jean de Saint-Eustache, ils le fassent recevoir chanoine par autorité du Saint-Siège.
Honorius, episcopus, servus servorum Dei, venerabili fratri dilectis filiis B., abbati Sancti Benedicti Floriacensis, Aurelianensis diocesis, et Alardo, canonino Sancti Aniani Aurelianensis, salutem et apostolicam benedictionem. Venerabili fratri nostro... episcopo Aurelianensi olim dedisse recolimus in preceptis ut dilecto filio Henrico, Basilicae principis apostolorum canonico, nato nobilis viri Johannis de Sancto Eustachio, qui sibi et ecclesie sue potest existere fructuosus in multis, prebendam, si qua in Aurelianensi ecclesia tunc vacaret, ob reverentiam apostolice Sedis et nostram conferret, et collatam liberaliter assignaret, alioquin donationem prebende tunc proximo in eadem ecclesia vacature persone idonee conferendam, nostre donationi servantes, denuntiavimus irritum et inane, si quid contra foret qumodolibet attentatum. Cum igitur medio tempore prebenda, si qua vacasse in memorata ecclesia dignoscatur, sicut nostris auribus est relatum, predicto episcopo nostro dedimus litteris in preceptis ut, si est ita, nuntium ejusdem canonici de ipsa investiens vice sua, stallum in choro et locum in capitulo eidem studeat assignare. Cum igitur quod de provisione ipsius Henrici incepimus relinqui nolimus aliquatenus imperfectum discretioni vestre per apostolica scripta mandamus quatenus, si dictus episcopus quod mandavimus neglexerit adimplere, vos id auctoritate nostra, sublato appellationis obstaculo, exsequi procuretis, revocato in irritum, et quid contra tenorem mandati nostri fuerit attentatum. Datum Viterbii, nonis martii, anno quarto.
PROU (M.), VIDIER (A.), Recueil des chartes de l'abbaye de Saint-Benoît-sur-Loire, Paris, tome 2, 1912, p. , n° CCCLXXIV (Documents publiés par la Société archéologique du Gâtinais ; 6).
édition
Horoy, Medii ævi Biblioteca patristica seu Patrologia, series prima, t. III 1879, col. 400 d’après les manuscrits de La Porte du Theil.