L’official de Sens atteste que Hulduin de Cérilly a vendu à l’abbaye Saint-Rémy les maisons, places et cens qu’il possédait dans la cité de Sens, et tout ce qui lui appartenait hors de la cité dans la paroisse Saint-Romain, à l’exception d’un petit fief. Il a vendu aussi à l’abbaye une rente sur la grange de Collemiers et tout ce qu’il possédait à Villeroy, etc.
Magister Philippus, curie Senon. officialis, omnibus presentes litteras inspecturis, in Domino salutem. Noverint universi quod Hulduinus de Ceriliaco, miles, in presentia nostra constitutus, recognovit se vendidisse venerabili viro Fulconi, abbati et conventui Sancti-Remigii Senonensis, omnes domos, plateas, censum et quicquid habebat infra muros civitatis Senonensis, et quicquid habebat extra muros dicte civitatis, in parrochia Sancti-Romani; in domibus, plateis, censu, excepto quodam feodo quinque solidorum quod Villanus de Curtiniaco tenet, sicut dicitur, ab eodem Hulduino, et excepto heberiagio que idem miles tenebit, quamdiu vixerit. Post mortem, vero, suam ad memoratam ecclesiam libere revertentur. Recognovit etiam se vendidisse eis redditum quem percipiebat in eadem ecclesia in festo Beati-Remigii, et modium bladi quem recipiebat in granchia dicte ecclesie apud Columbarios; et quicquid habebat apud Vileroi, tam in feodo quam in proprio, et feodum quod tenebat a memorata ecclesia apud Vicum-Novum pro quadrigintis libris parisiensib., a festo Omnium-Sanctorum nuper preterito in quinque annos reddendis. Hanc autem venditionem fecit et voluit Johanna, uxor ejusdem militis, cum marito suo, et fiduciaverunt in manu nostra dicti Hulduinus et Johanna se debitam guarantiam super his omnibus dicte ecclesie portaturos, et quod nec per se nec per alios super predictis dictam ecclesiam molestabunt, nec in eis aliquid de cetero reclamabunt. Quod autem coram nobis recognitum est ad peticionem partium sine alterius prejudicio sub sigillo curie Senonensis testificamur. Actum, anno Gratie millesimo ducentesimo duodecimo, mense novembri, die mercurii post octavam Beati-Martini.
QUANTIN (Maximilien), Recueil de pièces pour faire suite au Cartulaire général de l'Yonne : XIIIe siècle, Auxerre, Société des sciences historiques et naturelles de l'Yonne, 1873, p. , n° 119.
original
Auxerre, AD Yonne, fonds Saint-Pierre-le-Vif, Saint-Rémy de Sens, L. XXI.