Lettre de Guillaume, évêque d’Auxerre, portant que le roi Philippe-Auguste l’a dispensé, sa vie durant, de l’accompagner à l’armée.
W., Dei gracia Autissiodori episcopus, omnibus presentes litteras inspecturis, salutem in Domino. Noveritis quod nos confitemur debere domino nostro Philippo, regi Francorum illustri, exercitum suum, sicut commune episcoporum et baronum debet, et illum de cetero per nostros milites, sicut alii, faciemus. Idem enim dominus rex personam nostram a servicio exercitus quamdiu vixerimus relaxavit. Et nos pro hac relaxatione et pro amore ipsius et gratia habenda, concedimus et volumus quod ipse de proventibus regalium nostrorum quos percepit usque ad festum Sancti-Johannis-Baptiste nuper preteritum, retineat pro sua voluntate. Super eo autem quod exinde retinebit, ipsum vel heredem suum, vec alium pro ipso in causam per nos vel per alium non trahemus et relaxabimus interdictum. In cujus rei memoriam, presentes litteras fecimus annotari et sigilli nostri munimine roborari. Actum, apud Meledunum, anno Domini Mº CCº XIIº, mense augusto.
QUANTIN (Maximilien), Recueil de pièces pour faire suite au Cartulaire général de l'Yonne : XIIIe siècle, Auxerre, Société des sciences historiques et naturelles de l'Yonne, 1873, p. , n° 116.
Paris, Arch. Nat., Trésor des Chartes, J. 260, n. 2