LOUIS-LE-DÉBONNAIRE CONFIRME LA DONATION DE POURRAIN FAITE PAR L’ÉVÊQUE D’AUXERRE ANGELHELME A SES CHANOINES.
L’empereur rapporte que l’évêque Angelhelme dota ses chanoines de certains biens destinés à leur entretien. Savoir la villa de Pourrain avec les villæ en dépendant, excepté Nancré, Lindry, Lupin et Rivus, qu’il se réserva. - On remarque que le Recueil des Historiens de France date la pièce de l’an 819.
In nomine Domini Dei et salvatoris nostri Jesu-Christi, Hludovicus divina ordinante providentia imperator augustus. Cum petitionibus sacerdotum justis et rationabilibus divini cultus amore favemus, superna nos gratia muniri non dubitamus. Proinde notum sit omnibus fidelibus sanctæ Dei ecclesiæ nostrisque, præsentibus scilicet et futuris, quia vir venerabilis Angilhelmus Autisioderensis ecclesiæ urbis episcopus, adiens serenitatem culminis nostri, innotuit nobis qualiter ob amorem Dei quasdam res ex ratione episcopatus sui canonicis ecclesiæ S. Stephani, cui ipse auctore Deo præest, ad stipendia eorum contulisset, qualiter postposita totius necessitatis excusatione, fratres ibidem degentes et canonicum ordinem religiose custodire, et Deo instanter in eodem loco possint deservire: id est villam quæ dicitur Polrenum, cum villis et appendiciis earum, excepto Nancradum, Linderiacum et Lupinum, necnon et Rivum, villas quas prælatis ipsius sedis ad utendum preservavit; petens ut super hac re ob firmitatis causa nostræ auctoritatis confirmationem habere mereretur. Cujus petitioni quia justa et rationabilis nobis visa est adsensum præbere placuit, et hanc nostram auctoritatem firmitatis gratia fieri jussimus, per quam præcipimus atque jubemus ut prædicta villa, sicut ab eodem Angilhelmo episcopo constituta est, ita deinceps nostris et futuris temporibus eisdem canonicis stipendiariæ, disponente atque perordinante episcopo qui præfatæ sedi præfuerit, exsistat, et nullus quilibet ex successoribus ejus eandem villam in beneficium alicui dare, aut de stipendiis eorundem canonicorum penitus auferre præsumat, sed per diuturna tempora inviolabiliter atque inconvulse persistat. Et ut hæc auctoritas nostris futurisque temporibus, Domino protegente, valeat inconvulsa manere, anuli nostri inpræssione subter eam jussimus adsignari. Durandus diaconus ad vicem Fridugisi recognovit et subs. (Place du sceau.) Data pridie idus novembris anno Christo propitio sexto imperii domni Hludowici piissimi augusti, indictione XIII. Actum Aquisgrani palatio regio in Dei nomine feliciter. Amen.
QUANTIN (Maximilien), Cartulaire général de l'Yonne, Recueil de documents authentiques pour servir à l'histoire des pays qui forment ce département, publié par la Société des sciences historiques et naturelles de l'Yonne, Auxerre, Perriquet, 1854-1860, tome 1, p. , n° XVI.
Auxerre, AD Yonne — Receuil des Historiens des Gaules et de France, t. IV, p. 519